Vishu 2025: കണി കാണും നേരമായി; ഓർമകളെ തൊട്ടുണത്തുന്ന മറ്റൊരു വിഷു കൂടി

വിഷു

ഓർമകളെ തൊട്ടുണർത്തുന്ന മറ്റൊരു വിഷു കൂടി വന്നെത്തി. കേരളത്തിൻ്റെ കായികോത്സവമായ വിഷു മലയാള മാസം മേടം ഒന്നിനാണ് – അതായത് ഇന്ന്- ആഘോഷിക്കുന്നത്. ഓണം കഴിഞ്ഞാൽ മലയാളികൾ ഒന്നടങ്കം ആഘോഷിക്കുന്ന ഒരു ഉത്സവമാണ് വിഷു. ഏവർക്കും ടിവി9 മലയാളത്തിൻ്റെ ഹൃദയം നിറഞ്ഞ വിഷു ആശംസകൾ.

കണിക്കൊന്നകൾ പൂത്ത് നാട് മഞ്ഞയിൽ പൊതിയുമ്പോൾ വിഷു എത്തിയെന്നുറപ്പിക്കാം. ഈ കണിക്കൊന്നപ്പൂവിന് വിഷുക്കണിയിലും ഇടമുണ്ട്. വിഷുക്കണി, പുതുവസ്ത്രങ്ങൾ, കൈനീട്ടം, വിഷുസദ്യ എന്നിങ്ങനെയാണ് വിഷുവുമായുള്ള പ്രത്യേകതകൾ. രാവിലെ വിഷുക്കണി കാണുന്നു. പിന്നീട് മുതിർന്നവർ കുട്ടികൾക്ക് കൈനീട്ടം നൽകുന്നു. ശേഷം വീട്ടുകാർ ഒരുമിച്ചിരുന്ന് വിഷുസദ്യ കഴിക്കുന്നു. എല്ലാവരും ഈ ദിവസം പുതിയ വസ്ത്രങ്ങളും അണിയുന്നു.

വിഷുവുമായി ബന്ധപ്പെട്ട് പല ഐതിഹ്യങ്ങളുണ്ട്. നരകാസുരനെ ശ്രീകൃഷ്ണൻ വധിച്ച ദിവസമാണ് വിഷു ആഘോഷിക്കുന്നതെന്ന ഒരു ഐതിഹ്യമുണ്ട്. രാവണന് മേൽ രാമൻ നേടിയ വിജയം ആഘോഷിക്കാനുള്ളതെന്ന് മറ്റൊരു ഐതിഹ്യം. തൻ്റെ കൊട്ടാത്തിൽ വെയിൽ തട്ടിയത് ഇഷ്ടപ്പെടാതിരുന്ന രാവണൻ സൂര്യനെ ഉദിക്കാൻ അനുവദിച്ചില്ല. ഒടുവിൽ ശ്രീരാമൻ രാവണനെ വധിച്ചപ്പോഴാണ് സൂര്യന് ഉദിക്കാൻ കഴിഞ്ഞത്. ഇതാണ് വിഷു ആഘോഷമെന്ന മറ്റൊരു ഐതിഹ്യവും ഉണ്ട്. കണിക്കൊന്നയ്ക്ക് ശ്രീകൃഷ്ണനുമായി ബന്ധപ്പെട്ട ഒരു ഐതിഹ്യവുമുണ്ട്.

ഇതും വായിക്കൂ

Vishu 2025: വിഷുസദ്യ എങ്ങനെ വിളമ്പണം? ഇലയുടെ അഗ്രഭാഗം ഇടത്തേക്കോ, അതോ വലത്തേക്കോ? അറിയണം ഈ ചിട്ടവട്ടങ്ങള്‍

Vishu 2025: വിഷു പുലരാൻ മണിക്കൂറുകൾ മാത്രം; ഈ രണ്ട് ഐതിഹ്യങ്ങൾ അറിയാമോ?

Vishu 2025: കൃഷ്ണനായും കൈനീട്ടം കൊടുത്തും റൊണാൾഡോ, കൂടെ സഞ്ജുവും; വൈറലായി എഐ വിഡിയോ

Vishu 2025: ഭക്തസഹസ്രങ്ങള്‍ ഗുരുവായൂരിലേക്ക്; ഹോട്ടലുകളില്‍ വന്‍ ബുക്കിങ്; കണ്ണന്റെ സന്നിധിയില്‍ വിഷുക്കണി എപ്പോള്‍ കാണാം?

Also Read: Vishu 2025: ‘കണികാണും നേരം കമലനേത്രന്റെ..’; മേടപ്പുലരിയെ വരവേൽക്കാം ഈ പാട്ടുകളിലൂടെ

കുടുംബത്തിലെ മുതിർന്ന സ്ത്രീകളാണ് വിഷുക്കണി ഒരുക്കുക. ഓടുരുളിയിൽ അരിയും നെല്ലും നിറയ്ക്കും. ഒപ്പം മുണ്ട്, സ്വർണം, കണിവെള്ളരി, വാൽക്കണ്ണാടി, കണിക്കൊന്ന, നാരങ്ങ, പഴുത്ത അടയ്ക്ക, വെറ്റില. കണ്മഷി, ചാന്ത്, സിന്ദൂരം, നാളികേര പാത്തി, ശ്രീകൃഷ്ണൻ്റെ വിഗ്രഹം, കിഴക്കോട്ട് തിരിയിട്ട് കത്തിച്ച നിലവിളക്ക് എന്നിവയും വിഷുക്കണിയിൽ ഉണ്ടാവും. രാത്രി കണിയൊരുക്കിയിട്ടാണ് പ്രായമായ സ്ത്രീ ഉറങ്ങുക. പുലർച്ചെ ഇവർ സ്വയം എഴുന്നേറ്റ് കണി കാണും. എന്നിട്ട് മറ്റുള്ളവരെ കണി കാണിക്കും. ഉറക്കത്തിൽ നിന്നും വിളിച്ചുണർത്തി, പിന്നിൽ നിന്ന് കണ്ണുപൊത്തിയാണ് കണി കാണിക്കുക. കുടുബാംഗങ്ങളെല്ലാവരും കണി കണ്ട് കഴിഞ്ഞാൽ പ്രകൃതിയെ കണി കാണിക്കണം. വീടിൻ്റെ കിഴക്കുവശത്ത് കണി കൊണ്ടുചെന്നാണ് കാണിക്കേണ്ടത്. ശേഷം വീട്ടുമൃഗങ്ങളെയും ഫലവൃക്ഷങ്ങളെയും കണി കാണിക്കുന്നു.