മഹാശിവരാത്രി

ഹിന്ദുമത വിശ്വാസാചാര പ്രകാരമുള്ള പ്രധാനപ്പെട്ട ദിവസമാണ് ശിവരാത്രി. ശിവരാത്രി കേവലം ഒരു ഉത്സവം മാത്രമല്ല ഹൈന്ദവ വിശ്വാസികൾക്ക് അതൊരു പുണ്യദിനവും കൂടിയാണ്. ശിവം എന്ന് വാക്കിൻ്റെ അർഥം മംഗളമെന്നാണ്. അതുകൊണ്ട് ശിവരാത്രിയെ മംഗളരാത്രി എന്നും കൂടി അറിയപ്പെടാറുണ്ട്. ഈ പുണ്യദിവസത്തിൽ ശിവ ഭഗവാനെ ആരാധിക്കുന്നതിലൂടെ ഐശ്വര്യവും സമൃദ്ധിയും വന്നുചേരുമെന്നാണ് വിശ്വസിക്കുന്നത്. മാഘമാസത്തിലെ കറുത്തപക്ഷ ചതുർദശിയിലെ അർദ്ധരാത്രിയിലാണ് ശിവരാത്രി ആഘോഷിക്കുന്നത്. ശിവപുരാണം, ലിംഗപുരാണം എന്നീ പുരാണങ്ങളിലാണ് ശിവരാത്രിയെ കുറിച്ചുള്ള ഐതിഹ്യവും വ്രതത്തിൻ്റെ പ്രാധാന്യവും പറയുന്നത്.