Malayalam News Photo Gallery > IPL 2025 MS Dhoni Uncapped Player New Rule To Be Implemented In The Next Season CSK Will Be Benefied

IPL 2025 : ധോണി ഇനി അൺകാപ്പ്ഡ് താരം; ചെന്നൈ സൂപ്പർ കിംഗ്സിന് വൻ നേട്ടം

Abdul Basith

Published:

17 Aug 2024 13:45 PM

IPL 2025 MS Dhoni Uncapped Player : സൂപ്പർ താരം എംഎസ് ധോണിയെ അൺകാപ്പ്ഡ് താരമായി പരിഗണിക്കുന്ന നിയമം പരിഗണിച്ച് ബിസിസിഐ. രാജ്യാന്തര ക്രിക്കറ്റിൽ നിന്ന് വിരമിച്ച് അഞ്ച് വർഷമായ താരങ്ങളെ അൺകാപ്പ്ഡ് താരമായി പരിഗണിക്കാമെന്ന പഴയ നിയമമാണ് ബിസിസിഐ തിരികെ കൊണ്ടുവരുന്നത്.

2 / 5

ഈ നിയമം അനുസരിച്ച് എംഎസ് ധോണിയെ അൺകാപ്പ്ഡ് താരമായി രജിസ്റ്റർ ചെയ്യാൻ ചെന്നൈ സൂപ്പർ കിംഗ്സിന് സാധിക്കും. അതുകൊണ്ട് തന്നെ ആ സ്ഥാനത്ത് ഒരു രാജ്യാന്തര താരത്തെ ടീമിൽ ഉൾപ്പെടുത്താം. ധോണി കളി തുടരുന്നത് ബിസിസിഐക്കും ഗുണം ചെയ്യും. പരസ്യം, ടിക്കറ്റ് വില്പന തുടങ്ങിയവയിൽ നിന്നൊക്കെ പണം വാരാം.

3 / 5

ഇക്കാര്യം ചെന്നൈ സൂപ്പർ കിംഗ്സാണ് മുന്നോട്ടുവച്ചത്. മറ്റ് ഫ്രാഞ്ചൈസികളൊന്നും ഈ നിയമത്തെ അനുകൂലിച്ചിരുന്നില്ല. എന്നാൽ, ബിസിസിഐ ഈ അഭിപ്രായത്തെ അനുകൂലിച്ചു. ഇതോടെയാണ് ധോണി അൺകാപ്പ്ഡ് താരമായി അടുത്ത സീസൺ കളിക്കാനുള്ള വഴി തെളിയുന്നത്. ഇക്കാര്യത്തിൽ ഔദ്യോഗിക അറിയിപ്പ് വന്നിട്ടില്ല.

4 / 5

ഐപിഎലിലെ ഏറ്റവും മികച്ച ക്യാപ്റ്റന്മാരിൽ ഒരാളാണ് എംഎസ് ധോണി. 235 മത്സരങ്ങളിലാണ് ധോണി ചെന്നൈയെ നയിച്ചിട്ടുള്ളത്. ചെന്നൈക്കൊപ്പം ആകെ 5 തവണ കിരീടം നേടിയ ധോണി അഞ്ച് തവണ ടീമിനെ ഫൈനലിൽ എത്തിക്കുകയും ചെയ്തു. കഴിഞ്ഞ സീസണിൽ അഞ്ചാം സ്ഥാനത്താണ് ചെന്നൈ ഫിനിഷ് ചെയ്തത്.

5 / 5

ഐപിഎലിലെ ഏറ്റവും മികച്ച ടീമുകളിലൊന്നാണ് ചെന്നൈ സൂപ്പർ കിംഗ്സ്. നിലവിൽ ഋതുരാജ് ഗെയ്ക്വാദ് ആണ് ടീമിൻ്റെ നായകൻ. കഴിഞ്ഞ സീസണിലാണ് ധോണിക്ക് പകരം ഋതുരാജ് ക്യാപ്റ്റനാവുന്നത്.