Malayalam News Photo Gallery > Google Introduces Imagen 3 AI Text To Image Generation Tool

Imagen 3 : ഇമേജെൻ 3 പുറത്തിറക്കി ഗൂഗിൽ: എഐ ഇമേജ് ജനറേഷൻ്റെ കൃത്യത വർധിക്കും

abdul-basith — Abdul Basith

Published:
17 Aug 2024 13:01 PM

Google Introduces Imagen 3 : ടെക്സ്റ്റ് ടു ഇമേജ് എഐ ടൂളായ ഇമേജൻ്റെ മൂന്നാം ജനറേഷൻ പുറത്തിറക്കി ഗൂഗിൾ. കൃത്യതയുള്ള ചിത്രങ്ങൾ നൽകാനും പ്രോംപ്റ്റുകൾ കൃത്യമാക്കി മനസിലാക്കാനും ഇമേജെൻ 3യ്ക്ക് കഴിയുമെന്ന് കമ്പനി അവകാശപ്പെടുന്നു.

എഐ ഇമേജ് ജനറേഷൻ്റെ കൃത്യത വർധിപ്പിച്ച് ഗൂഗിൾ ഇമേജെൻ 3 പുറത്തിറക്കി. വ്യാഴാഴ്ചയാണ് ഇമേജെൻ 3 പുറത്തിറക്കിയത്. പുറത്തിറക്കും വരെ ഈ കാര്യത്തിൽ ഒരു തരത്തിലുള്ള അപ്ഡേറ്റും ഗൂഗിൾ പുറത്തിവിട്ടിരുന്നില്ല. നിലവിൽ അമേരിക്കയിലുള്ളവർക്ക് മാത്രമാണ് ഈ ടെക്സ്റ്റ് റ്റു ഇമേജ് ജനറേഷൻ സൗകര്യം ലഭ്യമായിട്ടുള്ളത്.

ഇമേജെൻ 3യിൽ സൈൻ അപ്പ് ചെയ്ത് ഇമേജ് ജനറേറ്റ് ചെയ്യാൻ സാധിക്കും. കൂടുതൽ കൃത്യതയുള്ള ചിത്രങ്ങളാണ് ഇമേജെൻ്റെ മൂന്നാം ജനറേഷൻ്റെ പ്രത്യേകത. വാക്കുകൾ തിരിച്ചറിയുന്നതിനും പ്രോംപ്റ്റുകൾ കൃത്യമായി പാലിക്കുന്നതിനും ഇമേജെൻ 3യ്ക്ക് കഴിയുമെന്നും കമ്പനി അവകാശപ്പെടുന്നു.

സമൂഹമാധ്യമമായ റെഡിറ്റിൽ വന്ന ഒരു കുറിപ്പ് പ്രകാരം ഗോ പ്രോ, ഡിഎസ്എൽആർ തുടങ്ങി വിവിധ ക്യാമറകളിലെടുക്കുന്ന ചിത്രങ്ങളടക്കം ഇമേജെൻ 3യിൽ ജനറേറ്റ് ചെയ്യാം. വിവിധ ലെൻസുകളുപയോഗിച്ചുള്ള ചിത്രങ്ങളും ഇമേജെൻ 3യിൽ ടെക്സ്റ്റ് ടു ഇമേജ് പ്രോംപ്റ്റിലൂടെ ക്രിയേറ്റ് ചെയ്യാനാവും. എന്നാൽ, ഇമേജെൻ 3 ജനറേറ്റ് ചെയ്യുന്ന ക്ലോസപ്പ് ചിത്രങ്ങൾക്ക് അത്ര കൃത്യതയില്ലെന്നും കുറിപ്പിലുണ്ട്.

4 / 5

കർക്കശമായ സെൻസർഷിപ്പും ഇമേജെൻ 3യ്ക്കുണ്ട്. പ്രോംപ്റ്റുകൾ നൽകുമ്പോൾ അധിക കൈകൾ ക്രിയേറ്റ് ചെയ്യുന്നതും എഐ പ്ലാറ്റ്ഫോമിൻ്റെ ന്യൂനതയായി ഉപഭോക്താക്കൾ കുറിയ്ക്കുന്നു. കൈകൾ ഉപയോഗിച്ച് ചെയ്യേണ്ട കാര്യങ്ങൾക്കുള്ള പ്രോംപ്റ്റിൽ ക്രിയേറ്റ് ചെയ്യപ്പെടുന്ന ഇമേജുകളിൽ മൂന്ന് കൈ കാണാമെന്നാണ് കുറിപ്പ്.

5 / 5

സ്റ്റേബിൾ ഡിഫ്യൂഷനിൽ നിന്ന് വ്യത്യസ്തമായ ഒരു മോഡലാണ് ഇതെന്നാണ് ഗൂഗിളിൻ്റെ അവകാശവാദം. കൃത്യതയും ഡീറ്റെയിലിങുമാണ് ഇമേജെൻ 3യുടെ സവിശേഷത എന്നും ഗൂഗിൾ അവകാശപ്പെടുന്നു.