KSEB Updates: പകൽ വൈദ്യുതി ഉപയോഗിച്ചാൽ ബില്ല് കുറയ്ക്കും; കെഎസ്ഇബി ശുപാർശ ഇങ്ങനെ

KSEB to Reduce Daytime Electricity Rates: കേരളം ദീർഘകാല അടിസ്ഥാനത്തിൽ കുറഞ്ഞ വിലയ്ക്ക് വൈദ്യുതി വാങ്ങികൊണ്ടിരുന്ന കരാറുകൾ റദ്ധാക്കപ്പെട്ടതോടെ, വർഷം ഇനി അധികമായി  കണ്ടെത്തേണ്ടത് 320 കോടി യൂണിറ്റ് വൈദ്യുതി. ചെലവ് കൂടുന്നതിന് അനുസരിച്ചു വൈദ്യുതി നിരക്കിലും വർദ്ധനവ് ഉണ്ടാവും.

KSEB Updates: പകൽ വൈദ്യുതി ഉപയോഗിച്ചാൽ ബില്ല് കുറയ്ക്കും; കെഎസ്ഇബി ശുപാർശ ഇങ്ങനെ
nandha-das
Updated On: 

29 Jul 2024 11:27 AM

പകൽ സമയത്തെ വൈദ്യുതി ഉപയോഗ നിരക്ക് കുറച്ച് , രാത്രി സമയത്തെ ഉപയോഗ നിരക്ക് കൂട്ടാൻ കെഎസ്ഇബി നീക്കം. ഓഗസ്റ്റിൽ നിരക്ക് പരിഷ്കരണത്തിനായി നൽകുന്ന ശുപാർശയിൽ ഇക്കാര്യം അവതരിപ്പിക്കുമെന്നാണ് കരുതുന്നത്. രാത്രി 10 മണി മുതൽ രാവിലെ 6 മണി വരെയുള്ള സമയത്തെ വൈദ്യുതി നിരക്കാണ് വർധിപ്പിക്കുക. ഈ സമയത്തുള്ള വൈദ്യുതി ഉപയോഗം വർധിച്ച സാഹചര്യത്തിലാണ് നിരക്ക് കൂട്ടാൻ തീരുമാനിച്ചത്. രാത്രി സമയങ്ങളിൽ ഇലക്ട്രിക്ക് വാഹന ചാർജിങ് വർധിച്ചതോടെ വൈദ്യുതി ഉപയോഗവും വർധിച്ചു. ഈ പ്രശ്നത്തിന് ഒരു പരിഹാരം എന്ന നിലയിൽ എല്ലാ സർക്കാർ ഓഫീസുകളിലും, സ്വാകാര്യ സ്ഥാപനങ്ങളിലും ഇലക്ട്രിക്ക് ചാർജിങ് സൗകര്യം ഏർപ്പെടുത്താൻ കെഎസ്ഇബി ശുപാർശ ചെയ്യും.

ഗാർഹിക ആവശ്യത്തിനും വ്യാവസായിക ആവശ്യത്തിനും വിവിധ സമയക്രമം അനുസരിച്ചു വൈദ്യുതി ഉപയോഗിക്കുന്ന ഉപയോക്താക്കൾക്ക് പ്രത്യേക താരിഫ് ആണുള്ളത് (ടൈം ഓഫ് ദ ഡേ-ടിഒഡി). ഇതിന്റെ നിറയ്ക്കും കുറയും. ടിഒഡി താരിഫിൽ നിലവിൽ ഉൾപ്പെടുത്തിയിരിക്കുന്നത് മാസം 250 യൂണിറ്റിൽ കൂടുതൽ വൈദ്യുതി ഉപയോഗിക്കുന്നവരെയാണ്. പകൽ സൗരോർജ ഉത്പാദനം കൂടി വരുന്ന സാഹചര്യം കണക്കിലെടുത്തു ഇത് 200 യൂണിറ്റായി കുറയ്ക്കാനും ആലോചനയുണ്ട്.

“വൈദ്യുതി പ്രതിസന്ധി പരിഹരിക്കാൻ പകൽ സമയത്തെ വൈദ്യുതിയുടെ ഉപയോഗത്തിന് നിരക്ക് കുറയ്ക്കാനും, രാത്രി സമയത്തെ നിരക്ക് കൂട്ടാനും ആലോചിക്കുന്നുണ്ട്. മിക്ക വീടുകളിലും സ്മാർട്ട് മീറ്ററുകളായി, അതിനാൽ ഓരോ സമയത്തെയും വൈദ്യുതി ഉപയോഗം കണക്കാക്കാൻ ആകുമെന്നും”  വൈദ്യുതി മന്ത്രി കെ കൃഷ്ണൻകുട്ടി പറഞ്ഞു. കേരളത്തിൽ ആണവനിലയം പദ്ധതി കൊണ്ടുവരുന്നതിനുള്ള ആദ്യഘട്ട ചർച്ചകൾ പോലും നടന്നിട്ടില്ല, കൂടുതൽ ചർച്ചകൾക്ക് ശേഷമേ തീരുമാനമെടുക്കൂ. സംസ്ഥാനത്തിന് പുറത്തു ആണവനിലയം സ്ഥാപിച്ചാലും കേരളത്തിന് വിഹിതം ലഭിക്കും” എന്നും കൃഷ്ണൻകുട്ടി പറഞ്ഞു.

 

READ MORE: ഇനി വെറും ഒമ്പത് മണിക്കൂറുകൊണ്ട് ബം​ഗളൂരുവിലെത്താം; എറണാകുളം-ബെം​ഗളൂരു വന്ദേഭാരത് ബുക്കിങ് ആരംഭിച്ചു, നിരക്കുകളിങ്ങനെ

കുറഞ്ഞ വിലയ്ക്ക് വൈദ്യുതി വാങ്ങികൊണ്ടിരുന്ന ദീർഘകാല കരാറുകൾ പുനഃസ്ഥാപിക്കുന്നതു അപ്പലേറ്റ് ട്രിബ്യുണൽ റദ്ധാക്കിയതോടെ വർഷം 320 കോടി യൂണിറ്റ് വൈദ്യുതിയാണ് കേരളത്തിന് അധികമായി കണ്ടെത്തേണ്ടത്. ഇതിനെതിരെ കെഎസ്ഇബി സുപ്രീം കോടതിയെ സമീപിക്കുമെങ്കിലും, വിധി വരാൻ വൈകും എന്നുള്ളതുകൊണ്ട് പുതിയ ടെൻഡർ വിളിക്കാൻ തീരുമാനിച്ചു. 15 വർഷത്തേക്ക് 500 മെഗാവാട്ട് വൈദ്യുതിക്ക്‌ ടെൻഡർ വിളിക്കാനുള്ള കരാർ തയാറാക്കാൻ കെഎസ്ഇബി പവർ ഫിനാൻസ് കോർപറേഷനുമായി(പി എഫ് സി) ധാരണയിലെത്തി. പുതിയ കരാറിൽ യൂണിറ്റിന് ഒരു രൂപ കൂടിയാൽ വർഷം 320 കോടിയും, ഒന്നര രൂപ കൂടിയാൽ വർഷം 480 കോടിയുമാവും അധിക ചെലവ് വരുക. ഈ ചെലവ് കൂടുന്നതിന് അനുസരിച്ചു വൈദ്യുതി നിരക്കിലും വർദ്ധനവ് ഉണ്ടാവും.

കോൾ ലിങ്ക്ഡ് പവർ പർച്ചേസ് സംവിധാനം വഴി 500 മെഗാവാട്ട് വൈദ്യുതി വാങ്ങാനായി കേന്ദ്ര സർക്കാരിനെയും സമീപിച്ചിട്ടുണ്ട്. കേന്ദ്ര സർക്കാർ അംഗീകരിച്ചാൽ ടെൻഡർ നൽകി വൈദ്യുതി വാങ്ങാൻ സാധിക്കും. അതോടൊപ്പം അടുത്ത വർഷം ജനുവരി മുതൽ മെയ് വരെയുള്ള കാലയളവിൽ ഹ്രസ്വകാല വൈദ്യുതി കരാറുകളിൽ ഏർപ്പെടാനും തീരുമാനം ആയിട്ടുണ്ട്.

Related Stories
Thiruvananthapuram Medical College: ആശുപത്രിയിൽ നിന്ന് ശരീരഭാഗങ്ങൾ കാണാതായ സംഭവം; ആക്രിക്കാരനെതിരെ കേസില്ല, ജീവനക്കാരന് സസ്‌പെൻഷൻ
Kalamassery Accident: ഡ്രൈവർക്ക് ദേഹാസ്വാസ്ഥ്യം; കളമശ്ശേരിയിൽ കാർ മൂന്ന് വാഹനങ്ങളുമായി കൂട്ടിയിടിച്ച് വൻ അപകടം
Student Missing Case: പരീക്ഷയ്ക്ക് പോയ കുട്ടി തിരികെ വീട്ടിലെത്തിയില്ല; എട്ടാം ക്ലാസ് വിദ്യാർഥിനിയെ കാണാനില്ലെന്ന് പരാതി
KSRTC Accident: തിരൂര്‍ക്കാട് ദേശീയപാതയില്‍ കെഎസ്ആര്‍ടിസിയും ലോറിയും കൂട്ടിയിച്ച് അപകടം; ഒരു മരണം
Student Found Death: തിരുവനന്തപുരത്ത് പത്താം ക്ലാസ് വിദ്യാർഥി തൂങ്ങി മരിച്ച നിലയിൽ
Kozhikode Dance Teacher Death: പത്തൊന്‍പതുകാരിയായ നൃത്താധ്യാപികയെ വീട്ടില്‍ തൂങ്ങിമരിച്ച നിലയില്‍ കണ്ടെത്തി, മൃതദേഹം കണ്ടത് വിദ്യാര്‍ഥികള്‍
വേനകാലത്ത് കഴിക്കാൻ ഇവയാണ് ബെസ്റ്റ്
അമിതമായാല്‍ പൈനാപ്പിളും 'വിഷം'; ഓവറാകരുത്‌
' ഇങ്ങനെയും ഉണ്ടോ ഒരു ലുക്ക്' ?
വരണ്ട ചുമയാണോ പ്രശ്നം? വീട്ടിൽ തന്നെയുണ്ട് പരിഹാരം