അൽഷിമേഴ്സ് രോഗസാധ്യത 70 ശതമാനം കുറയ്ക്കുന്ന ജീൻ ശാസ്ത്രജ്ഞർ കണ്ടെത്തിയതായി റിപ്പോർട്ട്
ഡിമെൻഷ്യയുടെ ഏറ്റവും സാധാരണമായ രൂപമാണ് അൽഷിമേഴ്സ് രോഗം. തലച്ചോറിൽ അമിലോയിഡ്, ടൗ തുടങ്ങിയ പ്രോട്ടീൻ അടിഞ്ഞുകൂടുന്നതാണ് ഇതിനു കാരണം.
അൽഷിമേഴ്സ് എന്നത് എന്നും സമൂഹം ഏറെ ആശങ്കയോടെ നോക്കുന്ന ഒരു രോഗാവസ്ഥയാണ്. രോഗികളെപ്പോലെ തന്നെ ചുറ്റുമുള്ളവരേയും ഇത് ബാധിക്കും. ഈ രോഗത്തിന് നിലവിൽ മരുന്നുകളില്ല. എന്നാൽ ആൽഷിമേഴ്സ് ചികിത്സാ രംഗത്ത് പ്രതീക്ഷ നൽകുന്ന ഒരു കണ്ടെത്തലാണ് അടുത്തിടെ ശാസ്ത്ര സമൂഹത്തിൽ ഉണ്ടായിരിക്കുന്നത്.
അൽഷിമേഴ്സ് രോഗസാധ്യത 70 ശതമാനം കുറയ്ക്കുന്ന ജീൻ ശാസ്ത്രജ്ഞർ കണ്ടെത്തിയതായി റിപ്പോർട്ട് പുറത്തുവരുന്നു. യുഎസിലെ ഗവേഷകരുടെ അഭിപ്രായത്തിൽ, ഈ വേരിയൻ്റ് രോഗവുമായി ബന്ധപ്പെട്ട പ്രോട്ടീനുകൾ ശേഖരിക്കുന്നതിന് പകരം തലച്ചോറിൽ നിന്ന് അവയെ പുറത്തേക്ക് പോകാൻ അനുവദിക്കുന്നു. ഇത് പുതിയൊരു ചികിത്സാ രീതിയ്ക്കാണ് വഴിയൊരുക്കുന്നത്.
കൊളംബിയ സർവകലാശാലയിലെ വിദഗ്ധരുടെ അഭിപ്രായത്തിൽ, തലച്ചോറിൻ്റെ രക്തക്കുഴലുകളിൽ ചില മാറ്റങ്ങൾ ഉണ്ടാക്കുമെന്ന് കണ്ടെത്തലുകൾ സൂചിപ്പിക്കുന്നു. രോഗത്തെ ചികിത്സിക്കുന്നതിനോ അല്ലെങ്കിൽ തടയുന്നതിനോ ഈ ജീനിൻ്റെ സംരക്ഷണ ഫലങ്ങളെ അനുകരിക്കുന്ന പുതിയ ചികിത്സാരീതികൾ വികസിപ്പിക്കാനും അവർക്ക് കഴിഞ്ഞേക്കുമെന്ന് ഗവേഷകർ പറയുന്നു. ഒാരോ രോഗത്തിനു കാരണമാകുന്നതും ഒരു ജീനിന്റെ പ്രവർത്തനങ്ങളാകാം. ഇതിനെ തടയുന്നതിലൂടെയോ അല്ലെങ്കിൽ പ്രവർത്തനങ്ങൾ നിർത്തുന്നതിലൂടെയോ ആ രോഗത്തിനു പ്രതിവിധി കണ്ടെത്താനാകും. അൽഷിമേഴ്സ് പോലെ ഒരു ദുരിതം നിറഞ്ഞ രോഗത്തിനു പ്രതിവിധി ഇതിലൂടെ ഉണ്ടാകുമെന്ന പ്രതീക്ഷയാണ് ഈ കണ്ടെത്തലിലൂടെ ഉണ്ടായിരിക്കുന്നത്.
അൽഷിമേഴ്സ് സാധ്യത കുറയ്ക്കുന്ന ജീനുകൾ
ഡിമെൻഷ്യയുടെ ഏറ്റവും സാധാരണമായ രൂപമാണ് അൽഷിമേഴ്സ് രോഗം. തലച്ചോറിൽ അമിലോയിഡ്, ടൗ തുടങ്ങിയ പ്രോട്ടീൻ അടിഞ്ഞുകൂടുന്നതാണ് ഇതിനു കാരണം. ഈ രോഗത്തിന് നിലവിൽ ചികിത്സയൊന്നുമില്ലെങ്കിലും, മരുന്നുകളുടെ പരീക്ഷണങ്ങൾ നടക്കുന്നുണ്ട്. ആക്ട ന്യൂറോപാത്തോളജിക്കയിൽ പ്രസിദ്ധീകരിച്ച പഠനം അനുസരിച്ച് , രോഗലക്ഷണങ്ങൾ കാണിക്കാത്തവരിൽ പോലും അൽഷിമേഴ്സ് വരാനുള്ള സാധ്യത കൂടുതലാണ്. ഈ പഠനത്തിനായി രോഗസാധ്യത വർദ്ധിപ്പിക്കുന്ന ജീൻ പാരമ്പര്യമായി ലഭിച്ചവരുൾപ്പെടെയുള്ള 11000 ആളുകളിൽ നിന്നുള്ള ഡാറ്റ വിദഗ്ധർ ശേഖരിക്കുകയും വിലയിരുത്തുകയും ചെയ്തു. പ്രതിരോധശേഷിയുള്ള ആളുകൾക്ക് രോഗത്തെക്കുറിച്ചും അതിൻ്റെ ചികിത്സയ്ക്ക് ആവശ്യമായ ജനിതകവും അല്ലാത്തതുമായ ഘടകങ്ങളെ കുറിച്ചും ധാരാളം കാര്യങ്ങൾ പറയാൻ കഴിയുമെന്ന് ഗവേഷകർ പറഞ്ഞു. ഈ ആളുകളിൽ സംരക്ഷണം നൽകുന്ന ജനിതക വ്യതിയാനങ്ങൾ ഉണ്ടെന്നും പഠനത്തിൽ കണ്ടെത്തിയിട്ടുണ്ട്.
അൽഷിമേഴ്സ് രോഗത്തിൻ്റെ ലക്ഷണങ്ങൾ
അൽഷിമേഴ്സ് രോഗത്തിൻ്റെ ലക്ഷണങ്ങൾ ഇവയാണ്:മറവി, മൂഡ് സ്വിംഗ്സ്, ശ്രദ്ധക്കുറവ്, വിഷാദരോഗ ലക്ഷണങ്ങൾ
