Tea Or Coffee: തലവേദന മാറ്റാൻ ചായയും കാപ്പിയും സഹായിക്കുമോ? വിദഗ്ധർ പറയുന്നത് ഇങ്ങനെ
Is Tea Or Coffee Cure Headaches: ചിലപ്പോൾ തലവേദനയുടെ അസ്വസ്ഥത കുറയുമെന്ന് പ്രതീക്ഷിച്ച് ഒരു കപ്പ് ചായയോ കാപ്പിയോ കുടിക്കുന്നു. പണ്ടുമുതലെ കേട്ടുവരുന്ന ഒരു കാര്യമാണ് ചായയോ കാപ്പിയോ കുടിച്ചാൽ തലവേദന കുറയുമെന്ന്. എന്നാൽ ഇതിൽ എത്രത്തോളം സത്യമുണ്ട്.
യാതൊരു മുന്നറിയിപ്പില്ലാതെ തലവേദന വരുന്നത്. പെട്ടെന്നുള്ള വേദന പലരെയും അസ്വസ്ഥരാക്കുന്നു. വേദനയുടെ കാഠിന്യം കുറയ്ക്കാൻ നമ്മൾ പലപ്പോഴും മരുന്നുകൾ കഴിക്കേണ്ടി വരാറുണ്ട്. ചിലപ്പോൾ അസ്വസ്ഥത കുറയ്ക്കുമെന്ന് പ്രതീക്ഷിച്ച് ഒരു കപ്പ് ചായയോ കാപ്പിയോ കുടിക്കുന്നു. പണ്ടുമുതലെ കേട്ടുവരുന്ന ഒരു കാര്യമാണ് ചായയോ കാപ്പിയോ കുടിച്ചാൽ തലവേദന കുറയുമെന്ന്. എന്നാൽ ഇതിൽ എത്രത്തോളം സത്യമുണ്ട്. ചിലർക്ക് ആദ്യ സിപ്പിൽ തന്നെ അശ്വാസം അനുഭവപ്പെടുന്നതായി തോന്നിയേക്കാം.
എന്നാൽ ചായയോ കാപ്പിയോ തലവേദന ശമിപ്പിക്കാൻ ശരിക്കും സഹായിക്കുമോ, അതോ അത് യഥാർത്ഥത്തിൽ അത് കൂടുതൽ വഷളാക്കുമോ? അടുത്തിടെ, ഡയറ്റീഷ്യൻ സേജൽ അഹൂജ ഇൻസ്റ്റാഗ്രാമിൽ ഈ പൊതു വിശ്വാസത്തിന് പിന്നിലെ യഥാർത്ഥ സത്യം വെളിപ്പെടുത്തി. സേജലിന്റെ അഭിപ്രായത്തിൽ, കഫീൻ രക്തക്കുഴലുകൾ ചുരുങ്ങുന്നതിലൂടെ താൽക്കാലിക ആശ്വാസം നൽകുന്നു. എന്നിരുന്നാലും, ദീർഘകാലാടിസ്ഥാനത്തിൽ, ഇത് തലവേദന കൂടുതൽ വഷളാക്കുമെന്നാണ് അദ്ദേഹം പറയുന്നത്.
സമ്മർദ്ദം, ഉത്കണ്ഠ, നിർജ്ജലീകരണം അല്ലെങ്കിൽ മറ്റ് അടിസ്ഥാന ആരോഗ്യ പ്രശ്നങ്ങൾ പോലുള്ള വിവിധ ഘടകങ്ങൾ തലവേദനയ്ക്ക് കാരണമാകാറുണ്ട്. നിങ്ങളുടെ തലവേദന നിർജ്ജലീകരണം മൂലമാണെങ്കിൽ, ചായയോ കാപ്പിയോ കുടിക്കുന്നത് അത് കൂടുതൽ വഷളാക്കും. കാരണം കഫീന് നിർജ്ജലീകരണത്തിന് കാരണമാകുന്നതാണ്. അതിനാൽ, നിങ്ങൾക്ക് തൽക്ഷണം ഊർജ്ജവും ആശ്വാസവും അനുഭവപ്പെടുമെങ്കിലും, ആ തലവേദന തിരിച്ചുവരാൻ പെട്ടെന്ന് തന്നെ വീണ്ടും ഉണ്ടാകുന്നു.
തലവേദന ഒഴിവാക്കാൻ, ചായയ്ക്കും കാപ്പിക്കും പകരമുള്ള മാർഗങ്ങളാണ് നാം പരിഗണിക്കേണ്ടത്. ശരീരത്തിൽ ജലാംശം നിലനിർത്തേണ്ടത് പ്രധാനമാണ്, അതിനാൽ ധാരാളം വെള്ളമോ മറ്റ് ജലാംശം അടങ്ങിയ ഭക്ഷണങ്ങളോ കഴിക്കുക. ഇഞ്ചി ചായ, ഗ്രീൻ ടീ, അല്ലെങ്കിൽ ജ്യൂസ് പോലുള്ള ആരോഗ്യത്തിന് ഗുണമുള്ളവ നിങ്ങൾക്ക് പരീക്ഷിക്കാം. കൂടാതെ, ഒരു ചെറിയ കഷണം ഡാർക്ക് ചോക്ലേറ്റ് തലവേദന ലക്ഷണങ്ങൾ ലഘൂകരിക്കാൻ സഹായിച്ചേക്കാം. നിങ്ങൾ സഹിക്കാൻ കഴിയാത്ത വേദനയാണെങ്കിൽ ആരോഗ്യ വിദഗ്ധരെ സമീപിക്കാൻ മടിക്കരുത്.
മുതിർന്നവർക്ക് പ്രതിദിനം 400 മില്ലിഗ്രാം വരെ കഫീൻ (ഏകദേശം 4 കപ്പ് കാപ്പി അല്ലെങ്കിൽ 8 കപ്പ് ചായ) സുരക്ഷിതമാണെന്ന് വിദഗ്ദ്ധർ അഭിപ്രായപ്പെടുന്നു. എന്നിരുന്നാലും, നിങ്ങൾക്ക് അസ്വസ്ഥത അനുഭവപ്പെടുകയോ ഇടയ്ക്കിടെ തലവേദന അനുഭവപ്പെടുകയോ ചെയ്താൽ, നിങ്ങൾ അവയുടെ അളവ് കുറയ്ക്കുന്നതാണ് ഉചിതം. കഫീൻ പെട്ടെന്ന് ആശ്വാസം നൽകുമെങ്കിലും, അമിതമായി അതിൽ ആശ്രയിക്കുന്നത് വിപരീതഫലം ഉണ്ടാക്കിയേക്കാം. ശരീരത്ത് ജലാംശം നിലനിർത്തുക എന്നതാണ് എപ്പോഴും ഏറ്റവും നല്ല പ്രതിവിധി.
