Today Horoscope Malayalam August 26: കൃഷ്ണാഷ്ടമി ദിനം, ഇന്ന് ദീർഘദൂര യാത്രകൾ ഒഴിവാക്കുക; ഇന്നത്തെ രാശിഫലം അറിയാം

മേടം (അശ്വതി, ഭരണി, കാർത്തിക ¼)

ഇന്ന് ബിസിനസ്സിൽ പ്രതീക്ഷിച്ച വിജയം നേടാൻ സാധിക്കും. എന്നാൽ കഠിനാധ്വാനം ആവശ്യമാണ്. ഓഹരി വിപണിയിൽ പണം നിക്ഷേപിച്ചിട്ടുണ്ടെങ്കിൽ അതിൽ നിന്ന് ഇന്ന് നല്ല ലാഭം ലഭിക്കും. കുടുംബത്തിൽ സമാധാനം നിലനിൽക്കും. നിങ്ങളുടെ പങ്കാളിയിൽ നിന്ന് നിങ്ങൾക്ക് പിന്തുണ ലഭിക്കും. സർക്കാർ ജോലിയിൽ പ്രവർത്തിക്കുന്ന ആളുകൾക്ക് ഇന്ന് മുതിർന്ന ഉദ്യോഗസ്ഥരുമായി അഭിപ്രായവ്യത്യാസത്തിനുള്ള സാധ്യത കാണുന്നു.

ഇടവം (കാർത്തിക ¾, രോഹിണി, മകയിരം ½)

കുട്ടികളുടെ സ്വഭാവം കാണുമ്പോൾ നിങ്ങളുടെ മനസ്സിൽ നിരാശയുണ്ടാകുന്നു. ഭാവി ചിലവുകളെ കുറിച്ച് ആരോചിച്ച് ആശങ്കപ്പെട്ടേക്കാം. അതിനാൽ നിങ്ങളുടെ വരവിലും ചെലവിലും ഒരു ശ്രദ്ധ നല്ലതായിരിക്കും. അല്ലാത്തപക്ഷം നിങ്ങളുടെ ഭാവിയിൽ ബു​ദ്ധിമുട്ടകൾ നേരിടേണ്ടി വന്നേക്കാം. ബിസിനസ്സുമായി ബന്ധപ്പെട്ട ആളുകൾ ഇന്ന് ലാഭം നേടുന്നതിന് കൂടുതൽ കഠിനാധ്വാനം ചെയ്യേണ്ടിവരും.

മിഥുനം (മകയിരം ½, തിരുവാതിര, പുണർതം ¾)

അമിത ദേഷ്യം മൂലം വീട്ടുകാരുമായി വാക്കുതർക്കത്തിന് സാധ്യത കാണുന്നു. ജോലി സംബന്ധമായ ചില പ്രശ്നങ്ങൾ ഇന്ന് പരിഹരിക്കപ്പെടും. ഉയർന്ന ചെലവുകൾ കാരണം നിങ്ങളുടെ സാമ്പത്തിക സ്ഥിതി ദുർബലമായിരിക്കും. വരാനിരിക്കുന്ന പരീക്ഷകൾക്ക് വിദ്യാർത്ഥികൾക്ക് നല്ലതുപോലെ തയ്യാറെടുക്കാൻ സാധിയ്ക്കും.

കർക്കടകം (പുണർതം ¼, പൂയം, ആയില്യം)

ഇന്ന്, പെട്ടെന്നുള്ള ബിസിനസ്സ് യാത്രയ്ക്ക് സാധ്യതയുണ്ട്. വൈകുന്നേരത്തോടെ മുടങ്ങികിടന്ന ജോലികൾ പൂർത്തിയാക്കാൻ സാധിയ്ക്കും. ഇന്ന് കുടുംബത്തിൽ മംഗളകരമായ ചില പരിപാടികൾ സംഘടിപ്പിക്കാൻ സാധ്യതയുണ്ട്. സമൂഹവുമായി നന്നായി ഇടപഴകാൻ നിങ്ങൾക്ക് സാധിക്കും.

ചിങ്ങം (മകം, പൂരം, ഉത്രം ¼)

കഠിനാധ്വാനത്തിലൂടെ മാത്രമേ നിങ്ങൾക്ക് ഏത് മേഖലയിലും പുതിയ നേട്ടങ്ങൾ കൈവരിക്കാൻ സാധിക്കൂ. എന്തെങ്കിലും പ്രധാനപ്പെട്ട ജോലികൾ ചെയ്യേണ്ടി വന്നാൽ, മുതിർന്നവരുടെ ഉപദേശം സ്വീകരിച്ച ശേഷം മാത്രം ചെയ്യുക. അതിൽ നിങ്ങൾക്ക് പൂർണ്ണ വിജയം കൈവരിക്കാൻ സാധിക്കുന്നതാണ്. ബിസിനസ്സിലെ ലാഭത്തിനുള്ള അവസരങ്ങൾ ഇന്ന് നിങ്ങളുടെ കൈകളിൽ നിന്ന് വഴുതിപ്പോകും.

കന്നി (ഉത്രം ¾, അത്തം, ചിത്തിര ½)

പ്രതികൂല സാഹചര്യങ്ങളിലും കോപം നിയന്ത്രിക്കുകയും സംസാരത്തിൽ സൗമ്യത പാലിക്കുകയും ചെയ്യുന്നത് നിങ്ങൾക്ക് ​ഗുണം ചെയ്യും. ജോലിയുമായി ബന്ധപ്പെട്ട ആളുകൾക്ക് ഇന്ന് പ്രമോഷൻ ലഭിക്കും. കുട്ടികൾ പ്രവർത്തി കണ്ട് നിങ്ങൾ സംതൃപ്തരാകും. ഇന്ന് മാതാവിൻ്റെ ആരോഗ്യത്തിൽ ശ്രദ്ധിക്കേണ്ടതുണ്ട്.

തുലാം (ചിത്തിര ½, ചോതി, വിശാഖം ¾)

പ്രശ്നങ്ങൾക്ക് പരിഹാരം കണ്ടെത്തുന്നത് സമാധാനം നൽകും. ജോലി സ്ഥലത്ത് പൊസറ്റീവായ കാര്യങ്ങൾ സംഭവിയ്ക്കാം. ദീർഘദൂര യാത്രകൾ ഒഴിവാക്കുന്നതാണ് നല്ലത്. ഇന്ന് നിങ്ങൾക്ക് കുടുംബത്തിന് വേണ്ടി പണം ചെലവഴിക്കേണ്ടി വന്നേക്കാം.

വൃശ്ചികം (വിശാഖം ¼, അനിഴം, തൃക്കേട്ട)

ചില ആരോഗ്യപ്രശ്നങ്ങൾ ഉണ്ടാകാൻ സാധ്യതയുണ്ട്. വൈകുന്നേരങ്ങളിൽ നിങ്ങളുടെ കുട്ടികളിൽ നിന്ന് സന്തോഷ വാർത്തകൾ കേൾക്കാനിടയുണ്ട്. ജോലിസ്ഥലത്ത് സ്ഥാനക്കയറ്റത്തിനുള്ള സാധ്യതയുണ്ട്. എഴുത്ത്, കല എന്നിവയുമായി ബന്ധപ്പെട്ട ആളുകൾക്ക് അവരുടെ കഴിവുകൾ പ്രകടിപ്പിക്കാൻ അവസരം ലഭിക്കും.

ധനു (മൂലം, പൂരാടം, ഉത്രാടം ¼)

ഏത് ജോലിയും ചിന്തിച്ച ശേഷം മാത്രം ചെയ്യുക. അല്ലാത്തപക്ഷം നിങ്ങൾക്ക് നഷ്ടം സംഭവിക്കാം. വളരെക്കാലമായി കെട്ടിക്കിടക്കുന്ന പണം ഇന്ന് നിങ്ങൾക്ക് ലഭിച്ചേക്കാം. നിങ്ങളുടെ പിതാവുമായി തർക്കമുണ്ടാകാം, പക്ഷേ അത് മനസ്സിൽ വയ്ക്കരുത്. വൈകുന്നേരത്തോടെ ഒരു ബിസിനസ്സ് ഇടപാടിന് അന്തിമരൂപമായേക്കും. സാമ്പത്തിക സ്ഥിതി ശക്തമാകും.

മകരം (ഉത്രാടം ¾, തിരുവോണം, അവിട്ടം ½)

ഇന്ന് നിങ്ങൾ ജോലിസ്ഥലത്ത് കൂടുതൽ ശ്രദ്ധ കേന്ദ്രീകരിക്കാൻ സാധിക്കും. ഏത് പ്രശ്‌നവും പരിഹരിക്കാൻ നിങ്ങളുടെ കുടുംബാംഗങ്ങളുമായി ചർച്ച ആവശ്യമാണ്. ദാമ്പത്യ ജീവിതത്തിൽ ഐക്യം ഉണ്ടാകും. സ്വത്തുമായി ബന്ധപ്പെട്ട് എന്തെങ്കിലും തർക്കം ഉണ്ടായാൽ അത് ഇന്ന് അവസാനിച്ചേക്കാം.

കുംഭം (അവിട്ടം ½, ചതയം, പൂരുരുട്ടാതി ¾)

ഇന്ന് കുടുംബത്തിൽ ചില തർക്കങ്ങൾ ഉണ്ടായേക്കാം. അതിൽ നിങ്ങളുടെ സംസാരം നിയന്ത്രിക്കേണ്ടി വരും. അല്ലാത്തപക്ഷം ബന്ധങ്ങളിൽ വിള്ളലുണ്ടാകാം. വളരെ നാളുകൾക്ക് ശേഷം ഒരു പഴയ പരിചയക്കാരനെ ഇന്ന് കണ്ടുമുട്ടും. ബിസിനസുകാർക്ക് നല്ല ദിവസമാണ്.

മീനം (പൂരുരുട്ടാതി ¼, ഉതൃട്ടാതി, രേവതി)

ഇന്ന് പൊതുവേ അനുകൂല ഫലങ്ങളുണ്ടാകുന്ന ദിവസമാണ്. മാനസികമായും നിങ്ങൾക്ക് സന്തോഷം അനുഭവപ്പെടും. വിദ്യാർത്ഥികൾ മത്സരത്തിൽ വിജയിച്ചേക്കാം. ആത്മീയതയിലുള്ള നിങ്ങളുടെ താൽപര്യം വർദ്ധിക്കും. നിങ്ങളുടെ കുട്ടികളുടെ ഭാവിയുമായി ബന്ധപ്പെട്ട പ്രശ്നങ്ങൾ പരിഹരിക്കാൻ നിങ്ങൾക്ക് സമയം കണ്ടെത്തും.

(നിരാകരണം: ഇവിടെ നൽകിയിരിക്കുന്ന വിവരങ്ങൾ പൊതുവായ വിശ്വാസങ്ങളെ മാത്രം അടിസ്ഥാനമാക്കിയുള്ളതാണ് TV9 Malayalam ഇത് സ്ഥിരീകരിക്കുന്നില്ല.)