Malayalam News Photo Gallery > Google Chrome May Face Forced Sale Following US Court Ruling Setback For Google

Google Chrome : ‘ഇതാണ് പരിപാടിയെങ്കിൽ ക്രോം വിൽക്കേണ്ടിവരും’; കോടതി ഗൂഗിളിന് താക്കീത് നൽകാൻ കാരണമെന്ത്?

Published:

21 Nov 2024 10:04 AM

Google Chrome May Face Forced Sale : ഗൂഗിൾ ക്രോം വിൽക്കേണ്ടിവരുമെന്ന അമേരിക്കൻ കോടതിയുടെ മുന്നറിയിപ്പ് പലതരത്തിലുള്ള പ്രതിസന്ധികളിലേക്കാണ് നയിക്കുക. ഓൺലൈൻ സെർച്ചിനെക്കാൾ ഗൂഗിൾ അഡ്വർടൈസിംഗിൽ അതുണ്ടാക്കിയേക്കാവുന്ന മാറ്റം വലുതായിരിക്കും.

ലോകമെങ്ങും ഏറ്റവുമധികം ആളുകൾ ഉപയോഗിക്കുന്ന വെബ് ബ്രൗസറാണ് ഗൂഗിൾ ക്രോം. ഗൂഗിളിൻ്റെ ബ്രൗസറായ ക്രോം ഏറെ വൈകാതെ അവർക്ക് നഷ്ടമായേക്കും. ക്രോം ബ്രൗസർ വിൽക്കണമെന്ന് ഗൂഗിളിൻ്റെ മാതൃകമ്പനിയായ ആൽഫബറ്റിനോട് യുഎസ് ഡിപ്പാർട്ട്മെൻ്റ് ഓഫ് ജസ്റ്റിസ് ആവശ്യപ്പെട്ടതാണ് കാരണം. (Image Credits - Getty Images)

2 / 5

ഇൻ്റർനെറ്റ് സെർച്ച് മാർക്കറ്റിൽ ഗൂഗിളിൻ്റെ കുത്തകയാണെന്നാണ് കോടതിയുടെ കണ്ടെത്തൽ. ഇൻ്റർനെറ്റ് സെർച്ച് മാർക്കറ്റും അഡ്വർടൈസിംഗുമായി ബന്ധപ്പെട്ട ഗൂഗിളിൻ്റെ ഈ കുത്തക തകർക്കുകയാണ് വിധിയിലൂടെ ലക്ഷ്യമിടുന്നതെന്ന് കോടതി നിരീക്ഷിക്കുന്നു. (Image Courtesy - Pexels)

3 / 5

അതേസമയം, ക്രോം വിൽക്കുന്നത് ഉപഭോക്താക്കളെയും ഗൂഗിൾ അഡ്വർടൈസിംഗ് ഉപയോഗിക്കുന്നവരെയും പ്രതിസന്ധിയിലാക്കുമെന്ന് ഗൂഗിൾ വാദിക്കുന്നു. ഇതുവരെ ആളുകൾ ഉപയോഗിച്ചിരുന്ന പതിവ് മാറുന്നത് അവർക്ക് ബുദ്ധിമുട്ടുണ്ടാക്കും. ഇത് പല പ്രതിസന്ധികളുണ്ടാക്കുമെന്നും ഗൂഗിൾ പറയുന്നു. (Image Courtesy - Pexels)

4 / 5

ഡൊണാൾഡ് ട്രംപ് ആദ്യം തിരഞ്ഞെടുക്കപ്പെട്ട സമയത്താണ് ക്രോമിനെതിരായ കേസ് ആരംഭിക്കുന്നത്. തുടർന്ന് ഇക്കഴിഞ്ഞ ഓഗസ്റ്റിൽ ജഡ്ജ് അമിത് മെഹ്ത കേസിൽ വിധി പുറപ്പെടുവിക്കുകയായിരുന്നു. ഓൺലൈൻ സെർച്ചിൽ ഗൂഗിളിൻ്റേത് കുത്തകയാണെന്ന് അദ്ദേഹം നിരീക്ഷിച്ചിരുന്നു. (Image Credits - Getty Images)

5 / 5

അടുത്ത വർഷം ഓഗസ്റ്റിലാണ് കേസിലെ അവസാന വിധി. ഇതിന് ശേഷം വിധി എന്താണെന്ന് പരിശോധിച്ച് അപ്പീൽ നൽകാൻ ഗൂഗിൾ ആലോചിക്കുന്നുണ്ട്. ഓൺലൈൻ സെർച്ചിൽ തങ്ങൾക്ക് കുത്തകയില്ലെന്ന് നേരത്തെ ഗൂഗിൾ വാദിച്ചെങ്കിലും ഇത് ജഡ്ജ് പരിഗണിക്കുമോ എന്ന് കണ്ടറിയണം. (Image Courtesy - Pexels)