Cast Iron Utensils: ഇരുമ്പ് പാത്രങ്ങളിൽ പാചകം ചെയ്യുന്നത് ശരീരത്തിൽ ഇരുമ്പിന്റെ അളവ് വർദ്ധിപ്പിക്കുമോ?

പാചകം ഒരു കലയാണ്. ശരിയായ പാത്രങ്ങൾ തിരഞ്ഞെടുക്കുന്നതും ശരിയായ പാചക രീതികൾ തിരഞ്ഞെടുക്കുന്നതും ഭക്ഷണത്തിന്റെ പോഷകമൂല്യവും രുചിയും വർദ്ധിപ്പിക്കുന്നു. പാചകത്തിന് ശരിയായ പാത്രങ്ങൾ തിരഞ്ഞെടുക്കുന്നതിനെക്കുറിച്ചുള്ള ഏറ്റവും സാധാരണമായി ഉയരുന്ന ചില ചോദ്യങ്ങളുണ്ട്. കാസ്റ്റ് ഇരുമ്പ് പാത്രങ്ങളിൽ പാചകം ചെയ്യുന്നത് ശരീരത്തിൽ ഇരുമ്പിന്റെ അളവ് വർദ്ധിപ്പിക്കുമോ എന്നത് അത്തരത്തിലുള്ള ഒരു ചോദ്യമാണ്.

ഉരുകിയ ഇരുമ്പ് ഒരു അച്ചിലേക്ക് ഒഴിച്ച് നിർമ്മിക്കുന്ന ഒരു തരം പാത്രമാണ് കാസ്റ്റ് ഇരുമ്പ് പാത്രം. കട്ടിയുള്ള ഈടുനിൽക്കുന്നതുമായ ഈ പാത്രങ്ങൾ ഇന്ന് പലരും പാചകത്തിന് ഉപയോ​ഗിക്കാറുണ്ട്. വറുത്ത ഭക്ഷണങ്ങളുണ്ടാക്കുന്നതിനും സാവധാന പാചകം ചെയ്യുന്നതിനുമാണ് ഇവ കൂടുതലായും ഉപയോ​ഗിക്കുന്നത്. ശരീരത്തിന് ആവശ്യമായ ധാതുക്കളിൽ ഒന്നാണ് ഇരുമ്പ്. ചുവന്ന രക്താണുക്കളിലെ പ്രോട്ടീനായ ഹീമോഗ്ലോബിന്റെ ഒരു പ്രധാന ഭാഗമാണ് ഇരുമ്പ്.

ഹീമോഗ്ലോബിൻ ശ്വാസകോശത്തിൽ നിന്ന് ശരീരത്തിന്റെ മറ്റ് ഭാഗങ്ങളിലേക്ക് ഓക്സിജൻ എത്തിക്കുന്നു. കോശ തലത്തിൽ ഭക്ഷണത്തെ ഊർജ്ജമാക്കി മാറ്റാനും ഇരുമ്പ് സഹായിക്കുന്നു (ATP). രോഗപ്രതിരോധ കോശങ്ങളുടെ ഉത്പാദനത്തെയും പ്രവർത്തനത്തെയും പിന്തുണയ്ക്കുന്നതിലൂടെ പ്രതിരോധശേഷി വർദ്ധിപ്പിക്കാനും ഇരുമ്പ് ആവശ്യമാണ്. കൂടാതെ ആരോഗ്യകരമായ ചർമ്മം, മുടി, നഖങ്ങൾ എന്നിവയ്ക്കും ഇരുമ്പ് ആവശ്യമാണ്.

നാഷണൽ ലൈബ്രറി ഓഫ് മെഡിസിൻ പ്രസിദ്ധീകരിച്ച പഠനമനുസരിച്ച്, ഇരുമ്പ് അടങ്ങിയ പാത്രങ്ങളിൽ ഭക്ഷണം പാകം ചെയ്യുന്നതിന്റെ ഫലമായി രക്തത്തിലെ ഹീമോഗ്ലോബിന്റെയും ഭക്ഷണത്തിലെ ഇരുമ്പിന്റെയും അളവ് വർദ്ധിക്കുന്നു. “ഇരുമ്പ് പാത്രത്തിൽ ഭക്ഷണം പാകം ചെയ്യുന്നത് രക്തത്തിലെ ഹീമോഗ്ലോബിന്റെയും ഭക്ഷണത്തിലെ ഇരുമ്പിന്റെയും അളവ് വർദ്ധിപ്പിക്കുമെന്നും അതുവഴി ഇരുമ്പിന്റെ കുറവുള്ള വിളർച്ചയുടെ സാധ്യത കുറയ്ക്കുകയും ചെയ്യും ” പഠനം പറയുന്നു.

പഠനങ്ങൾ പറയുന്നത് അടിസ്ഥാനമാക്കിയാൽ, കാസ്റ്റ് ഇരുമ്പ് പാത്രങ്ങളിൽ പാചകം ചെയ്യുന്നത് നിങ്ങളുടെ ഭക്ഷണത്തിലെ ഇരുമ്പിന്റെ അളവ് വർദ്ധിപ്പിക്കും. അതിനാൽ കാസ്റ്റ് ഇരുമ്പിൽ ഭക്ഷണം പാകം ചെയ്യുമ്പോൾ, ചെറിയ അളവിൽ ഇരുമ്പ് ഭക്ഷണത്തിലേക്ക് എത്തുന്നു പ്രത്യേകിച്ച് അസിഡിറ്റി ഉള്ളതാണെങ്കിൽ. ഇത് നിങ്ങളുടെ ദൈനംദിന ഉപഭോഗത്തിന് കാരണമാകുന്നു. കാസ്റ്റ് ഇരുമ്പിൽ പാചകം ചെയ്യുന്നതിലൂടെ ഇരുമ്പിന്റെ കുറവ് മൂലം ഉണ്ടാകുന്ന വിളർച്ച തടയാൻ കഴിയും. കുട്ടികൾക്കും ഗർഭിണികൾക്കും അല്ലെങ്കിൽ ആർത്തവ സമയത്ത്, അല്ലെങ്കിൽ ഉയർന്ന ഇരുമ്പ് ആവശ്യകതയുള്ളവർക്കും ഇത് മികച്ചതാണെന്ന് പഠനങ്ങളിലൂടെ വ്യക്തമാക്കുന്നു.