Mamta Mohandas Cancer Journey: 2009-ലാണ് നടി മംമ്ത മോഹൻദാസിന് ക്യാൻസർ പിടിപ്പെടുന്നത്. 7 വർഷങ്ങൾ നീണ്ട പോരാട്ടത്തിനൊടുവിലാണ് ക്യാൻസറിനെ നടി അതിജീവിച്ചത്.
1 / 5
ആത്മവിശ്വാസത്തിന്റെയും പോരാട്ടത്തിന്റെയും പ്രതീകമാണ് നടി മംമ്ത മോഹൻദാസ്. ആരോഗ്യമാണ് ജീവന്റെ അടിസ്ഥാനം. ജീവനറ്റ് പോയാൽ എന്തുണ്ടെന്ന് പറഞ്ഞിട്ടും കാര്യമില്ല. ശരീരത്തെ കാർന്നു തിന്നുന്ന രോഗങ്ങൾ പിടിപെടുമ്പോൾ ആരായാലും ഒന്നു തളരും. എന്നാൽ ഇന്ന് അര്‍ബുദത്തിനെതിരെ പോരാടുന്ന പലര്‍ക്കും പ്രചോദനമാണ് മംമ്ത. (Image Credits: Mamta Mohandas)
2 / 5
സ്വന്തം ജീവിതത്തിലൂടെ ക്യാൻസറിനെ എങ്ങനെ പൊരുതി തോൽപ്പിക്കാമെന്ന് മംമ്ത കാണിച്ചു തരുന്നു. സിനിമയിലെ ഹിറോ പരിവേഷം ജീവിതത്തിലും പകർന്നാടിയ താരം. ക്യാൻസർ രോഗികൾക്ക് മാത്രമല്ല, ജീവിതത്തില്‍ തോറ്റു പോയെന്ന് വിചാരിക്കുന്നവർക്ക് പ്രചോദനമാണ് ഈ താരം. (Image Credits: Mamta Mohandas)
3 / 5
രണ്ട് തവണയാണ് കാൻസറിനെ മംമ്ത പൊരുതി തോൽപ്പിച്ചത്. ലിംഫ് നോഡുകളെ ബാധിക്കുന്ന ലിംഫോമ എന്ന അര്‍ബുദം 2009-ലാണ് മംമ്തയെ തേടിയെത്തിയത്. 20-കളിൽ സിനിമാ ജീവിതം ആരംഭിച്ച സമയമായിരുന്നു അത്. തുടര്‍ന്ന് ക്യാൻസറിനെതിരെയുള്ള 7 വര്‍ഷം നീണ്ട പോരാട്ടം നടി ആരംഭിച്ചു. ചികിത്സയുടെ ഭാഗമായി 2 വർഷത്തോളം സിനിമകളില്‍ നിന്ന് വിട്ടു നിന്നു. (Image Credits: Mamta Mohandas)
4 / 5
മജ്ജ മാറ്റിവയ്ക്കല്‍ ശസ്ത്രക്രിയ പരാജയപ്പെട്ടതിനെ തുടര്‍ന്ന് 2013-ല്‍ അര്‍ബുദം എന്ന വിരുന്നുകാരൻ വീണ്ടും മംമ്തയെ തേടിയെത്തി. എന്നാൽ മംമ്തയെ കീഴ്പ്പെടുത്താൻ വിരുന്നുകാരനുമായില്ല. ഇക്കാലയളവില്‍ നടി നിരവധി ഹിറ്റ് ചിത്രങ്ങളുടെ ഭാഗമായി. അമേരിക്കയിലായിരുന്നു ചികിത്സ. (Image Credits: Mamta Mohandas)
5 / 5
2016-ല്‍ എഫ്ഡിഎ നടത്തിയ നിവോലുമാബ് മരുന്നിന്‍റെ ക്ലിനിക്കല്‍ പരീക്ഷണത്തിന്റെ ഭാഗമായും മംമ്ത മാറി. ഹോഡ്കിന്‍ ലിംഫോമ രോഗികൾക്ക് വേണ്ടിയുള്ളതാണ് ഈ മരുന്ന്. ഇത് വിജയകരമായതോടെയാണ് ക്യാൻസറിനെതിരായ മംമതയുടെ 7 വർഷം നീണ്ട പോരാട്ടം അവസാനിച്ചത്. (Image Credits: Mamta Mohandas)
