Malayalam News Sports > Lionel Messi Goal Argetina To Final Of Copa America Defeating Canada

Lionel Messi : മെസി മാജിക്കിൽ അർജൻ്റൈൻ ഗാഥ കോപ്പ ഫൈനലിൽ, കാണാം ചിത്രങ്ങൾ

Published:

10 Jul 2024 16:09 PM

Lionel Messi Goal Argetina : കാനഡയെ വീഴ്ത്തി അർജൻ്റീന കോപ്പ അമേരിക്കയുടെ ഫൈനലിൽ. മെസി സ്കോർഷീറ്റിൽ ഇടം നേടിയ മത്സരത്തിൽ എതിരില്ലാത്ത രണ്ട് ഗോളുകൾക്ക് വിജയിച്ച അർജൻ്റീന തുടരെ രണ്ടാം തവണയാണ് കോപ്പ ഫൈനലിൽ പ്രവേശിക്കുന്നത്. നിലവിലെ ചാമ്പ്യന്മാരാണ് അർജൻ്റീന

അങ്ങനെ തുടരെ രണ്ടാം തവണ അർജൻ്റീന കോപ്പ അമേരിക്കയുടെ കലാശപ്പോരിന് അർഹത നേടിയിരിക്കുന്നു. കഴിഞ്ഞ തവ്വൻ ചിരവൈരികളായ ബ്രസീലിനെ വീഴ്ത്തി ഫെയറിടെയിൽ ക്ലൈമാക്സിലൂടെ കിരീടം നേടിയ അർജൻ്റീന ഇത്തവണ അത് ആവർത്തിക്കുമോ എന്നതാണ് മില്ല്യൻ ഡോളർ ചോദ്യം.

2 / 5

സെമിയിൽ പുതുമുഖമായ കാനഡയെ മടക്കമില്ലാത്ത രണ്ട് ഗോളുകൾക്കാണ് അർജൻ്റീന കെട്ടുകെട്ടിച്ചത്. 22ആം മിനിട്ടിൽ ജൂലിയൻ അൽവരസും 51ആം മിനിട്ടിൽ ലയണൽ മെസിയും നേടിയ ഗോളുകളാണ് മത്സരത്തിൻ്റെ വിധിയെഴുതിയത്. കോപ്പയിൽ ഇതുവരെ കാര്യമായ സംഭാവന നൽകാതിരുന്ന മെസി സെമിഫൈനലിൽ ഫോമിലേക്കുയരുന്ന സൂചനയാണ് നൽകിയത്.

3 / 5

ആദ്യമായി കോപ്പ ഫൈനൽ കളിക്കുന്ന കാനഡ ആ അപരിചിത്വം കാണിക്കാതെ അർജൻ്റീയയുമായി സമാസമം മുട്ടിനിന്നു. പലപ്പോഴും ഫൈനൽ തേർഡിലാണ് അവർക്ക് പാളിയത്. അർജൻ്റൈൻ ഗോളി എമിലിയാനോ മാർട്ടിനസും കാനഡയ്ക്ക് വിലങ്ങുതടിയായി. പ്രതിരോധത്തിലെ പിഴവുകളില്ലായിരുന്നെങ്കിൽ അവർക്ക് കളി ഷൂട്ടിലേക്കെങ്കിലും എത്തിക്കാനാവുമായിരുന്നു.

4 / 5

ഫൈനലിൽ ഉറുഗ്വെ, കൊളംബിയ മത്സരത്തിലെ ജേതാക്കളെയാവും അർജൻ്റീന നേരിടുക. ഉറുഗ്വെ ബ്രസീലിനെയും കൊളംബിയ പനാമയെയും മറികടന്നാണ് സെമിയിലെത്തുന്നത്. ഉറുഗ്വെയ്ക്കാണ് വിജയസാധ്യതയെങ്കിലും കൊളംബിയയെ തള്ളിക്കളയാനാവില്ല. ഉറുഗ്വെ ഫൈനലിലെത്തിയാൽ ലാറ്റിനമേരിക്കയിലെ പ്രബലരായ രണ്ട് ടീമുകൾ തമ്മിലാവും കലാശക്കളി.

5 / 5

1993നു ശേഷം ആദ്യമായി അർജൻ്റീന കഴിഞ്ഞ തവണ മെസിയുടെ നേതൃത്വത്തിൽ കിരീടമുയർത്തിയത്. അതിന് മുൻപത്തെ ചാമ്പ്യന്മാരായ ബ്രസീലിനെ വീഴ്ത്തിയായിരുന്നു അർജൻ്റീനയുടെ കിരീടധാരണം. ഫൈനലിൽ ഏഞ്ചൽ ഡി മരിയ ആണ് അർജൻ്റീനയ്ക്കായി വിജയഗോൾ നേടിയത്.