Malayalam News Photo Gallery > World Vegetarian Day 2024, History and Significance of the day dedicated to Vegetarian, Read in Malayalam

World Vegetarian Day 2024: എന്തിനാണ് സസ്യാഹാര ദിനം ആചരിക്കുന്നത്? ചരിത്രവും പ്രാധാന്യവും അറിയാം

Neethu Vijayan

Published:

30 Sep 2024 20:20 PM

World Vegetarian Day 2024: വെജിറ്റേറിയനിസം എന്നത് വ്യക്തികൾക്കും മൃഗങ്ങൾക്കും പരിസ്ഥിതിക്കും ധാരാളം ഗുണം നൽകുന്ന ഒരു ജീവിതശൈലിയായി കണക്കാക്കപ്പെടുന്നു. വെജിറ്റേറിയൻ ഭക്ഷണരീതികൾ ഹൃദ്രോഗം, പക്ഷാഘാതം, ടൈപ്പ് 2 പ്രമേഹം, ചിലതരം കാൻസർ എന്നിവയ്ക്കുള്ള സാധ്യത കുറയ്ക്കുമെന്ന് പഠനങ്ങൾ തെളിയിക്കപ്പെട്ടിട്ടുണ്ട്.

എല്ലാ വർഷവും ഒക്ടോബർ ഒന്നിനാണ് ലോക സസ്യാഹാര ദിനം ആചരിക്കുന്നത്. സസ്യാഹാരത്തിന്റെ ഗുണങ്ങൾ പ്രോത്സാഹിപ്പിക്കുന്നതിനും സസ്യാഹാര ജീവിതശൈലി തിരഞ്ഞെടുക്കുന്നതിനെക്കുറിച്ച് ബോധവാന്മാരാക്കുന്നതിനാണ് ഈ ദിനം ആചരിക്കുന്നത്. കൂടാതെ ആരോഗ്യം, പരിസ്ഥിതിക സന്തുലിതാവസ്ഥ, മൃഗങ്ങളുടെ ക്ഷേമം എന്നിവയിൽ സസ്യാഹാരത്തിന്റെ സ്വാധീനത്തെക്കുറിച്ച് അവബോധം വളർത്താനും ഈ ദിനം ലക്ഷ്യംവയ്ക്കുന്നു. (Image Credits: Gettyimages)

2 / 5

1977-ൽ നോർത്ത് അമേരിക്കൻ വെജിറ്റേറിയൻ സൊസൈറ്റി (എൻഎവിഎസ്) ആണ് ലോക വെജിറ്റേറിയൻ ദിനം ആദ്യമായി സ്ഥാപിച്ചത്. പിന്നീട് 1978-ൽ ഇന്റർനാഷണൽ വെജിറ്റേറിയൻ യൂണിയൻ (ഐവിയു) ഇത് അംഗീകരിച്ചു. മൃഗങ്ങളുടെ അവകാശങ്ങൾ, പരിസ്ഥിതി സുസ്ഥിരത, വ്യക്തിഗത ആരോഗ്യം എന്നിവയ്ക്ക് ഈ മുൻഗണന നൽകികൊണ്ടാണ് ഈ ദിനം ആചരിക്കാൻ തീരുമാനിച്ചത്. (Image Credits: Gettyimages)

3 / 5

വെജിറ്റേറിയനിസം എന്നത് വ്യക്തികൾക്കും മൃഗങ്ങൾക്കും പരിസ്ഥിതിക്കും ധാരാളം ഗുണം നൽകുന്ന ഒരു ജീവിതശൈലിയായി കണക്കാക്കപ്പെടുന്നു. വെജിറ്റേറിയൻ ഭക്ഷണരീതികൾ ഹൃദ്രോഗം, പക്ഷാഘാതം, ടൈപ്പ് 2 പ്രമേഹം, ചിലതരം കാൻസർ എന്നിവയ്ക്കുള്ള സാധ്യത കുറയ്ക്കുമെന്ന് പഠനങ്ങൾ തെളിയിക്കപ്പെട്ടിട്ടുണ്ട്. സസ്യാഹാരികൾക്ക് രക്തസമ്മർദ്ദവും കൊളസ്‌ട്രോളിന്റെ അളവും കുറവായിരിക്കും.(Image Credits: Gettyimages)

4 / 5

ഹൃദയത്തിന്റെ ആരോഗ്യം മികച്ചതായി നിലനിർത്താൻ സസ്യാഹാര രീതി നിങ്ങളെ സഹായിക്കുന്നു. വെജിറ്റേറിയൻ ഭക്ഷണത്തിൽ പലപ്പോഴും പൂരിത കൊഴുപ്പും കൊളസ്ട്രോളും കുറവായതിനാൽ ഇത് ഹൃദ്രോഗ സാധ്യത കുറയ്ക്കുന്നു. കൂടാതെ ശരീരഭാരം ആരോഗ്യകരമായി നിലനിർത്താനും ഇത് സഹായിക്കുന്നു. (Image Credits: Gettyimages)

5 / 5

വെജിറ്റേറിയൻ ഭക്ഷണക്രമം വൻകുടൽ, സ്തനാർബുദം പോലുള്ള ചിലതരം കാൻസറുകളുടെ സാധ്യത കുറയ്ക്കുമെന്നാണ് ചില പഠനങ്ങൾ സൂചിപ്പിക്കുന്നത്. സസ്യാഹാരത്തിലെ നാരുകളാൽ സമ്പുഷ്ടമായ ഭക്ഷണങ്ങൾ ആരോഗ്യകരമായ ദഹനത്തെയും പ്രോത്സാഹിപ്പിക്കുന്നു. (Image Credits: Gettyimages)