Malayalam News Photo Gallery > Big Deal Jio Bharat Phone's Price Drops After Company Announce Diwali Dhamaka Offer

JioBharat : ജിയോയുടെ ദീപാവലി സമ്മാനം; ജിയോഭാരത് ഫോണുകൾക്ക് വിലകുറഞ്ഞു

Updated On:

28 Oct 2024 13:43 PM

JioBharat Phones Get Price Drop : ജിയോഭാരത് ഫോണുകൾക്ക് വിലക്കുറവ് പ്രഖ്യാപിച്ച് ജിയോ. ദീപാവലിയോടനുബന്ധിച്ചാണ് രണ്ട് ജിയോഭാരത് ഫോൺ മോഡലുകൾക്ക് ജിയോ വിലകുറച്ചത്.

ജിയോഭാരത് ഫോണുകൾക്ക് വിലകുറച്ച് റിലയൻസ് ജിയോ. ദീപാവലിയോടനുബന്ധിച്ചാണ് തങ്ങളുടെ 4ജി ഫീച്ചർ ഫോണുകൾക്ക് ജിയോ വിലകുറച്ചത്. 999 രൂപ വിലയുണ്ടായിരുന്ന ഫോൺ ഇപ്പോൾ 300 കുറഞ്ഞ് 699 രൂപ ആയിട്ടുണ്ട്. ജിയോഭാരത് ദിവാലി ധമാക്ക ഓഫറിലാണ് വിലക്കുറവ്. (Image Courtesy - Social Media)

2 / 5

ശനിയാഴ്ചയാണ് ജിയോ ഇക്കാര്യം അറിയിച്ചത്. 2ജി ഫോൺ ഉപഭോക്താക്കൾക്ക് വിലക്കുറവിൽ 4ജിയിലേക്ക് മാറാൻ ഈ ഫോണുകൾ സഹായിക്കുമെന്ന് കമ്പനി അവകാശപ്പെടുന്നു. ഈ ഫോൺ ഉള്ളവർക്ക് വളരെ കുറഞ്ഞ നിരക്കിൽ ജിയോഭാരത് പ്ലാനുകൾ ആസ്വദിക്കാനും കഴിയും. (Image Courtesy - Social Media)

3 / 5

ജിയോഭാരത് കെ1 ജിയോഭാരത് വി2 എന്നീ ഫോണുകൾ ഇപ്പോൾ 699 രൂപയ്ക്ക് വാങ്ങാം. രണ്ട് ഫോണുകളും 999 രൂപയ്ക്കായിരുന്നു വില്പന നടത്തിയിരുന്നത്. നവംബർ 3 വരെയാണ് ഈ ഓഫർ. അതിന് മുൻപ് വാങ്ങുന്നവർക്ക് 300 രൂപ കുറവിൽ ജിയോഭാരത് ഫോണുകൾ സ്വന്തമാക്കാം. (Image Courtesy - Social Media)

4 / 5

ജിയോഭാരത് ഫോൺ ഉള്ളവർക്ക് 123 രൂപയുടെ പ്രതിമാസ പ്ലാൻ തിരഞ്ഞെടുക്കാം. മറ്റ് കമ്പനികളുടെ ഫീച്ചർ ഫോൺ പ്ലാനുകളെ അപേക്ഷിച്ച് ഏറ്റവും വിലകുറഞ്ഞ് പ്ലാനാണ് ഇതെന്ന് ജിയോ അവകാശപ്പെടുന്നു. ഈ പ്ലാൻ ഉപയോഗിച്ച് മാസം 76 രൂപ വരെ ലാഭിക്കാമെന്നും കമ്പനി പറയുന്നു. (Image Courtesy - Social Media)

5 / 5

123 രൂപയുടെ പ്രതിമാസ പാക്കിൽ 14 ജിബി ഡേറ്റയാണ് ലഭിക്കുക. വോയിസ് കോളുകൾക്ക് പരിധിയില്ല. ജിയോ ചാറ്റ്, ജിയോസിനിമ, ജിയോ പേ തുടങ്ങി ജിയോയുടെ വിവിധ ആപ്പുകളും ജിയോഭാരത് ഉപയോഗിക്കുന്നവർക്ക് സൗജന്യമായി ലഭിക്കും. (Image Credits - Getty Images)

ദീപാവലി