Malayalam News Photo Gallery > IIT-Guwahati develops injectable hydrogel for Cancer treatment, Researchers say it has less side effects

Cancer Treatment : കാന്‍സര്‍ ചികിത്സാരംഗത്തെ വിപ്ലവം; ഇന്‍ജക്ടബിള്‍ ഹൈഡ്രോജല്‍ വികസിപ്പിച്ചെടുത്ത് ഗവേഷകര്‍

Jayadevan AM

Published:

06 Jan 2025 11:11 AM

Injectable Hydrogel For Cancer Treatment : റോയല്‍ സൊസൈറ്റി ഓഫ് കെമിസ്ട്രിയുടെ ജേണലായ 'മെറ്റീരിയല്‍സ് ഹൊറൈസണ്‍സി'ല്‍ ഇത് പ്രസിദ്ധീകരിച്ചിട്ടുണ്ട്. കൊല്‍ക്കത്തയിലെ ബോസ് ഇന്‍സ്റ്റിറ്റ്യൂട്ടുമായി സഹകരിച്ചാണ് ഗവേഷണം നടത്തിയത്. കാന്‍സര്‍ നിരവധി പേരെ ബാധിക്കുന്നതായും, കീമോതെറാപ്പി ഉള്‍പ്പെടെയുള്ള നിലവിലെ ചികിത്സാ രീതികള്‍ക്ക് പരിമിതികളുണ്ടെന്നും ഐഐടി ഗുവാഹത്തിയിലെ കെമിസ്ട്രി വിഭാഗം പ്രൊഫസര്‍ ദേബപ്രതിം ദാസ്

കാന്‍സര്‍ ചികിത്സയ്ക്കായി ഇന്‍ജക്ടബിള്‍ ഹൈഡ്രോജല്‍ വികസിപ്പിച്ചെടുത്ത് ഐഐടി ഗുവാഹത്തിയിലെ ഗവേഷകര്‍. മറ്റ് ചികിത്സാ രീതികളെ അപേക്ഷിച്ച് പാര്‍ശ്വഫലങ്ങള്‍ വളരെ കുറവാണെന്നതാണ് പ്രത്യേകത. കൊല്‍ക്കത്തയിലെ ബോസ് ഇന്‍സ്റ്റിറ്റ്യൂട്ടുമായി സഹകരിച്ചാണ് ഗവേഷണം നടത്തിയത് (Image Credits : Getty)

2 / 5

റോയല്‍ സൊസൈറ്റി ഓഫ് കെമിസ്ട്രിയുടെ ജേണലായ 'മെറ്റീരിയല്‍സ് ഹൊറൈസണ്‍സി'ല്‍ ഇത് പ്രസിദ്ധീകരിച്ചിട്ടുണ്ട്. കാന്‍സര്‍ നിരവധി പേരെ ബാധിക്കുന്നതായും, കീമോതെറാപ്പി ഉള്‍പ്പെടെയുള്ള നിലവിലെ ചികിത്സാ രീതികള്‍ക്ക് പരിമിതികളുണ്ടെന്നും ഐഐടി ഗുവാഹത്തിയിലെ കെമിസ്ട്രി വിഭാഗം പ്രൊഫസര്‍ ദേബപ്രതിം ദാസ് പറഞ്ഞു (Image Credits : Getty)

3 / 5

ശസ്ത്രക്രിയയിലൂടെ ട്യൂമറുകള്‍ നീക്കുന്നത് എല്ലായ്‌പ്പോഴും സാധ്യമല്ല. കീമോതെറാപ്പി പാര്‍ശ്വഫലങ്ങളും ഉണ്ടാക്കാം. ഈ വെല്ലുവിളികളെ അഭിമുഖീകരിച്ചുകൊണ്ടാണ് ഹൈഡ്രോജല്‍ വികസിപ്പിച്ചതെന്ന് അദ്ദേഹം പറഞ്ഞു. ഇത് ട്യൂമര്‍ സൈറ്റിലേക്ക് കൃത്യമായി മരുന്നുകള്‍ എത്തിക്കുമെന്നും ദേബപ്രതിം ദാസ് വ്യക്തമാക്കി (Image Credits : Getty)

4 / 5

കാന്‍സര്‍ ചികിത്സയുടെ അടിയന്തിര ആവശ്യങ്ങള്‍ ശാസ്ത്രീയ കണ്ടുപിടിത്തങ്ങള്‍ക്ക് എങ്ങനെ പരിഹരിക്കാനാകുമെന്ന് ഇത് വ്യക്തമാക്കുന്നുവെന്നും അദ്ദേഹം വിശദീകരിച്ചു. സ്തനാര്‍ബുദത്തിന്റെ ഒരു മ്യൂറിന്‍ മോഡലിനെക്കുറിച്ചുള്ള പ്രീക്ലിനിക്കല്‍ ട്രയലില്‍ ഹൈഡ്രോജല്‍ ഫലപ്രാപ്തി കാണിച്ചെന്നാണ് അദ്ദേഹത്തിന്റെ അവകാശവാദം (Image Credits : Getty)

5 / 5

കീമോതെറാപ്പി ഡ്രഗായ ഡോക്‌സോറൂബിസിന്‍ അടങ്ങിയ ഹൈഡ്രോജലിന്റെ കുത്തിവയ്പ്പ് 18 ദിവസത്തിനുള്ളില്‍ ട്യൂമറിന്റെ വലിപത്തില്‍ 75 ശതമാനം കുറവുണ്ടാക്കിയെന്നും ദേബപ്രതിം ദാസ് പറഞ്ഞു. ഒരു ഡോസ് കൊണ്ട് ട്യൂമറിന്റെ വലിപ്പം പരമാവധി കുറയ്ക്കുന്നതുമായി ബന്ധപ്പെട്ട് കൂടുതല്‍ പഠനങ്ങള്‍ നടക്കുന്നതായും അദ്ദേഹം പറഞ്ഞു (Image Credits : Getty)