Malayalam News Photo Gallery > Prithviraj Sukumaran Birthday, From Urumi to Lucifer, Best movies to watch on his birthday, Check in Malayalam

Prithviraj Sukumaran Birthday: 42-ാം പിറന്നാൾ നിറവിൽ നടൻ പൃഥ്വിരാജ്; രണ്ട് പതിറ്റാണ്ടിലേറെ നീണ്ട അഭിനയ ജീവിതത്തിലെ മികച്ച സിനിമകളിലൂടെ ഒരു യാത്ര

Nandha Das

Updated On:

04 Nov 2024 18:51 PM

Prithviraj Birthday 2024: പൃഥ്വിരാജിന് ഇന്ന് 42-ാം പിറന്നാൾ. രണ്ട് പതിറ്റാണ്ടിലേറെയായി വ്യത്യസ്ത കഥാപാത്രങ്ങളിലൂടെ മലയാള സിനിമ പ്രേക്ഷകരെ വിസ്മയിപ്പിച്ചു കൊണ്ടിരിക്കുന്ന താര പ്രതിഭ. പൃഥ്വിരാജിന്റെ കരിയറിലെ ചില മികച്ച ചിത്രങ്ങൾ നോക്കാം.

2002-ൽ രഞ്ജിത്ത് സംവിധാനം ചെയ്ത നന്ദനം എന്ന ചിത്രത്തിലൂടെയാണ് പൃഥ്വിരാജ് അഭിനയ രംഗത്തേക്ക് പ്രവേശിക്കുന്നത്. രഞ്ജിത്ത് തന്നെ കഥ, തിരക്കഥ, സംഭാഷണം എന്നിവ നിർവഹിച്ച ചിത്രത്തിൽ നവ്യ നായർ, സിദ്ദിഖ്, ഇന്നസെന്റ്, ജഗതി ശ്രീകുമാർ, കവിയൂർ പൊന്നമ്മ എന്നിവരും പ്രധാന വേഷങ്ങളിൽ എത്തി. ഗുരുവായൂരിലെ ഒരു തറവാട്ടിലെ ജോലിക്കാരിയും, കൃഷ്ണ ഭക്തയുമായ ബാലാമണിയും, അതെ തറവാട്ടിലെ ഇളമുറക്കാരനും തമ്മിലുള്ള പ്രണയവും പ്രതിസന്ധികളുമാണ് ചിത്രത്തിൽ പറയുന്നത്. അന്ന് പ്രേക്ഷകർ ഏറ്റടുത്ത ഈ ചിത്രത്തിന്, ഇന്നും ആരാധകർ ഏറെയാണ്. (Socialmedia Image)

2 / 5

സുനിൽ പരമേശ്വരന്റെ 'അനന്തഭദ്രം' എന്ന നോവലിനെ ആസ്പദമാക്കി, 2005-ൽ സന്തോഷ് ശിവൻ സംവിധാനം ചെയ്ത റൊമാൻ്റിക് ഡാർക്ക് ഫാൻ്റസി ഹൊറർ ചിത്രമാണ് അനന്തഭദ്രം. ആത്മാക്കൾ, ദുർമന്ത്രവാദം എന്നിവയെ അടിസ്ഥാനമാക്കിയുള്ളതാണ് ചിത്രം. പൃഥ്വിരാജ് നായകനായ ചിത്രത്തിൽ മനോജ് കെ ജയൻ, കാവ്യാ മാധവൻ, കലാഭവൻ മണി, ബിജു മേനോൻ, രേവതി തുടങ്ങിയവരും പ്രധാന വേഷങ്ങളിലെത്തി. അഞ്ച് കേരള സംസ്ഥാന ചലച്ചിത്ര പുരസ്‌കാരം സ്വന്തമാക്കിയ ചിത്രം വൻ വാണിജ്യ വിജയമായിരുന്നു. (Socialmedia Image)

3 / 5

പൃഥ്വിരാജിനെ നായകനാക്കി സന്തോഷ് ശിവൻ സംവിധാനം ചെയ്ത ചിത്രമാണ് 'ഉറുമി'. 2011-ൽ പുറത്തിറങ്ങിയ ചിത്രത്തിൽ പ്രഭുദേവ, ജെനീലിയ, വിദ്യാബാലൻ, നിത്യാമേനൻ തുടങ്ങിയവരും മുഖ്യ വേഷങ്ങളിലെത്തി. ചരിത്ര പശ്ചാത്തലത്തിൽ ഒരുക്കിയ ചിത്രം, 2011-ലെ ഗോവ ഫിലിം ഫെസ്റ്റിവലിൽ ഇന്ത്യൻ പനോരമയിൽ പ്രദർശിപ്പിച്ചിരുന്നു. സ്വന്തം പിതാവിനെ വധിച്ച വാസ്കോ ഡ ഗാമയോട് പ്രതികാരം ചെയ്യാൻ ഉറുമിയുമായി കാത്തിരിക്കുന്ന ചിറക്കൽ കേളു നായനാരുടെയും, സുഹൃത്ത് വവ്വാലിയുടെയും കഥയാണ് ചിത്രം പറയുന്നത്. (Socialmedia Image)

4 / 5

യഥാർത്ഥ സംഭവത്തെ അടിസ്ഥാനമാക്കി ആർ എസ് വിമൽ സംവിധാനം ചെയ്ത ചിത്രമാണ് 'എന്ന് നിന്റെ മൊയ്‌ദീൻ'. പൃഥ്വിരാജ് നായകനായ ചിത്രത്തിൽ നായിക പാർവതി തിരുവോത്താണ്. 1960 കാലഘട്ടത്തിൽ കോഴിക്കോട് മുക്കം ജില്ലയിൽ നടന്ന യഥാർത്ഥ സംഭവമാണ് ചിത്രത്തിൽ പരാമർശിച്ചിരിക്കുന്നത്. മൊയ്തീന്റെയും കാഞ്ചനമാലയുടെയും ആഴത്തിലുള്ള പ്രണയത്തെ അവതരിപ്പിച്ച ചിത്രം, 2015-ലാണ് പുറത്തിറങ്ങിയത്. പ്രേക്ഷകരിൽ നിന്നും നല്ല അഭിപ്രായമാണ് ചിത്രം നേടിയത്. (Socialmedia Image)

5 / 5

2019-ൽ പൃഥ്വിരാജിന്റെ സംവിധാനത്തിൽ പുറത്തിറങ്ങിയ ത്രില്ലർ ചിത്രമാണ് 'ലൂസിഫർ'. മോഹൻലാൽ കേന്ദ്രകഥാപാത്രത്തെ അവതരിപ്പിച്ച ചിത്രത്തിന്റെ തിരക്കഥയെഴുതിയത് മുരളി ഗോപിയാണ്. പൃഥ്വിരാജ് സംവിധാനം ചെയ്ത ആദ്യ ചിത്രം കൂടിയാണിത്. മോഹൻലാലിന് പുറമെ പൃഥ്വിരാജ്, വിവേക് ഒബ്റോയ്, മഞ്ജു വാര്യർ, ടൊവിനോ തോമസ്, ഇന്ദ്രജിത്ത് സുകുമാരൻ എന്നിവരും ചിത്രത്തിൽ അണിനിരന്നു. ആഗോള ബോക്സ്ഓഫീസ് കളക്ഷനിൽ ചിത്രം 100 കോടി രൂപയ്ക്കും മുകളിൽ നേടി. (Socialmedia Image)

പൃഥ്വിരാജ്