Sleeping Hacks: ഉറക്ക കുറവാണോ പ്രശ്നം?: ഈ ഭക്ഷണങ്ങൾ പതിവാക്കൂ, ഉറക്കം താനേ വരും

പ്രതീകാത്മക ചിത്രം

മാനസികവും ശാരീരികവുമായ ഊർജ്ജത്തിന് ഉറക്കം അത്യന്താപേക്ഷിതമാണ്. എന്നാൽ ഉറക്കക്കുറവ് പലപ്പോഴും പല ആരോ​ഗ്യ പ്രശ്നങ്ങൾക്കും മാനികമായ സമ്മർദ്ദങ്ങൾക്കും കാരണമായേക്കാം. ജീവിത ശൈലി, ഭാക്ഷക്രമം എന്നിവ ഉറക്കത്തെ കാര്യമായി ബാധിക്കുന്ന ഘടകങ്ങളാണ്. ജേണൽ ഓഫ് ഫുഡ് സയൻസിൽ പ്രസിദ്ധീകരിച്ച ഒരു സമീപകാല അവലോകനത്തിൽ പഠനമനുസരിച്ച്, നല്ല ഉറക്കം പ്രോത്സാഹിപ്പിക്കാൻ സഹായിക്കുന്ന വ്യത്യസ്ത ഭക്ഷണ വിഭാഗങ്ങൾ എന്തെല്ലാമെന്ന് പറയുന്നു. ഈ ഭക്ഷണങ്ങളെല്ലാം കുടലിന്റെ മികച്ച ആരോഗ്യവുമായി ബന്ധപ്പെട്ടിരിക്കുന്നവയാണ്. ഇതിലൂടെ നല്ല ഉറക്കം ലഭിക്കാൻ സഹായിക്കുന്നു. ഈ ഭക്ഷണങ്ങൾ നിങ്ങളുടെ ദൈനംദിന ഭക്ഷണത്തിൽ ഉൾപ്പെടുത്തുന്നതിലൂടെ ആരോഗ്യകരമായ മൈക്രോബയോം ലഭിക്കുന്നു.

പ്രോബയോട്ടിക്സ്

പ്രോബയോട്ടിക്കുകൾ ജീവനുള്ള സൂക്ഷ്മാണുക്കളാണ്. അവ കഴിക്കുന്നത് നിരവധി ആരോഗ്യപരമായ ഗുണങ്ങൾ നൽകുന്നു. സാധാരണയായി ഉതി കുടൽ സൂക്ഷ്മാണുക്കളെ മെച്ചപ്പെടുത്തുകയോ പുനഃസ്ഥാപിക്കുകയോ ചെയ്യുന്നതിലൂടെയാണ് ഉറക്കം മെച്ചപ്പെടുന്നത്. ആരോഗ്യമുള്ള 40 പേരിൽ 4 ആഴ്ച നടത്തിയ പഠനത്തിൽ 200 മില്ലിഗ്രാം/ദിവസം പ്രോബയോട്ടിക്‌സിന്റെ ഫലങ്ങൾ ഉറക്കത്തിന്റെ ഗുണനിലവാരത്തിൽ ഗണ്യമായ പുരോഗതിയാണ് കണ്ടെത്തിയത്.

പ്രോബയോട്ടിക്സ് അടങ്ങിയ ഭക്ഷണങ്ങൾ

തൈര്
മിസോ
ടെമ്പെ
സോയ പാനീയങ്ങൾ
ബട്ടർമിൽക്ക്
പുളിപ്പിച്ച പാൽ

പ്രീബയോട്ടിക്കുകൾ

നമ്മുടെ ദഹനനാളത്തിൽ ഏകദേശം 100 ട്രില്യൺ സൂക്ഷ്മാണുക്കൾ അടങ്ങിയിരിക്കുന്നു. അവയെ ഗട്ട് മൈക്രോബയോം എന്നറിയപ്പെടുന്നു. പ്രീബയോട്ടിക്കുകൾ നിങ്ങളുടെ കുടൽ ബാക്ടീരിയകളെ പോഷിപ്പിക്കുന്ന നാരുകളുമായി ബന്ധപ്പെട്ടിരിക്കുന്നു. ആരോഗ്യകരമായ ഒരു കുടൽ നല്ല ഉറക്കത്തിന് സഹായിക്കുന്നു. ഭക്ഷണത്തിലെ പ്രീബയോട്ടിക്, ബയോആക്ടീവ് ഉറക്കം മെച്ചപ്പെടുത്തുന്നുവെന്ന് പഠനങ്ങൾ പറയുന്നു.

പ്രീബയോട്ടിക്സ് അടങ്ങിയ ഭക്ഷണങ്ങൾ

വെളുത്തുള്ളി
ഉള്ളി
വാഴപ്പഴം
സോയാബീൻ
ശതാവരി
ഗോതമ്പ്
ധാന്യങ്ങൾ
ബ്രെഡുകൾ

സിൻബയോട്ടിക്സ്

കുടലിന്റെ ആരോഗ്യം മെച്ചപ്പെടുത്തുന്നതിന് ഒരുമിച്ച് പ്രവർത്തിക്കുന്ന പ്രോബയോട്ടിക്സുകളുടെയും പ്രീബയോട്ടിക്സുകളുടെയും സംയോജനമാണ് സിൻബയോട്ടിക്സ്. ഫൈബ്രോമയാൾജിയ (ഉറക്ക പ്രശ്നങ്ങൾക്ക് കാരണമാകുന്ന ഒരു വിട്ടുമാറാത്ത അവസ്ഥ) ഉള്ള സ്ത്രീകളെ ഉൾപ്പെടുത്തി നടത്തിയ ഒരു പഠനത്തിൽ, സിൻബയോട്ടിക് സപ്ലിമെന്റേഷൻ ഉറക്കത്തിന്റെ ദൈർഘ്യം വർദ്ധിപ്പിക്കുന്നതുമായി കണ്ടെത്തി.

സിൻബയോട്ടിക്സ് അടങ്ങിയ ഭക്ഷണങ്ങൾ

തൈര്
വിവിധ തരം ചീസുകൾ
ഐസ്ക്രീം
തൈര് അടിസ്ഥാനമാക്കിയുള്ള പാനീയങ്ങൾ
കൊഴുപ്പ് നീക്കം ചെയ്ത പാൽ