ISL 2024 : ലേലത്തിനിടെ ബ്ലാസ്റ്റേഴ്സിനെ മറക്കല്ലേ; ചെന്നൈയിനെ 3 ഗോളിന് തകർത്ത് ലൂണയും സംഘവും വിജയവഴിയിൽ

ISL 2024 Kerala Blasters Won Against Chennaiyin FC : ഐഎസ്എലിൽ ചെന്നൈയിൻ എഫ്സിക്കെതിരെ ബ്ലാസ്റ്റേഴ്സിന് മടക്കമില്ലാത്ത മൂന്ന് ഗോൾ ജയം. തുടർച്ചയായ മൂന്ന് പരാജയങ്ങൾക്ക് ശേഷമാണ് ബ്ലാസ്റ്റേഴ്സ് വിജയവഴിയിൽ തിരികെയെത്തുന്നത്.

ISL 2024 : ലേലത്തിനിടെ ബ്ലാസ്റ്റേഴ്സിനെ മറക്കല്ലേ; ചെന്നൈയിനെ 3 ഗോളിന് തകർത്ത് ലൂണയും സംഘവും വിജയവഴിയിൽ

കേരള ബ്ലാസ്റ്റേഴ്സ് (Image Courtesy - Kerala Blasters Fb)

Published: 

24 Nov 2024 22:03 PM

ഒരുവശത്ത് ഐപിഎൽ ലേലം പൊടിപൊടിക്കവെ ഐഎസ്എലിൽ കേരള ബ്ലാസ്റ്റേഴ്സ് വിജയവഴിയിൽ തിരികെയെത്തി. മടക്കമില്ലാത്ത മൂന്ന് ഗോളുകൾക്ക് ചെന്നൈയിനെ മുക്കിയാണ് ബ്ലാസ്റ്റേഴ്സ് തിരിച്ചുവരവ് ആഘോഷിച്ചത്. ബ്ലാസ്റ്റേഴ്സിനായി നോഹ സദോയും ഹെസൂസ് ഹിമനസും രാഹുൽ കെപിയുമാണ് ഗോളുകൾ നേടിയത്. തുടരെ മൂന്ന് മത്സരങ്ങളിൽ പരാജയപ്പെട്ടതിന് ശേഷമാണ് ബ്ലാസ്റ്റേഴ്സ് ഒരു കളി വിജയിക്കുന്നത്.

സാധ്യമായതിൽ വച്ച് ഏറ്റവും ശക്തമായ ടീമിനെയാണ് ഇന്ന് കൊച്ചിയിൽ സ്റ്റാറെ അണിനിരത്തിയത്. മിലോസ് ഡ്രിന്‍സിച്ച്, നവോച്ച സിങ്, റുയ്വാ ഹോര്‍മിപാം, സന്ദീപ് സിങ് എന്നിവര്‍ പ്രതിരോധത്തിൽ തുടര്‍ന്നു. മധ്യനിരയില്‍ അലെക്സാന്‍ഡ്രെ കൊയെഫ് പുറത്തിരുന്നു. വിബിന്‍ മോഹനന്‍, അഡ്രിയാന്‍ ലൂണ, ഫ്രെഡി, കോറോ സിങ് എന്നിവരാണ് മിഡ്ഫീൽഡിൽ അണിനിരന്നത്. മുന്നേറ്റത്തില്‍ ഹെസൂസ് ഹിമനസും നോഹ സദോയും. ചെന്നൈയിന്‍ ഗോള്‍മുഖത്ത് മുഹമ്മദ് നവാസ് അണിനിരന്നപ്പോൾ പ്രതിരോധത്തില്‍ മന്ദാര്‍ ദേശായ്, റ്യാന്‍ എഡ്വാര്‍ഡ്സ്, യുമ്നം, ലെന്ത്ലെയ് എന്നിവരും മധ്യനിരയില്‍ എല്‍സിന്യോ, വിന്‍സി ബരെറ്റൊ, ഫാറൂഖ് ചൗധരി, ലൂകാസ് ബ്രാംബില്ല എന്നിവരും കളത്തിലിറങ്ങി. ഇര്‍ഫാന്‍ യദ്വാഡും വില്‍മര്‍ ഗില്ലും ചേർന്നാണ് ആക്രമണം നയിച്ചത്.

Also Read : Santosh Trophy: പുതുച്ചേരിക്കെതിരെ ​ഗോൾമഴ; കേരളം സന്തോഷ് ട്രോഫി ഫെെനൽ റൗണ്ടിൽ

തുടക്കം മുതൽ ബ്ലാസ്റ്റേഴ്സിന് ആക്രമിച്ചുകളിക്കാൻ സാധിച്ചു. കളിയുടെ സമസ്തമേഖലകളിലും മുന്നിട്ടുനിന്നെങ്കിലും ആദ്യ പകുതിയിൽ ഗോളുകൾ പിറന്നില്ല. 9ആം മിനിട്ടിൽ ചെന്നൈയിന് കിട്ടിയ ഒരു ഫ്രീ കിക്ക് സച്ചിൻ സുരേഷ് കുത്തിയകറ്റിയതാണ് ആദ്യ പകുതിയിലെ പ്രധാന ഇവൻ്റ്.

രണ്ടാം പകുതിയിൽ ബ്ലാസ്റ്റേഴ്സിൻ്റെ ശ്രമങ്ങൾ വിജയം കണ്ടു. 56ആം മിനിട്ടിലാണ് ആദ്യ ഗോൾ പിറന്നത്. കോറോ സിംഗ് ഒരുക്കിയ അവസരം പിഴവുകളില്ലാതെ ഹിമനസ് വലയിലെത്തിക്കുകയായിരുന്നു. 62ആം മിനിറ്റില്‍ ബ്ലാസ്റ്റേഴ്സിൻ്റെ ആദ്യ സബ്സ്റ്റിറ്റ്യൂട്ട്. കോറോ സിംഗിന് പകരം പകരം രാഹുല്‍ കെപി കളത്തിൽ. 70ആം മിനിട്ടിൽ നോഹ സദോയ് ബ്ലാസ്റ്റേഴ്സിൻ്റെ ലീഡ് ഇരട്ടിയാക്കി. ലൂണയാണ് ഗോളിലേക്കുള്ള വഴിയൊരുക്കിയത്. സീസണിൽ നോഹയുടെ നാലാം ഗോള്‍ ആയിരുന്നു ഇത്. ഇതിനിടെ ഫ്രെഡിക്ക് പകരം ഡാനിഷ് ഫാറൂഖ് കളത്തിലെത്തി. ഹിമിനെസിന് പകരം ക്വാമി പെപ്രയുമെത്തി. രണ്ടാം പകുതിയുടെ ഇഞ്ചുറി ടൈമിൽ രാഹുൽ കെകെപിയാണ് ബ്ലാസ്റ്റേഴ്സിൻ്റെ മൂന്നാം ഗോൾ കണ്ടെത്തിയത്. ഇതോടെ ബ്ലാസ്റ്റേഴ്സ് വിജയം പൂർത്തിയാക്കി. നോഹയാണ് ഈ ഗോളിലേക്കുള്ള വഴിയൊരുക്കിയത്.

ഇതോടെ 9 മത്സരങ്ങളിൽ മൂന്ന് ജയം സഹിതം 11 പോയിൻ്റുമായി ബ്ലാസ്റ്റേഴ്സ് എട്ടാം സ്ഥാനത്തെത്തി. 9 മത്സരങ്ങളിൽ 12 പോയിൻ്റുള്ള ചെന്നൈയിൻ ആറാമതാണ്. ഈ മാസം
28ന് എഫ്സി ഗോവയുമായാണ് ബ്ലാസ്റ്റേഴ്സിന്റെ അടുത്ത കളി. കൊച്ചിയാണ് വേദി.

 

Related Stories
Sanju Samson : സഞ്ജു ക്യാമ്പില്‍ നിന്ന് വിട്ടുനിന്നത് കാരണം കാണിക്കാതെ; അച്ചടക്കനടപടി ഒഴിവാക്കിയത് ഭാവി ഓര്‍ത്തെന്ന് കെസിഎ; അസോസിയേഷന് സമൂഹമാധ്യമങ്ങളില്‍ പൊങ്കാല
ISL Kerala Blasters vs Northeast united : കട്ട പ്രതിരോധം ! നോര്‍ത്ത് ഈസ്റ്റ് ആക്രമണം അതിജീവിച്ചു; 10 പേരുമായി കളിച്ചിട്ടും സമനില പിടിച്ചുവാങ്ങി ബ്ലാസ്റ്റേഴ്‌സ്‌
ICC Champions Trophy 2025 India Squad : എല്ലാം പ്രതീക്ഷിച്ചതുപോലെ ! ചാമ്പ്യന്‍സ് ട്രോഫിക്ക് ഇന്ത്യന്‍ ടീമും റെഡി; സഞ്ജു ഇല്ല, ഷമി റിട്ടേണ്‍സ്‌
Rinku Singh – Priya Saroj: ഏറ്റവും പ്രായം കുറഞ്ഞ എംപിമാരിൽ ഒരാൾ; ആരാണ് റിങ്കു സിംഗിൻ്റെ പ്രതിശ്രുതവധു പ്രിയ സരോജ്
Sanju Samson: സഞ്ജുവിൻ്റെ ചാമ്പ്യൻസ് ട്രോഫി സ്വപ്നങ്ങൾക്ക് തിരിച്ചടി; കേരള ക്രിക്കറ്റ് അസോസിയേഷൻ്റെ പിടിപ്പുകേടെന്ന് വിമർശനം
Virat Kohli Luxury Watch Collection : അഞ്ച് ലക്ഷം മുതൽ 45 ലക്ഷം രൂപ വരെ വില; വിരാട് കോലിയുടെ വാച്ച് കളക്ഷനുകൾ ഇങ്ങനെ
മോഹൻലാലിനെ കണ്ട് ഉണ്ണി മുകുന്ദൻ; ചിത്രങ്ങൾ വൈറൽ
ചാമ്പ്യന്‍സ് ട്രോഫി; ഇന്ത്യന്‍ ടീമില്‍ ഉള്‍പ്പെടാത്ത ഹതഭാഗ്യര്‍
വിവാഹം വേണ്ടെന്ന തീരുമാനം ലെന മാറ്റിയതിന് കാരണം?
വിറ്റാമിൻ ഡിയുടെ കുറവുണ്ടോ? ഇത് പതിവാക്കൂ