Malayalam News Photo Gallery > Samsung Unveils Android XR Moohan Headset To Compete With Apple Vision Pro And Meta Quest 3

Apple Vision Pro vs Samsung XR Headset : ആപ്പിൾ വിഷൻ പ്രോയ്ക്ക് എതിരാളിയെത്തുന്നു; മൂഹൻ എക്സ്ആർ അവതരിപ്പിച്ച് സാംസങ്

Abdul Basith

Published:

13 Dec 2024 18:49 PM

Samsung Unveils Android XR Moohan Headset : ആപ്പിൾ വിഷൻ പ്രോയ്ക്കും മെറ്റ ക്വെസ്റ്റ് 3യ്ക്കും വെല്ലുവിളിയാവാൻ സാംസങിൻ്റെ എക്സ്ആർ ഹെഡ്സെറ്റ്. പ്രൊജക്ട് മൂഹൻ എന്ന് പേരിട്ടിരിക്കുന്ന ഈ ഹെഡ്സെറ്റ് അടുത്ത വർഷം പുറത്തിറങ്ങും.

ആപ്പിൾ വിഷൻ പ്രോയ്ക്ക് എതിരാളിയുമായി സാംസങ്. തങ്ങളുടെ ആദ്യ എക്സ്റ്റൻഡഡ് റിയാലിറ്റി ഹെഡ്സെറ്റാണ് സാംസങ് അവതരിപ്പിച്ചത്. പ്രൊജക്ട് മൂഹൻ എന്നതാണ് ഹെഡ്സെറ്റിൻ്റെ കോഡ്നെയിം. ഗൂഗിൾ ജെമിനി എഐ പിന്തുണ അടക്കമുള്ള ഈ ഹെഡ്സെറ്റ് 2025ൽ പുറത്തിറങ്ങുമെന്നാണ് സൂചന. (Image Courtesy - Social Media)

2 / 5

ആൻഡ്രോയ്സ് എക്സ് ആർ ഓപ്പറേറ്റിങ് സിസ്റ്റത്തിലാവും ഹെഡ്സെറ്റ് പ്രവർത്തിക്കുക. ആപ്പിൾ വിഷൻ പ്രോ, മെറ്റ ക്വെസ്റ്റ് 3 എന്നീ ഹെഡ്സെറ്റുകൾക്ക് എതിരാളിയായാണ് സാംസങ് മൂഹൻ ഹെഡ്സെറ്റ് അവതരിപ്പിക്കുന്നത്. മൂഹൻ എന്നാൽ കൊറിയൻ ഭാഷയിൽ അനന്തം എന്നാന് അർത്ഥം. (Image Courtesy - Social Media)

3 / 5

ഗൂഗിളിൻ്റെ പുതിയ പ്ലാറ്റ്ഫോമാണ് ആൻഡ്രോയ്ഡ് എക്സ്ആർ. എആർ, വിആർ, എഐ തുടങ്ങിയവ സപ്പോർട്ട് ചെയ്യുന്ന ഉപകരണങ്ങളിലാവും ഈ പ്ലാറ്റ്ഫോം ഉപയോഗിക്കുക. ഈ പ്ലാറ്റ്ഫോമിൽ പുറത്തുവരുന്ന ആദ്യ ഹെഡ്സെറ്റാവും ഇത് എന്ന് ഗൂഗിൾ പ്രതികരിച്ചു. ഹെഡ്സെറ്റിൻ്റെ വിലയെപ്പറ്റി സൂചനയില്ല. (Image Courtesy - Social Media)

4 / 5

ആൻഡ്രോയ്ഡിൽ ലഭിക്കുന്ന വിവിധ ഫീച്ചറുകൾ ആൻഡ്രോയ്ഡ് എക്സ്ആറിൽ ലഭിക്കും. സർക്കിൾ ടു സെർച്ച്, ഗൂഗിൾ ടിവിയോ ഗൂഗിൾ ഫോട്ടോയോ ഉപയോഗിച്ചുള്ള മൾട്ടിമീഡിയ കാഴ്ച, ഗൂഗിൾ ക്രോം ഉപയോഗിച്ചുള്ള ബ്രൗസിംഗ്, ട്രാൻസലേഷൻ, ഗൂഗിൾ മാപ്പ്സിലെ ഇമ്മെഴ്സിവ് വ്യൂസ് തുടങ്ങിയവയൊക്കെ എആർ സംവിധാനത്തിൽ അനുഭവിക്കാനാവും. (Image Courtesy - Social Media)

5 / 5

2023ലെ ഗ്യാലക്സി അൺപാക്ക്ഡ് ഇവൻ്റിലാണ് സാംസങ് ആദ്യമായി ഈ ഹെഡ്സെറ്റിനെപ്പറ്റിയുള്ള സൂചന നൽകുന്നത്. എസ്23 സീരീസ് മോഡലുകൾ ഈ സമയത്ത് അവതരിപ്പിച്ചിരുന്നു. ആ സമയത്ത് ഗൂഗിളുമായി ചേർന്ന് എക്സ്ആർ ഹെഡ്സെറ്റ് നിർമ്മാണത്തിലാണെന്ന് സാംസങ് അറിയിച്ചിരുന്നു. (Image Courtesy - Social Media)