Malayalam News Photo Gallery > Onam 2024, how to make strawberry payasam for onasadhya, check the recipe in malayalam

Onam 2024: ഓണത്തിൻ്റെ പഴമ വിട്ടൊരു പായസമായാലോ? ഇത്തവണയൊരുക്കാം സ്ട്രോബെറി പായസം

Published:

08 Sep 2024 14:08 PM

Strawberry Payasam Recipe: അല്പം പുളിയും മധുരവുമെല്ലാം ഇണചേർന്ന നല്ല സ്വാദിഷ്ടമായ സ്ട്രോബെറി കഴിക്കാൻ ഇഷ്ടമല്ലാത്തവരായി ആരെങ്കിലുമുണ്ടോ?പുറമെയുള്ള ഭംഗി പോലെ തന്നെ അകവും അത്ര തന്നെ ആരോഗ്യകരമാണ് സ്ട്രോബെറി. അത്തരം സ്ട്രോബെറി പ്രേമികൾക്ക് ഓണത്തിന് തയ്യാറാക്കാനുള്ള പായസ റെസിപിയാണ് ഇവിടെ പറയുന്നത്.

അല്പം പുളിയും മധുരവുമെല്ലാം ഇണചേർന്ന നല്ല സ്വാദിഷ്ടമായ സ്ട്രോബെറി കഴിക്കാൻ ഇഷ്ടമല്ലാത്തവരായി ആരെങ്കിലുമുണ്ടോ? അതിൻ്റെ ആരോഗ്യ ഗുണങ്ങൾ പലവിധമുണ്ട്. സ്ട്രോബെറിയിൽ വിറ്റാമിൻ സിയും മറ്റ് ആന്റിഓക്‌സിഡന്റുകളും ധാരാളം അടങ്ങിയിട്ടുണ്ട്. ഇത് കാൻസർ, പ്രമേഹം, സ്ട്രോക്ക്, ഹൃദ്രോഗം തുടങ്ങിയ ആരോഗ്യ അവസ്ഥകളുടെ അപകടസാധ്യത കുറയ്ക്കുന്നു.

2 / 5

മുതിർന്നവരും കുട്ടികളും ഒരുപോലെ ഇഷ്ടപ്പെടുന്ന പഴമാണ് സ്ട്രോബറി എന്നത് വളരെ നല്ലൊരു പ്രത്യേകതയാണ്. പുറമെയുള്ള ഭംഗി പോലെ തന്നെ അകവും അത്ര തന്നെ ആരോഗ്യകരമാണ്. അത്തരം സ്ട്രോബെറി പ്രേമികൾക്ക് ഓണത്തിന് തയ്യാറാക്കാനുള്ള പായസ റെസിപിയാണ് ഇവിടെ പറയുന്നത്.

3 / 5

സ്ട്രോബെറി -10 എണ്ണം, പാൽ -1 ലിറ്റർ, ചൗവരി- 200 ഗ്രാം, ഏലയ്ക്കാ പൊടി -1 സ്പൂൺ, പഞ്ചസാര -1/2 കിലോ, നെയ്യ് -200 ഗ്രാം, അണ്ടിപ്പരിപ്പ് -100 ഗ്രാം, ഉണക്ക മുന്തിരി -100 ഗ്രാം എന്നിവയാണ് സ്ട്രോബറി പായസം തയ്യാറാക്കാൻ ആവശ്യമായ ചേരുവകൾ.

4 / 5

ആദ്യം സ്ട്രോബെറി ചെറിയ കഷണങ്ങളായി മുറിച്ചെടുത്ത് മിക്സിയുടെ ജാറിലിട്ട് നല്ലതുപോലെ അരച്ചെടുക്കുക. അടുത്തതായി ഒരു പാൻ വച്ച് ചൂടാകുമ്പോൾ അതിലേയ്ക്ക് ആവശ്യത്തിന് പാൽ ഒഴിച്ചുകൊടുത്ത് പഞ്ചസാര പൊടിച്ചതും ചേർത്ത് നന്നായി യോജിപ്പിക്കുക. ശേഷം അതിലേയ്ക്ക് ചൗവരി വേവിച്ചതും കൂടി ചേർത്തു കൊടുക്കേണ്ടതാണ്.

5 / 5

ഇത് നന്നായിട്ടൊന്ന് കുറുകി തുടങ്ങുമ്പോൾ ഇതിലേക്ക് അരച്ചു വെച്ചിട്ടുള്ള സ്ട്രോബെറി കൂടി ചേർക്കുക. ഇനി അതിലേയ്ക്ക് ഏലയ്ക്കാ പൊടിയും കൂടി ചേർത്ത് നന്നായി ഇളക്കി അല്പം നെയ്യിൽ വറുത്തെടുത്തിട്ടുള്ള അണ്ടിപരിപ്പും ഉണക്ക മുന്തിരിയും കൂടി ചേർക്കുന്നതോടെ സ്ട്രോബെറി പായസം തയ്യാറാവും.

ഓണം