Malayalam News Photo Gallery > karkidakam-health-tips-know how to protect the body in this month

Karkidakam health tips: കർക്കിടകത്തിലെ ദേഹരക്ഷ എങ്ങനെ എന്നറിയണോ…

aswathy-balachandran — Aswathy Balachandran

Published:
18 Jul 2024 14:43 PM

karkidakam traditional health tips: ശരീരം ക്ഷയിക്കുന്ന അല്ലെങ്കിൽ ആരോഗ്യം കുറയുന്ന കാലമാണ് കർക്കിടകം. ഈ സമയത്ത് ആരോഗ്യകാര്യങ്ങൾ ഏറെ ശ്രദ്ധിക്കേണ്ടതുണ്ട്.

കർക്കിടക മാസത്തിൽ ദേഹരക്ഷ ചെയ്യുന്നത് പതിവാണ്. പ്രത്യേകിച്ച് കർക്കടകത്തിലെ ഏഴ് ദിവസങ്ങൾ ഏറെ പ്രധാനപ്പെട്ടതാണ്. കേരളത്തിലെ തനതായ ചില ചികിത്സാ രീതികളും ഇതിന്റെ ഭാഗമാണ്.

സുഖചികിത്സ - ഇലക്കിഴി, പൊടിക്കിഴി, നവരക്കിഴി, നാരങ്ങാക്കിഴി തുടങ്ങിയ വിവിധതരം കിഴികൾ ഈ സമയങ്ങളിൽ പ്രയോഗിക്കാം. അതുപോലെ നവരതേപ്പ്, പിഴിച്ചിൽ, ശിരോധാര തുടങ്ങിയ തനത് കേരളീയ ചികിത്സരീതികളും സുഖചികിത്സ എന്ന പേരിൽ ചെയ്യപ്പെടുന്നു.

പത്തിലത്തോരൻ - കുടങ്ങൽ ഇല, പൊന്നാരിവീരൻ, പൂവാംകുറുന്തൽ, ചീര ചേമ്പ്, ചീര, തഴുതാമ, കോവൽ ഇല, പയറില, മത്തൻ ഇല, തകര തുടങ്ങിയ ഇലകൾ ചേർത്തുണ്ടാക്കുന്ന തോരാനാണിത്. ശരീരത്തിനു ഇതേറെ ഗുണം ചെയ്യും.

4 / 5

കർക്കിടക കഞ്ഞി - കര്‍ക്കിടക കഞ്ഞി അഥവാ മരുന്നു കഞ്ഞി ഈ മാസത്തിന്റെ പ്രത്യേകതയാണ്. ഇതു കഴിയ്ക്കുന്നതു കൊണ്ടുള്ള ആരോഗ്യപരമായ ഗുണങ്ങള്‍ പലതാണ്. പെട്ടെന്ന് തണുപ്പിലേക്ക് എത്തുന്ന ഈ മാസം ആരോഗ്യം പുഷ്ടിപ്പെടുത്താൻ കഞ്ഞി അത്യുത്തമമാണ്

5 / 5

മൂക്കുറ്റി കുറി- കുളി കഴിഞ്ഞ് മുക്കുറ്റി അരച്ച് നെറ്റിയിൽ തൊടുന്നത് അത്യുത്തമമെന്ന് പറയപ്പെടുന്നു. കണ്ണിനും നെറ്റിയ്ക്കും ഇത് കുളിർമ്മ നൽകുന്നു. ഒപ്പം ദശപുഷ്പം ചൂടലും ഒരു ആചാരമാണ്.