Malayalam News Photo Gallery > Apple Airpods 4th Generation Model To Launch This Year With Two Variants

Apple Airpods : ആപ്പിൾ എയർപോഡ് ഫോർത്ത് ജനറേഷൻ ഇക്കൊല്ലം വിപണിയിലെത്തും; പുറത്തിറങ്ങുക രണ്ട് വേരിയെൻ്റുകൾ

Updated On:

19 Aug 2024 21:21 PM

Apple Airpods 4th Generation : ആപ്പിൾ എയർപോഡ്സ് ഫോർത്ത് ജനറേഷൻ ഇക്കൊല്ലം വിപണിയിലെത്തുമെന്ന് റിപ്പോർട്ട്. ഈ വർഷം സെപ്തംബറിൽ രണ്ട് വേരിയൻ്റുകൾ പുറത്തിറങ്ങുമെന്ന് ബ്ലൂംബെർഗ് റിപ്പോർട്ട് ചെയ്യുന്നു.

ആപ്പിൾ എയർപോഡ്സ് ഫോർത്ത് ജനറേഷൻ ഇക്കൊല്ലം വിപണിയിലെത്തും. രണ്ട് വേരിയൻ്റുകളാണ് ഇക്കൊല്ലം സെപ്തംബറിൽ പുറത്തിറങ്ങുക. ഫോർത്ത് ജനറേഷൻ പുറത്തിറങ്ങുന്നതോടെ ഇന്ത്യയിൽ തേർഡ് ജനറേഷൻ എയർപോഡുകളുടെ വില കുറയും. നിലവിൽ 20,900 രൂപയാണ് തേർഡ് ജനറേഷൻ എയർപോഡുകളുടെ വില.

2 / 5

ബ്ലൂംബെർഗ് പുറത്തുവിട്ട റിപ്പോർട്ടുകൾ പ്രകാരം രണ്ട് മോഡലുകൾ ഇക്കൊല്ലം പുറത്തിറങ്ങും. ഇതിൽ ഒന്ന് എയർപോഡ്സ് രണ്ടിനും മറ്റൊന്ന് തേർഡ് ജനറേഷൻ എയർപോഡിനും പകരമാവും. 2021ലാണ് തേർഡ് ജനറേഷൻ എയർപോഡ് പുറത്തിറങ്ങിയത്. മാധ്യമപ്രവർത്തകൻ മാർക്ക് ഗുർമനാണ് ഈ വിവരം പുറത്തുവിട്ടത്.

3 / 5

സെക്കൻഡ് ജനറേഷനിലെ എയർപോഡ്സ് പ്രോ നിലനിർത്താനും ആപ്പിളിന് പദ്ധതിയുണ്ട്. നിലവിൽ നോയിസ് ക്യാൻസലിങ് ഉള്ളതും ആപ്പിളിൻ്റെ എച്ച്2 ചിപ്പ് ഉള്ളതുമായ ഒരേയൊരു എയർപോഡ് ആണിത്. അഡാപ്റ്റിവ് ഓഡിയോയും ഈ എയർപോഡ് മോഡലിൻ്റെ പ്രത്യേകതയാണ്. ഈ മോഡൽ പിൻവലിക്കില്ല.

4 / 5

പുതുതായി ഇറങ്ങുന്ന രണ്ട് എയർപോഡ് വേരിയൻ്റുകളും ഒരേ ഡിസൈനാവും. എൻട്രി ലെവൽ മോഡലിൽ നോയിസ് കാൻസലേഷൻ ഉണ്ടാവില്ല. എന്നാൽ, രണ്ടാമത്തെ വേരിയൻ്റിൽ ഈ സൗകര്യമുണ്ടാവും. ഓപ്പൺ ബാക്ക് ഡിസൈനാവുമോ ആപ്പിൾ ഈ ഡിവൈസുകളിൽ ഉപയോഗിക്കുക എന്നതിൽ വ്യക്തതയില്ല.

5 / 5

യുഎസ്ബി സി ടൈപ്പ് പോർട്ടാവും പുതിയ എയർപോഡുകളിൽ ഉള്ളത്. ആപ്പിളിൻ്റെ ചില എഐ ഫീച്ചറുകൾ ഇയർഫോണിൻ്റെ ഉയർന്ന മോഡലുകൾ ഉണ്ടാവുമെന്ന് സൂചനയുണ്ട്. ഗൂഗിൾ പിക്സൽ ബഡ്സ് പ്രോ ആവും പ്രധാന എതിരാളി. ഗൂഗിളിൻ്റെ ടെൻസർ എ1 ചിപ്പ് ആണ് ഈ ഇയർഫോണിലുള്ളത്.