Malayalam News Photo Gallery > Aria, The First Kpop Idol from Kerala Making Waves in South Korea, Who is She Know Details in Malayalam

Aria K-POP: കൊറിയൻ സംഗീതത്തിലെ മലയാളി സാന്നിധ്യം; ആരാണ് ‘ആരിയ’ എന്ന കെ-പോപ്പ് ഗായിക

Nandha Das

Updated On:

14 Oct 2024 20:06 PM

Aria the First Kpop Idol from Kerala : മലയാളികൾ ദുബായിലും അമേരിക്കയിലും കാനഡയിലും മാത്രമല്ല അങ്ങ് കൊറിയയിലുമുണ്ട്. കൊറിയൻ സംഗീത ലോകത്ത് തരംഗം തീർക്കുകയാണ് 'ആരിയ' എന്ന മലയാളി പെൺകുട്ടി.

ലോകമെമ്പാടും ആരാധകരുള്ള കെ-പോപ്പിൽ ആരിയ എന്ന മലയാളി പെൺകുട്ടി വിസ്മയം തീർക്കുകയാണ്. 44 കെ സ്റ്റേജ് യെസ് ഓർ നോ ഇവന്റിലൂടെയാണ് ആരിയ കൊറിയൻ സംഗീത ലോകത്ത് ചുവട് വെച്ചത്. ബ്ലാക്ക്സ്വാൻ എന്ന ഗ്രൂപ്പിലെ ശ്രിയ ലങ്കയ്ക്ക് ശേഷം കെ-പോപ്പിൽ കാലെടുത്തുവയ്ക്കുന്ന രണ്ടാമത്തെ ഇന്ത്യൻ വംശജയാണ് ആരിയ.

2 / 5

2003 മാർച്ച് 12-ന് തിരുവനന്തപുരം ജില്ലയിലാണ് ആരിയ ജനിച്ചത്. ഗൗതമി എന്നാണ് യഥാർത്ഥത്തിൽ ആരിയയുടെ പേര്. കൊറിയയിൽ എത്തിയ ശേഷം കമ്പനി നിർദേശ പ്രകാരമാണ് 'ആരിയ' എന്ന പേരിലേക്ക് മാറിയത്. ചെറുപ്പം മുതലേ കലാപരമായ കാര്യങ്ങളിൽ ആയിരുന്നു താരത്തിന് കൂടുതൽ താല്പര്യം. 2011-ൽ പുറത്തിറങ്ങിയ 'മേൽവിലാസം', 2013-ൽ റിലീസായ 'താങ്ക്യു' തുടങ്ങിയ മലയാള ചിത്രങ്ങളിൽ ആരിയ ബാലതാരമായി അഭിനയിച്ചിട്ടുണ്ട്. അഞ്ചാം ക്ലാസിൽ പഠിക്കുന്ന സമയത്താണ് താരം കുടുംബത്തോടൊപ്പം മുംബൈയിലേക്ക് താമസം മാറുന്നത്.

3 / 5

2022-ലാണ് ദക്ഷിണ കൊറിയൻ റെക്കോർഡ് ഏജൻസിയായ ജിബികെ എന്റർടൈൻമെൻറ്സിന്റെ ഓൺലൈൻ പരിശീലന പ്ലാറ്റഫോമായ യുണിവേഴ്സിൽ ആമി എന്ന പേരിൽ ആരിയ ട്രെയിനി ആയി പ്രവേശിക്കുന്നത്. നാല് മാസത്തെ കഠിനമായ പരിശീലനത്തിന് ശേഷമാണ് ആര്യയെ ഗ്രൂപ്പിലെ അഞ്ചാമത്തേയും അവസാനത്തെയും അംഗമായി തിരഞ്ഞെടുത്തത്.

4 / 5

2023-ൽ നിലവിൽ വന്ന 'എക്സ്:ഇൻ' എന്ന അഞ്ചംഗ ഗേൾ ഗ്രൂപ്പിലെ ഏറ്റവും പ്രായം കുറഞ്ഞ അംഗമാണ് ആരിയ. ഈഷ, നിസ്, നോവ, ഹന്നാ, എന്നിവരാണ് ഗ്രൂപ്പിലെ മറ്റ് അംഗങ്ങൾ. 2013 ഏപ്രിൽ 11-ന് പുറത്തിറങ്ങിയ ആദ്യ സിംഗിളായ 'കീപ്പിങ് ദി ഫയർ' എന്ന ഗാനത്തിലൂടെയാണ് 'എക്സ്:ഇൻ' അരങ്ങേറ്റം കുറിച്ചത്.

5 / 5

'എക്സ്:ഇൻ' ബാൻഡിലെ റാപ്പറും വോക്കലിസ്റ്റുമാണ് ആരിയ. വിഷ്വലും, റാപ്പും, ഡാൻസും ഒക്കെയായി കൊറിയൻ സംഗീത ലോകത്ത് തന്റേതായ അടയാളം സൃഷ്ടിക്കാൻ ആരിയക്ക് കഴിഞ്ഞു. സാധ്യമെങ്കിൽ കൊറിയൻ സിനിമകളിലൂടെ അഭിനയ രംഗത്തേക്ക് തിരിച്ച് വരാനും ആരിയ ആഗ്രഹിക്കുന്നു.

ഹല്യൂ