Kerala Rain Alert: ഏതൊക്കെ ജില്ലകളിൽ ഇന്ന് മഴ? കാലാവസ്ഥ വകുപ്പ് പ്രവചനം ഇങ്ങനെ
Kerala Rain Alert Today: 8 ജില്ലകളിലാണ് സംസ്ഥാനത്ത് ചക്രവാതച്ചുഴിയുടെ സ്വാധീനത്താൽ യെല്ലോ അലർട്ട് പ്രഖ്യാപിച്ചിരിക്കുന്നത്
Kerala Rain Alert-New | PTI
തിരുവനന്തപുരം: ചക്രവാതച്ചുഴി മൂലം സംസ്ഥാനത്ത് തിങ്കളാഴ്ട (ഇന്നും) മഴ തുടരുമെന്ന് കാലാവസ്ഥ നിരീക്ഷണ വകുപ്പ്. കേരളത്തിൽ വരുന്ന നാല് ദിവസം അടുത്ത 4 ദിവസം ഇടിമിന്നലോടും കൂടിയ മിതമായ/ ഇടത്തരം മഴയ്ക്ക് സാധ്യതയുണ്ടെന്നാണ് കാലാവസ്ഥ നിരീക്ഷണ വകുപ്പ് മുന്നറിയിപ്പ്.
8 ജില്ലകളിലാണ് സംസ്ഥാനത്ത് ചക്രവാതച്ചുഴിയുടെ സ്വാധീനത്താൽ യെല്ലോ അലർട്ട് പ്രഖ്യാപിച്ചിരിക്കുന്നത്. തിരുവനന്തപുരം, എറണാകുളം, തൃശ്ശൂർ, മലപ്പുറം, കോഴിക്കോട്, വയനാട്, കണ്ണൂർ, കാസറഗോഡ് ജില്ലകളിലാണ് യെല്ലോ അലർട്ട് . മഴ അലർട്ടുകൾ വിശദമായി ചുവടെ.
തിരുവനന്തപുരം, എറണാകുളം, തൃശ്ശൂർ, മലപ്പുറം, കോഴിക്കോട്, വയനാട്, കണ്ണൂർ, കാസറഗോഡ് ജില്ലകളിൽ ഇന്ന് (തിങ്കളാഴ്ച) മഞ്ഞ അലർട്ടായിരിക്കും. അതേസമയം ചൊവ്വാഴ്ച തിരുവനന്തപുരം, കൊല്ലം, പത്തനംതിട്ട, എറണാകുളം, ഇടുക്കി, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസറഗോഡ് ജില്ലകൾക്കും ബുധനാഴ്ച മലപ്പുറം, കോഴിക്കോട്, കണ്ണൂർ, കാസറഗോഡ് എന്നീ ജില്ലകൾക്കുമായിരിക്കും യെല്ലോ അലർട്ട്.
ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് ഇവിടെ പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്ററിൽ മുതൽ 115.5 മില്ലിമീറ്റർ വരെ മഴ ലഭിക്കാനുള്ള സാധ്യതയുണ്ട്.