Olympics 2024 : ഇനി കളി പാരീസിൽ; ഇത്തവണ ഒളിമ്പിക്സിൽ മത്സരിക്കാത്ത ഇന്ത്യൻ താരങ്ങൾ ഇവർ

Updated On:

03 Jul 2024 17:15 PM

Olympics 2024 Paris : ഈ മാസം 26ന് ആരംഭിക്കുന്ന പാരിസ് ഒളിമ്പിക്സിൽ ചില പ്രധാനപ്പെട്ട ഇന്ത്യൻ താരങ്ങൾ പങ്കെടുക്കില്ല. യോഗ്യത നേടാനാവാത്തതും പരിക്കുമൊക്കെ കാരണമാണ് ഇവർക്ക് പാരിസിലേക്ക് പറക്കാനാവാത്തത്. മലയാളി താരം മുരളി ശ്രീശങ്കർ അടക്കമുള്ള താരങ്ങൾ പട്ടികയിലുണ്ട്.

2 / 6

പ്രണതി നായക് (ജിംനാസ്റ്റിക്സ്)- കഴിഞ്ഞ ഒളിമ്പിക്സിൽ മത്സരിച്ച പ്രണതിക്ക് ഇത്തവണ ഒളിമ്പിക്സ് യോഗ്യത നേടാനായില്ല. എഫ്ഐജി അപ്പാരറ്റസ് വേൾഡ് കപ്പ് 2024 സീരീസിലേക്കുള്ള യോഗ്യതയായിരുന്നു ഒളിമ്പിക്സിനും വേണ്ടിയിരുന്നത്. ഇത് നേടാൻ താരത്തിനു കഴിഞ്ഞില്ല.

3 / 6

രവി ദഹിയ (ഗുസ്തി) - കഴിഞ്ഞ ഒളിമ്പിക്സിൽ വെള്ളിമെഡൽ ജേതാവായ രവി ദഹിയയ്ക്ക് ഇന്ത്യൻ ഗുസ്തി ഫെഡറേഷൻ്റെ പിടിപ്പുകേട് മൂലമാണ് പാരിസ് ഒളിമ്പിസിലേക്ക് യോഗ്യത നേടാൻ കഴിയാതെ പോയത്. ഫൈനൽ ട്രയൽസ് നടത്താതെ മാർച്ചിൽ നടത്തിയ ട്രയൽസിൽ വിജയിച്ച താരങ്ങളെ ഒളിക്സിനയക്കാൻ ഫെഡറേഷൻ തീരുമാനിക്കുകയായിരുന്നു.

4 / 6

മുരളി ശ്രീശങ്കർ (ലോംഗ് ജമ്പ്)- കോമൺവെൽത്തിലും ഏഷ്യൻ ഗെയിംസിലും വെള്ളി നേടിയ മലയാളി താരം മുരളി ശ്രീശങ്കറിന് പരിക്കാണ് വിനയായത്. പരിശീലനത്തിനിടെ പരിക്കേറ്റ താരം ഒളിമ്പിക്സിൽ നിന്ന് പിന്മാറുകയായിരുന്നു.

5 / 6

വനിതാ ഹോക്കി ടീം - കഴിഞ്ഞ ഒളിമ്പിക്സിൽ നാലാം സ്ഥാനത്തെത്തി ചരിത്രം കുറിച്ച ഇന്ത്യൻ വനിതാ ഹോക്കി ടീമിന് ഇത്തവണ ഒളിമ്പിക്സ് യോഗ്യത ലഭിച്ചില്ല.

6 / 6

മിക്സഡ് ഡബിൾസ് ടേബിൾ ടെന്നീസ് ടീം, മിക്സഡ് 4*400 റിലേ ടീം, വാൾപ്പയറ്റ് താരം ഭവാനി ദേവി തുടങ്ങിയവരും ഇത്തവണ ഒളിമ്പിക്സിനുണ്ടാവില്ല.

ഒളിമ്പിക്സ് 2024

Choose your language

Olympics 2024 : ഇനി കളി പാരീസിൽ; ഇത്തവണ ഒളിമ്പിക്സിൽ മത്സരിക്കാത്ത ഇന്ത്യൻ താരങ്ങൾ ഇവർ

Network