Wayanad Landslide Live: മണ്ണിനടിയിൽപ്പെട്ടവരെ തിരഞ്ഞ് മൂന്നാംദിനം; ബെയ്‌ലി പാലവുമായി സൈന്യം

വയനാട്ടിലെ ഉരുൾപൊട്ടൽ ദുരന്തബാധിതരെ കാണുന്നതിനായി ലോക്സഭാ പ്രതിപക്ഷ നേതാവ് രാഹുൽ ഗാന്ധിയും എഐസിസി ജനറൽ സെക്രട്ടറി പ്രിയങ്കാ ഗാന്ധിയും ഇന്ന് വയനാട്ടിലെത്തും. മുഖ്യമന്ത്രി പിണറായി വിജയനും ഇന്ന് വയനാട്ടിലെത്തും. മുഖ്യമന്ത്രിയുടെ അധ്യക്ഷതയിൽ കളക്ടറേറ്റിൽ രാവിലെ 11.30ന് സർവകക്ഷിയോഗം ചേരും.

വയനാട്ടിലെ മുണ്ടക്കൈയിലുണ്ടായ മണ്ണിടിച്ചിലിൽ മൂന്നാം ദിനവും ദൗത്യം ആരംഭിച്ചു. ഇന്നലെ രാത്രിയിൽ നിർത്തിവെച്ച രക്ഷാപ്രവർത്തനമാണ് ഇന്ന് രാവിലെയോടെ വീണ്ടും പുനരാരംഭിച്ചത്.

മുണ്ടക്കൈയിലുണ്ടായ മണ്ണിടിച്ചിലിൽ 240 പേരെ ഇനിയും കണ്ടെത്താനുണ്ട്. പാറക്കല്ലുകളും ചെളിയും നിറഞ്ഞ വീടുകളിൽ ഇനിയും നിരവധി പേർ കുടുങ്ങി കിടക്കുന്നതായാണ് സംശയം.

മുണ്ടക്കൈയിൽ ബെയ്‌ലി പാലത്തിൻ്റെ നിർമ്മാണം ഉച്ചയോടെ പൂർത്തിയാകും. ജെസിബിയും ഹിറ്റാച്ചിയും ആംബുലൻസുമടക്കം പോകാൻ ശേഷിയുള്ള കരുത്തുള്ള പാലമാണ് സൈന്യം നിർമ്മിച്ചു കൊണ്ടിരിക്കുന്നത്.

വയനാട് ഉരുൾപ്പൊട്ടലിൽ മരിച്ചവരുടെ എണ്ണം 270 ആയി. 200 പേരെ ഇപ്പോഴും കണ്ടെത്താനുണ്ട്. നിലവിൽ 195 പേരാണ് വിവിധ ആശുപത്രികളിൽ ചികിത്സയിൽ കഴിയുന്നത്

മുണ്ടക്കൈ ദുരന്തത്തില്‍ മരണസംഖ്യ ഉയരുന്നു. കേരള ചരിത്രത്തിലെ ഏറ്റവും വലിയ ദുരന്തത്തില്‍ 174 പേരുടെ മരണമാണ് ഇതുവരെ സ്ഥിരീകരിച്ചത്. ഇതില്‍ 123 പേരുടെ മരണങ്ങളാണ് സര്‍ക്കാര്‍ ഔദ്യോഗികമായി സ്ഥിരീകരിച്ചത്. ബന്ധുക്കള്‍ നല്‍കിയ കണക്ക് പ്രകാരം ഇനിയും 211 പേരെ കണ്ടെത്താനുണ്ട്. അവിടുത്തെ ഓരോ വീടുകളിലും ഇനിയും മനുഷ്യരുണ്ട്. അവര്‍ക്ക് വേണ്ടിയുള്ള രക്ഷാകരമാണ് കേരളം ഒന്നടങ്കം നീട്ടിയിരിക്കുന്നത്.

വയനാട് വഴി മൈസൂരിലേക്കുള്ള യാത്ര ഒഴിവാക്കണമെന്ന് കണ്ണൂര്‍ ജില്ല ഭരണകൂടം. വയനാട് വഴിയുള്ള യാത്രയ്ക്ക് പകരം ഇരിട്ടി-കൂട്ടുപുഴ റോഡ് വഴി യാത്ര ചെയ്യണമെന്നാണ് അധികൃതര്‍ നിര്‍ദേശം നല്‍കിയിരിക്കുന്നത്. വയനാട്  മുണ്ടക്കൈയില്‍ ഉരുള്‍പൊട്ടിയതിന്റെ പശ്ചാത്തലത്തില്‍ കഴിഞ്ഞ ദിവസം മുതല്‍ തന്നെ താമരശേരി ചുരം വഴിയുള്ള ഗതാഗതത്തില്‍ നിയന്ത്രണം കൊണ്ടുവന്നിരുന്നു. അത്യാവശ്യ വാഹനങ്ങള്‍ക്ക് ഒഴികെ ചുരം വഴി യാത്ര അനുവദിക്കില്ല.

ആരോഗ്യമന്ത്രി വീണാ ജോർജ് സഞ്ചരിച്ചിരുന്ന വാഹനം അപകടത്തിൽപ്പെട്ടു. മലപ്പുറം മഞ്ചേരി ചെട്ടിയങ്ങാടിയിൽ ഇന്നു രാവിലെ ഏഴു മണിക്കാണ് അപകടം. മന്ത്രിയെ ചെറിയ പരുക്കുകളോടെ മന്ത്രിയെ മഞ്ചേരി മെഡിക്കൽ കോളജ് ആശുപത്രിയിലെ അത്യാഹിത വിഭാഗത്തിൽ പ്രവേശിപ്പിച്ചു.

ഇന്നലെ രാത്രി നിർത്തിവച്ച രക്ഷാപ്രവർത്തനം ഇന്ന് രാവിലെ പുനരാരംഭിച്ചതോടെ 151 പേരുടെ മൃതദേഹങ്ങളാണ് ഇതുവരെ കണ്ടെത്തിയിരിക്കുന്നത്. ഇരുനൂറിലധികം പേരെ കാണാനില്ലെന്നാണ് ബന്ധുക്കളിൽ നിന്ന് ലഭിക്കുന്ന വിവരം.

മേപ്പാടി: ഇന്നലെ രാത്രി നിർത്തിവച്ച രക്ഷാപ്രവർത്തനം ഇന്ന് രാവിലെ പുനരാരംഭിച്ചു. രാവിലെ ഏഴു മണിയോടെയാണ് പ്രവർത്തനങ്ങൾ തുടങ്ങിയത്. രാത്രിയായതോടെ രക്ഷാപ്രവർത്തനം ദുഷ്കരമായതിനാൽ ഇന്നലെ നിർത്തിവച്ചിരുന്നു.

ഇന്നത്തെ രക്ഷാപ്രവർത്തനം ഏതാണ്ട് പൂർത്തിയായി, പരിക്കേറ്റവരും കുടുങ്ങിക്കിടക്കുന്നവരുമടക്കം ഏതാണ്ട് എല്ലാവരെയും മുണ്ടക്കൈയിൽ നിന്നും മറ്റിടങ്ങളിൽ നിന്നും സുരക്ഷിത സ്ഥാനങ്ങളിലേക്ക് മാറ്റി. 200-ൽ അധികം പേരെയാണ് ഇനിയും കണ്ടെത്താനുള്ളത്.

ഉരുൾപ്പൊട്ടലിൽ മരിച്ച 45 പേരെ തിരിച്ചറിഞ്ഞിട്ടുണ്ട്

ഉരുപൊട്ടൽ ദുരന്തം ഉണ്ടായ മേഖലയിൽ രാത്രിയിൽ രക്ഷാ ദൗത്യം ഉണ്ടാവില്ല

മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന അഭ്യർഥിച്ച് മുഖ്യമന്ത്രി

രക്ഷാപ്രവർത്തനത്തിന് വെല്ലുവിളികൾ നിരവധി, കനത്തമഴയും കുത്തൊഴുക്കും പ്രശ്നമാകുന്നു

മരണസംഖ്യ 90-ലേക്ക് എത്തുന്നു

മുണ്ടക്കൈ ഭാഗത്ത് വീണ്ടും ഉരുൾപ്പൊട്ടൽ

ഉരുൾപ്പൊട്ടലിൽ മരണസംഖ്യ 56 ആയി

ഉരുൾപൊട്ടൽ ഉണ്ടായ പ്രദേശത്ത് രക്ഷാപ്രവർത്തനത്തിനും അനുബന്ധ പ്രവർത്തനങ്ങൾക്കുമായി സൈന്യത്തിന്റെ എഞ്ചിനീയറിംഗ് ഗ്രൂപ്പും അടിയന്തരമായി വയനാട്ടിലെത്തും.

സൈന്യം വയനാട്ടിലേക്ക് എത്തുന്നു

മരണസംഖ്യ 44 ആയി ഉയർന്നതായി റിപ്പോർട്ടുകൾ

വയനാട്ടിലേക്ക് പോകാനാവാതെ ഹെലികോപ്റ്റർ കോഴിക്കോടിറക്കി

മരണസംഖ്യ 40-ലേക്ക് ഉയരുന്നു

മുണ്ടക്കൈ ഉരുൾപ്പൊട്ടലിൽ മരണ സംഖ്യ 19 ആയി, നിരവധി പേർ ആശുപത്രിയിലാണ് ഇനിയും നിരവിധി പേരെ കണ്ടെത്താനുണ്ട്

മുണ്ടക്കൈയിലേക്ക് എത്താൻ  താത്കാലിക പാലം നിർമ്മിച്ചേക്കും

മുണ്ടക്കൈ ഭാഗത്ത് 400 കുടുംബങ്ങൾ എങ്കിലുമുണ്ടെന്നാണ് റിപ്പോർട്ട്

വയനാട് ഉരുൾപൊട്ടലിന്റെ പശ്ചാത്തലത്തിൽ താമരശ്ശേരി ചുരം വഴി അത്യാവശ്യ വാഹനങ്ങൾക്ക് ഒഴികെ മറ്റുള്ള വാഹനങ്ങൾക്ക് നിയന്ത്രണം

പ്രദേശത്ത് പുഴ കുത്തിയൊലിക്കുന്നു, അത്യന്തം അപകടകരമായ സാഹചര്യം

തൃശ്ശൂർ മുതലുള്ള അഗ്നിരക്ഷാസേന യൂണിറ്റുകളോട് വയനാട്ടേക്ക് തിരിക്കാൻ നിർദ്ദേശം

ചൂരൽമലഭാഗത്ത് നിരവധി വീടുകൾ വെള്ളത്തിനടിയിലാണ്

രക്ഷാപ്രവർത്തനത്തിനായി കൂടുതൽ എൻഡിആർഎഫ്  സംഘം വയനാട്ടിലേക്ക് എത്തും

കോയമ്പത്തൂർ സൂലൂർ വ്യോമസേന ആസ്ഥാനത്ത് നിന്നും രക്ഷാ പ്രവർത്തനത്തിനായി രണ്ട് ഹെലികോപ്റ്ററുകൾ രാവിലെ പുറപ്പെടും