Malayalam News Photo Gallery > nalambala-darshanam-2024-Within hours you can reach Nalambalam at ramapuram, amanakara , koodappulam, methiri, which is unique to Kottayam

Nalambala darshanam 2024: മണിക്കൂറുകൾക്കുള്ളിൽ നാലമ്പലങ്ങളിൽ തൊഴുതുവരാം… ഇത് കോട്ടയത്തെ മാത്രം പ്രത്യേകത

Aswathy Balachandran

Updated On:

17 Jul 2024 12:48 PM

Nalambalam at Kottayam : നാലമ്പല ദർശനം നടത്തുമ്പോൾ നാല് ക്ഷേത്രങ്ങളിലും ഉച്ചയ്ക്കു മുമ്പ് ദർശനം നടത്തിയിരിക്കണം എന്നാണ് വിശ്വാസം. ഇതിന് കഴിയുന്ന ക്ഷേത്രങ്ങളാണ് കോട്ടയത്തുള്ളത്. മണിക്കൂറുകൾക്കുള്ളിൽ ദർശനം നടത്താൻ കഴിയും വിധം ഏകദേശം മൂന്നു കിലോമീറ്റർ വ്യത്യാസത്തിലാണ് ക്ഷേത്രങ്ങൾ ഉള്ളത്.

രാമപുരം ശ്രീരാമസ്വാമി ക്ഷേത്രം - രാമപുരം ഗ്രാമത്തിന് ആ പേര് വരാൻ തന്നെ കാരണമായത് ഈ ക്ഷേത്രം നിലനിൽക്കുന്നതാണ്. ഈ ക്ഷേത്രത്തിലെ പ്രധാന പ്രതിഷ്ഠ ചതുർബാഹു മഹാവിഷ്ണുവായി കുടികൊള്ളുന്ന വിഷ്ണുവിന്റെ സപ്തമാവതാരമായ ശ്രീരാമസ്വാമിയാണ്. ഇവിടെ നിന്ന് നാല് കിലോമീറ്റർ ചുറ്റളവിലാണ് ബാക്കി ക്ഷേത്രങ്ങൾ ഉള്ളത്. രാമപുരത്തുനിന്ന് മൂന്ന് കിലോമീറ്റർ വടക്കുമാറി അമനകരയിൽ ഭരതനും, അത്രയും ദൂരം പടിഞ്ഞാറുമാറി കൂടപ്പുലത്ത് ലക്ഷ്മണനും, അത്രയും ദൂരം വടക്കുകിഴക്കുമാറി മേതിരിയിൽ ശത്രുഘ്നനും ക്ഷേത്രങ്ങളുണ്ട്.

2 / 4

കൂടപ്പുലം ലക്ഷ്മണസ്വാമി ക്ഷേത്രം - രാമപുരത്ത് നിന്ന് 3 കിലോമീറ്റർ ഉഴവൂരിലേക്കുള്ള വഴിയിൽ സഞ്ചരിക്കുമ്പോഴാണ് രണ്ടാമത്തെ ക്ഷേത്രമായ കൂടപ്പുലത്തെ ലക്ഷ്മണ സ്വാമി ക്ഷേത്രത്തിൽ എത്തിച്ചേരുക.

3 / 4

അമനകര ഭരതസ്വാമി ക്ഷേത്രം - 1500 വർഷങ്ങൾക്ക് മുമ്പ് മഹാനായ ഒരു യോഗിയാണ് ഇവിടെ ഭരതൻ്റെ വിഗ്രഹം സ്ഥാപിച്ചത്. ഭരതൻ മഹാനായ ഭരണാധികാരിയായി കണക്കാക്കപ്പെടുന്നു, അതിനാൽ ക്ഷേത്രത്തിലെ ബലിക്കൽ പുര ഈ ഗ്രാമത്തിൻ്റെ കോടതിയായിരുന്നു. കൂത്താട്ടുകുളം റൂട്ടിലാണ് ക്ഷേത്രം ഉള്ളത്.

4 / 4

മേതിരി ശത്രുഘ്നസ്വാമി ക്ഷേത്രം - രാമപുരം ശ്രീരാമ ക്ഷേത്രത്തിൽ നിന്ന് 4 കിലോമീറ്റർ അകലെ രാമപുരം പഞ്ചായത്തിലെ മേതിരി എന്ന സ്ഥലത്താണ് ക്ഷേത്രം സ്ഥിതി ചെയ്യുന്നത്. പ്രധാന ദേവാലയം കഠിനമായ കല്ലിൽ പണിതതും സങ്കീർണ്ണമായ കൊത്തുപണികളാൽ അലങ്കരിച്ചതുമാണ്. ഇവിടുത്തെ പ്രതിഷ്ഠ ഉച്ചവരെ ശത്രുഘ്നനും അതിനുശേഷം 'സന്താന ഗോപാലനുമാണ് എന്നാണ് വിശ്വാസം.