അക്ഷയ തൃതീയ

ഹൈന്ദവ വിശ്വാസപ്രകാരം ശകർവർഷത്തിലെ വൈശാഖ മാസത്തിലെ മൂന്നാം ദിവസമാണ് അക്ഷയ തൃതീയ അഘോഷിക്കുന്നത്. പുണ്യപ്രദമായ ഈ ദിവസം ചില വിലവിടപ്പുള്ള വസ്തുക്കൾ വാങ്ങിക്കുന്നത് ശുഭകരമാണെന്നാണ് വിശ്വാസം. പ്രധാനമായും സ്വർണം ഇന്നേ ദിവസം വാങ്ങിക്കുന്നത് ശുഭകരമാണെന്നാണ് വിശ്വാസം.ഹിന്ദു കലണ്ടർ പ്രകാരം ഈ വർഷം അക്ഷയ തൃതിയ ഏപ്രിൽ 30 തീയതി രാവിലെ 5.41 മുതൽ ഉച്ചയ്ക്ക് 12.18 വരെയാണ് ആഘോഷിക്കുക. ഇന്നേദിവസം മഹാവിഷ്ണുവിനെയും ലക്ഷ്മിദേവിയെയുമാണ് പ്രധാനമായി ഭക്ത ആരാധിക്കുന്നത്. പുരാതനത്തിൽ വൈശ്യൻ്റെ കഥയുമായിട്ടാണ് അക്ഷയ തൃതീയ ബന്ധപ്പെട്ടിരിക്കുന്നത്. അക്ഷയ തൃതീയ ദിവസം ബ്രഹ്മ മുഹൂർത്തത്തിൽ വൈശ്യൻ വിഷ്ണുവിനെയും മഹാലക്ഷ്മിയെ ആരാധിക്കുകയും ബ്രാഹ്മണർക്ക് ദാനം ചെയ്യുകയും ചെയ്തപ്പോൾ പുണ്യം കൈവരിച്ച വൈശ്യൻ അടുത്ത ജന്മത്തിൽ രാജാവായി ജനിച്ചുയെന്നാണ് ഐതിഹ്യം. അക്ഷയ തൃതീയ ദിവസം സ്വർണത്തിന് പുറമെ ഉപ്പ്, മൺപാത്രം, പിച്ചള പാത്രങ്ങൾ, മഞ്ഞൾ, കടുക് തുടങ്ങിയ വാങ്ങിക്കുന്നത് ഉത്തമമാണ്