Hair Grey Remove Remedies: മുടി നരയ്ക്കുന്നത് തടയാൻ സഹായിക്കുന്ന പൊടികൈകൾ ഇതാ

നീണ്ട ഇടതൂർന്ന മുടി ആ​ഗ്രഹിക്കാത്തവരായി ആരുമില്ല. എന്നാൽ തിരക്കേറിയ ജീവിതത്തിൽ മുടിയോ നമ്മുടെ ആരോ​ഗ്യമോ ശ്രദ്ധിക്കേണ്ടതായി പറ്റിയെന്ന് വരില്ല. മുടിയെ ശ്രദ്ധിക്കാതെ വന്നാൽ മുടി കൊഴിച്ചിൽ, നരയ്ക്കൽ, വളർച്ച മുരടിക്കുക എന്നിവ രൂക്ഷമാകാനുള്ള സാധ്യത വളരെ കൂടുതലാണ്. അത്തരത്തിൽ ചെറുപ്പക്കാരെ ബാധിക്കുന്ന ഒന്നാണ് മുടി നരയ്ക്കുന്നത്. മുടിയുടെ മൊത്തത്തിലുള്ള ഗുണനിലവാരം ഗണ്യമായി മെച്ചപ്പെടുത്താൻ കഴിയുന്ന നിരവധി രീതികൾ നിലവിലുണ്ട്.

മുടിയുടെ ആരോഗ്യം സംരക്ഷിക്കുന്നതിന് നമ്മൾ കഴിക്കുന്ന ഭക്ഷണം പ്രധാന പങ്ക് വഹിക്കുന്നുണ്ട്. നിങ്ങളുടെ രോമകൂപങ്ങൾ നന്നായി പ്രവർത്തിക്കുന്നതിന് വിറ്റാമിനുകളുടെയും ധാതുക്കളുടെയും പങ്ക് വളരെ വലുതാണ്. ചില പോഷകങ്ങളുടെ, പ്രത്യേകിച്ച് വിറ്റാമിൻ ബി 12, ചെമ്പ്, ഫോളേറ്റ് എന്നിവയുടെ കുറവാണ് പലപ്പോഴും മുടി നരയ്ക്കുന്നതിന് കാരണമാകുന്നത്.

അകാല നരയ്ക്ക് പിന്നിലെ നിശബ്ദ കാരണങ്ങളിലൊന്ന് വിട്ടുമാറാത്ത സമ്മർദ്ദമാണ്. ഇത് മെലനോസൈറ്റുകളെ ബാധിക്കുന്നു – മുടിയുടെ നിറത്തിന് കാരണമാകുന്ന പിഗ്മെന്റായ മെലാനിൻ ഉത്പാദിപ്പിക്കുന്ന കോശങ്ങളാണിവ. തലയോട്ടിയിൽ മസാജ് ചെയ്യുന്നത് മുടി വളർച്ചയ്ക്ക് ആവശ്യമായ രക്തചംക്രമണം പ്രോത്സാഹിപ്പിക്കുക മാത്രമല്ല, നിങ്ങളുടെ സ്വാഭാവിക നിറം നിലനിർത്താൻ തലയോട്ടിയെ പോഷിപ്പിക്കുകയും ചെയ്യുന്നു.

രാസവസ്തുക്കൾ അടങ്ങിയ ഷാംപൂകളും ഇടയ്ക്കിടെ മുടിക്ക് നിറം നൽകുന്നത് മുടിയിലെ സ്വാഭാവിക എണ്ണമയം ഇല്ലാതാക്കുകയും മെലാനിൻ ഉൽപാദനത്തെ തടസ്സപ്പെടുത്തുകയും ചെയ്യും. സൾഫേറ്റുകൾ, പാരബെനുകൾ, കൃത്രിമ നിറങ്ങൾ എന്നിവ അകാല നരയെ കൂടുതൽ വഷളാക്കും. പോഷകാഹാരം, സമ്മർദ്ദ നിയന്ത്രണം മുതൽ പ്രകൃതിദത്ത എണ്ണകൾ, ആയുർവേദ പരിഹാരങ്ങൾ വരെ, നിങ്ങളുടെ മുടിയുടെ ശക്തി, തിളക്കം, നിറം എന്നിവ നിലനിർത്താൻ സഹായിക്കും.