Today Horoscope Malayalam August 17: ചിങ്ങം ഒന്ന്; ഈ രാശിക്കാരെ കാത്തിരിക്കുന്നത് വലിയ നേട്ടം, അറിയാം ഇന്നത്തെ രാശിഫലം

മേടം (അശ്വതി, ഭരണി, കാർത്തിക ¼)

മേടക്കൂറുകാർക്ക് ഇന്ന് നല്ല ദിവസമാണ്. നിങ്ങൾക്ക് ചുറ്റുമുള്ള അന്തരീക്ഷം വളരെ സന്തോഷകരമായിരിക്കും. അമ്മയുമായി അഭിപ്രായ വ്യത്യാസങ്ങൾ ഉണ്ടാകാനിടയുണ്ട്. വൈകുന്നേരം വീട്ടിൽ അതിഥി സന്ദർശനം ഉണ്ടാകും. ഇന്ന് അപ്രതീക്ഷിത യാത്രകൾ പോകേണ്ടതായി വന്നേക്കാം. യാത്ര പ്രതീക്ഷിച്ച ഫലം നൽകാത്തത് മൂലം നിരാശപ്പെടുന്നു. ബന്ധുക്കളുമായുള്ള ബന്ധം കൂടുതൽ മെച്ചപ്പെടും. മുതിർന്ന വ്യക്തികളുടെ പിന്തുണ നിങ്ങൾക്കൊപ്പം ഉണ്ടാകും. ചില ജോലികൾ താൽക്കാലികമായി നിർത്തി വെക്കേണ്ടി വന്നേക്കാം.

​​ഇടവം (കാർത്തിക ¾, രോഹിണി, മകയിരം ½)

ഈ രാശിക്കാർക്ക് ചിലർ കാരണം ജീവിതത്തിൽ പ്രശ്നങ്ങൾ നേരിട്ടേക്കാം. പ്രയാസകരമായ സന്ദർഭങ്ങളിലെല്ലാം പങ്കാളിയിൽ നിന്ന് പൂർണ്ണ പിന്തുണ ലഭിക്കും. കുടുംബ ബിസിനസ് വിപുലീകരിക്കുന്നതുമായി ബന്ധപ്പെട്ട് സഹോദരങ്ങളുമായി ചർച്ച നടത്തും. യാത്ര പോകുന്നതിന് മുമ്പായി യാത്രയുമായി ബന്ധപ്പെട്ട എല്ലാ കാര്യങ്ങളും വീണ്ടും പരിശോധിച്ചുറപ്പിക്കുക. ഇല്ലെങ്കിൽ പിന്നീട് ബുദ്ധിമുട്ടുകൾ നേരിട്ടേക്കാം. ദൈനംദിന കാര്യങ്ങൾക്കായി കൂടുതൽ പണം ചെലവഴിക്കാം.

​​​മിഥുനം (മകയിരം ½, തിരുവാതിര, പുണർതം ¾)

സുഹൃത്തുക്കളോടൊപ്പം സന്തോഷത്തോടെ സമയം ചെലവിടാൻ അവസരം ലഭിക്കും. സ്വത്ത് സംബന്ധമായ പ്രശ്നങ്ങൾ വീണ്ടും ഉടലെടുക്കും. നിങ്ങളുടെ സംസാരവും പെരുമാറ്റവും ഇന്ന് വളരെയധികം ശ്രദ്ധിക്കുക. ചില നിക്ഷേപങ്ങളിൽ നിന്ന് പ്രയോജനം ലഭിക്കുന്നതാണ്. നിങ്ങളുടെ സാമ്പത്തിക സ്ഥിതി മെച്ചപ്പെടും. ബിസിനസ് സംബന്ധമായ സുപ്രധാന തീരുമാനങ്ങൾ കൈക്കൊള്ളാനിടയുണ്ട്.

​​​കർക്കടകം (പുണർതം ¼, പൂയം, ആയില്യം)

ജോലികൾ വേഗത്തിൽ പൂർത്തിയാക്കും. കുടുംബത്തോടൊപ്പം സമയം ചെലവിടാൻ സാധിക്കും. സുഹൃത്തുക്കളുമായി യാത്ര പോകാനിടയുണ്ട്. സർക്കാർ ആനുകൂല്യങ്ങൾ ലഭിക്കാൻ സാധ്യത കാണുന്നു. ജോലി അന്വേഷിക്കുന്നവർക്ക് മികച്ച അവസരം ലഭിക്കാൻ സാധ്യത കാണുന്നു. തൊഴിൽ രംഗത്ത് മേലുദ്യോഗസ്ഥരുമായി ചില ചർച്ചകൾ നടക്കും. ബിസിനസ് ചെയ്യുന്നവർക്ക് ഇന്ന് മെച്ചമുണ്ടാകും. മക്കളുടെ ആരോഗ്യത്തിൽ ചില ആശങ്കകൾ നേരിടാനിടയുണ്ട്.

​​​ചിങ്ങം (മകം, പൂരം, ഉത്രം ¼)

​​​സാമൂഹിക പ്രവർത്തനങ്ങളിൽ താല്പര്യം വർധിക്കുകയും ഈ മേഖലയിൽ പ്രശസ്തി നേടുകയും ചെയ്യും. സഹോദരങ്ങളുടെ വിവാഹ ജീവിതത്തിൽ നിലനിന്നിരുന്ന പ്രശ്നങ്ങൾ പരിഹരിക്കപ്പെടും. അയൽക്കാരുമായി തർക്കത്തിന് സാധ്യത കാണുന്നു. ഇന്ന് നിങ്ങളുടെ സംസാരത്തിലും പെരുമാറ്റത്തിലും വളരെയധികം ശ്രദ്ധവേണം. ചില പ്രശ്നങ്ങൾ നിയമപരമായി നേരിടേണ്ടി വന്നേക്കാം. ഉന്നത വിദ്യാഭ്യാസത്തിന് ശ്രമിക്കുന്ന വിദ്യാർത്ഥികൾക്ക് ഇന്ന് അനുകൂല ദിവസമാണ്.

​​​കന്നി (ഉത്രം ¾, അത്തം, ചിത്തിര ½)

​​​വീടിന്റെ അറ്റകുറ്റപ്പണികൾക്കായി പണം ചിലവഴിക്കും. ചില വിഷയങ്ങളിൽ കുടുംബാംഗങ്ങളുമായി ചർച്ച ആവശ്യമായി വരും. കുടുംബജീവിതം ഇന്ന് സന്തോഷകരമായി മുന്നോട്ട് പോകും. ദാമ്പത്യ ജീവിതത്തിലും സന്തോഷം നിറയും. പൊതുപ്രവർത്തകർക്കും രാഷ്ട്രീയ രംഗത്ത് പ്രവർത്തിക്കുന്നവർക്കും ഇന്ന് നല്ല ദിവസമാണ്. സ്ഥിര വരുമാനത്തിൽ ജോലി ചെയ്യുന്നവർക്ക് ഇന്ന് ജോലിഭാരം കൂടും. കഠിനാദ്ധ്വാനത്തിലൂടെ വൈകുന്നേരത്തോടെ ജോലികളെല്ലാം പൂർത്തിയാക്കാൻ സാധിക്കും.

​​​തുലാം (ചിത്തിര ½, ചോതി, വിശാഖം ¾)

​​​ഇന്ന് നിങ്ങളുടെ ബിസിനസ് മെച്ചപ്പെടും. സാമൂഹിക രംഗത്ത് പ്രശസ്തി വർധിക്കുകയും ചെയ്യും. വിദ്യാർത്ഥികൾക്ക് പഠന രംഗത്ത് നിലനിന്നിരുന്ന പ്രശ്നങ്ങൾ പരിഹരിക്കപ്പെടും. സ്വത്ത് തർക്കങ്ങൾ ഇന്നത്തോടെ അവസാനിക്കും. ഉച്ചയോടെ സാഹചര്യങ്ങൾ നിങ്ങൾക്ക് അനുകൂലമാകുന്നതാണ്. സുഹൃത്തുക്കളോടൊപ്പം സന്തോഷത്തോടെ സമയം ചെലവഴിക്കും. വിവാഹ യോഗ്യരായവർക്ക് മനസ്സിനിണങ്ങിയ ആലോചന വന്നുചേരും.

​​​വൃശ്ചികം (വിശാഖം ¼, അനിഴം, തൃക്കേട്ട)

​​​കുടുംബാംഗങ്ങൾ വഴി സന്തോഷമുണ്ടാകുന്ന സാഹചര്യങ്ങളുണ്ടാകും. കുടുംബ ബിസിനസ്സ് മെച്ചപ്പെടുത്താൻ പിതാവിന്റെ പിന്തുണ നിങ്ങൾക്ക് സഹായകരമാകും. നിങ്ങളുടെ സാമ്പത്തിക സ്ഥിതി മെച്ചപ്പെടും. ബന്ധുക്കളുമായുള്ള സാമ്പത്തിക ഇടപാടുകൾ വളരെ ശ്രദ്ധാപൂർവം നടത്തുക. ഇല്ലെങ്കിൽ ഇത് ചിലപ്പോൾ ബന്ധങ്ങളിൽ വിള്ളൽ വീഴ്ത്തിയേക്കാം. ദാമ്പത്യം സന്തോഷകരമായി മുമ്പോട്ട് പോകും.

​​​ധനു (മൂലം, പൂരാടം, ഉത്രാടം ¼)

​​​സന്താനങ്ങളിൽ നിന്ന് സന്തോഷകരമായ വാർത്തകൾ ലഭിക്കും. ഇതുമൂലം ദിവസം മുഴുവൻ നിങ്ങൾക്ക് സന്തോഷമുണ്ടാകും. പങ്കാളിയുമായി നിലനിന്നിരുന്ന പ്രശ്നങ്ങൾ ഇന്ന് അവസാനിക്കുന്നതാണ്. മതപരമായ പ്രവർത്തനങ്ങളിൽ താല്പര്യം വർധിക്കും. ഇന്ന് മാതാപിതാക്കളുടെ ആരോഗ്യ കാര്യത്തിൽ പ്രത്യേകം ശ്രദ്ധിക്കുക. രോഗങ്ങൾ അലട്ടുന്നുണ്ടെങ്കിൽ വൈദ്യസഹായം തേടണം.

​​​മകരം (ഉത്രാടം ¾, തിരുവോണം, അവിട്ടം ½)

​​​സ്ഥിര വരുമാനത്തിൽ ജോലി ചെയ്യുന്നവർക്ക് ഇന്ന് ജോലിഭാരം കൂടും. കുടുംബാംഗങ്ങൾക്കിടയിൽ കലഹം ഉണ്ടായേക്കാം. വാഹനമോടിക്കുന്നവർ ഇന്ന് അധിക ജാഗ്രത പുലർത്തണം, കാരണം അപകട സാധ്യത കാണുന്നുണ്ട്. വൈകുന്നേരം പ്രിയപ്പെട്ടവരോടൊപ്പം സമയം ചെലവിടും. വിവാഹത്തിന് യോഗ്യരായവർക്ക് നല്ല ആലോചനകൾ വരും. പഠന രംഗത്ത് വിദ്യാർത്ഥികൾക്ക് ഇന്ന് ഗുണകരമായ ദിവസമാണ്. ഒരു സുഹൃത്തിന് നിങ്ങളുടെ സഹായം ആവശ്യമായി വരും.

​​​കുംഭം (അവിട്ടം ½, ചതയം, പൂരുരുട്ടാതി ¾)

​​​മുടങ്ങിക്കിടന്നിരുന്ന ജോലികളെല്ലാം പൂർത്തിയാക്കാൻ സാധിക്കുന്നതാണ്. ചില പുതിയ ജോലികളുടെ ഭാഗമാകാൻ അവസരമുണ്ടാകും. സാമ്പത്തിക നേട്ടത്തിന് സാധ്യതയുണ്ട്. ദാമ്പത്യ ജീവിതം സന്തോഷത്തോടെ മുമ്പോട്ട് പോകും. ഏതെങ്കിലും പദ്ധതികളിൽ പെട്ട് കിടന്നിരുന്ന പണം ഇന്ന് നിങ്ങളുടെ കൈവശം വന്നുചേരാനിടയുണ്ട്. കുടുംബാംഗങ്ങളുടെ ആവശ്യങ്ങളെല്ലാം നിറവേറ്റാൻ സാധിക്കും.

​​​മീനം (പൂരുരുട്ടാതി ¼, ഉതൃട്ടാതി, രേവതി)

ബിസിനസിൽ ആരെങ്കിലും നിങ്ങളെ തെറ്റിദ്ധരിപ്പിക്കാനിടയുണ്ട്. ഇതുവഴി നഷ്ടമുണ്ടാകും. കുടുംബ പ്രശ്നങ്ങൾ വഷളാകാനും സാധ്യതയുണ്ട്. ആരോഗ്യ കാര്യത്തിൽ ഇന്ന് പ്രത്യേക ശ്രദ്ധ വേണം. എന്തെങ്കിലും രോഗങ്ങൾ അലട്ടുന്നവർ വൈദ്യസഹായം തേടേണ്ടതുണ്ട്. ഇന്ന് മാനസിക പിരിമുറുക്കം വർധിച്ചേക്കാം. പിതാവിന്റെ ആരോഗ്യത്തിൽ ശ്രദ്ധ വേണം. മുൻകാല ആരോഗ്യ പ്രശ്നങ്ങൾ വഷളാകാനിടയുണ്ട്.

(നിരാകരണം: ഇവിടെ നൽകിയിരിക്കുന്ന വിവരങ്ങൾ പൊതുവായ വിശ്വാസങ്ങളെ മാത്രം അടിസ്ഥാനമാക്കിയുള്ളതാണ് TV9 Malayalam ഇത് സ്ഥിരീകരിക്കുന്നില്ല.)