Wayanad By Election Result 2024 Live: ലോക്സഭയിലേക്ക് പ്രിയങ്കയെ ‘കൈപിടിച്ചു’ കയറ്റി വയനാട്; ജയം നാല് ലക്ഷത്തിൽ അധികം ഭൂരിപക്ഷത്തിൽ

വയനാട് ലോക്സഭ ഉപതിരഞ്ഞെടുപ്പിൽ കോൺഗ്രിസൻ്റെ പ്രിയങ്ക ഗാന്ധിക്ക് ഉജ്ജ്വല ജയം. 6,17,942  വോട്ടുകൾ നേടിയ പ്രിയങ്കയുടെ വിജയം 4,08,036 വോട്ടിൻ്റെ ഭൂരിപക്ഷത്തിലാണ്. മെയിൽ നടന്ന ലോക്സഭ തിരഞ്ഞെടുപ്പിൽ രാഹുൽ ഗാന്ധി നേടിയ 3.80 ലക്ഷത്തിൽ അധികം ഭൂരിപക്ഷം മറികടന്നാണ് പ്രിയങ്കയുടെ ജയം. സിപിഐയുടെ സത്യൻ മൊകേരി 2.11 ലക്ഷം വോട്ട് നേടി. ബിജെപിയുടെ നവ്യ ഹരിദാസ് 1.09 ലക്ഷം വോട്ടാണ് നേടിയത്.

പ്രിയങ്ക ഗാന്ധിയുടെ ഭൂരിപക്ഷം മൂന്ന് ലക്ഷം പിന്നിട്ടു. അഞ്ച് ലക്ഷത്തിൽ അധികം വോട്ടുകളാണ് പ്രിയങ്ക ഇതുവരെ നേടിട്ടുള്ളത്. 1.72 ലക്ഷം വോട്ടുകളാണ് എൽഡിഎഫിൻ്റെ സത്യൻ മൊകേരി നേടിയത്. ഒരു ലക്ഷത്തിൽ താഴെയാണ് ബിജെപിക്ക് ലഭിച്ച വോട്ടുകൾ

വയനാട്ടിൽ പ്രിയങ്ക ഗാന്ധിയുടെ ഭൂരിപക്ഷം രണ്ട് ലക്ഷം പിന്നിട്ടു.

വൻ ഭൂരിപക്ഷം നിലനിൽക്കെ ചേലക്കരയിൽ ഇടതുപക്ഷത്തിൻ്റെ ആഹ്ലാദപ്രകടനം. ചേലക്കര പിടിക്കുമെന്ന് പറഞ്ഞ യുഡിഎഫിന് തിരിച്ചടിയാണ് ഇടതിൻ്റെ വിജയം.

വയനാട്ടിൽ പ്രിയങ്ക ഗാന്ധിയുടെ ഭൂരിപക്ഷം ഒരു ലക്ഷം പിന്നിട്ടു. 1,08,558 വോട്ടിൻ്റെ ഭൂരിപക്ഷം നിലവിൽ രേഖപ്പെടുത്തിയിരിക്കുന്നത്.  ഇതുവരെ എണ്ണിയ വോട്ടിൽ നിന്നും 65 ശതമാനത്തിൽ അധികവും പ്രിയങ്കയ്ക്ക് ലഭിച്ചു

തിരഞ്ഞെടുപ്പ് കമ്മീഷൻ പുറത്ത് വിട്ട കണക്ക് പ്രകാരം വയനാട്ടിൽ ഇതുവരെ എണ്ണിയ 70 ശതമാനം വോട്ടുകൾ പ്രിയങ്കയ്ക്ക് ലഭിച്ചു. 50,000 വോട്ടിൻ്റെ ഭൂരിപക്ഷമാണ് പ്രിയങ്കയ്ക്ക് ഇതുവരെ ലഭിച്ചിട്ടുള്ളത്.

വയനാട്ടിൽ പ്രിയങ്ക ഗാന്ധിയുടെ ഭൂരിപക്ഷം 50,000 പിന്നിട്ടു.  53,510 വോട്ടുകളുടെ ഭൂരിപക്ഷമാണ് പ്രിയങ്കയ്ക്ക് ഇതുവരെ ലഭിച്ചത്.

വയനാട്ടിൽ പ്രിയങ്ക ഗാന്ധിയുടെ ഭൂരിപക്ഷം 30,000ത്തിലേക്ക് അടക്കുന്നു. മറ്റ് മുന്നണികളുടെ സ്ഥാനാർഥികൾ ഏറെ പിന്നിൽ

വോട്ടിങ് മെഷിൻ വോട്ടുകൾ എണ്ണി തുടങ്ങിയപ്പോൾ വയനാട്ടിൽ പ്രിയങ്കയുടെ ഭൂരപിക്ഷം 4000ത്തിന് അരികിൽ എത്തി.

വയനാട്ടിൽ ഇവിഎം മെഷനിൽ നിന്നുള്ള വോട്ടുകൾ എണ്ണി തുടങ്ങി. ആദ്യഫലങ്ങൾ പുറത്ത് വരുമ്പോൾ പ്രിയങ്ക ഗാന്ധിയുടെ ഭൂരിപക്ഷം 2300 ആയി.

വയനാട്ടിൽ ആദ്യ ഫലസൂചനകൾ പുറത്ത് വന്നതോടെ കോൺഗ്രസിൻ്റെ പ്രിയങ്ക ഗാന്ധിക്ക് മുന്നേറ്റം. പോസ്റ്റൽ വോട്ടലുകൾ എണ്ണി തുടങ്ങിയപ്പോൾ 60 വോട്ടുകളുടെ ഭൂരിപക്ഷമാണ് ട്രെൻഡ് രേഖപ്പെടുത്തുന്നത്. മെഷിൻ വോട്ടുകൾ 8.30ന് ആകും എണ്ണി തുടങ്ങുക

വയനാട് പാർലമെൻ്റ് ഉപതിരഞ്ഞെടുപ്പിനുള്ള വോട്ടെണ്ണൽ ആരംഭിച്ചു. പോസ്റ്റ് വോട്ടുകളാണ് ആദ്യം എണ്ണുന്നത്. പോസ്റ്റൽ, ഹോം വോട്ടുകളായി തരംതിരിച്ചു

സ്ട്രോങ് റൂമുകൾ തുറന്നു. വോട്ടെണ്ണൽ അൽപ്പസമയത്തിനകം. വയനാട്ടിൽ വോട്ടെണ്ണല്ലിന് എല്ലാ സജ്ജമെന്ന് ജില്ല ഭരണകൂടം

വയനാട് ഉപതിരഞ്ഞെടുപ്പിലെ വോട്ടെണ്ണൽ അല്പസമയത്തിനകം. വോട്ടെണ്ണലിനായി മണ്ഡലത്തിലെ സ്ട്രോങ് റൂമുകൾ തുറന്നു. വയനാട്ടിലെ സ്ട്രോങ് റൂം ജില്ലാ കളക്ടര്‍ ഡിആര്‍ മേഘശ്രീ സന്ദർശിച്ചു.

തപാൽ വോട്ടുകളാണ് ആദ്യം എണ്ണുക. കല്പറ്റ എസ്കെഎംജെ സ്കൂളിൽ തന്നെയാണ് തപാൽ വോട്ടുകൾ എണ്ണുന്നത്. 24 ടേബിളുകൾ തപാൽ വോട്ടുകൾക്കായി സജ്ജമാക്കിയിട്ടുണ്ട്. 8.30 മുതൽ ഇവിഎമ്മുകളിലെ വോട്ടുകൾ എണ്ണിത്തുടങ്ങും.

മൂന്ന് കേന്ദ്രങ്ങളിലായാണ് വയനാട് ലോക്സഭാ മണ്ഡലത്തിലെ വോട്ടെണ്ണൽ. കല്പറ്റ, മാനന്തവാടി, ബത്തേരി എന്നീ നിയമസഭാ മണ്ഡലങ്ങളിലെ വോട്ടുകൾ കല്പറ്റ എസ്കെഎംജെ സ്കൂളിൽ എണ്ണും. നിലമ്പൂര്‍, ഏറനാട്, വണ്ടൂര്‍ നിയമസഭാ മണ്ഡലങ്ങളിലെ വോട്ടുകൾ എണ്ണുന്നത് അമല്‍ കോളജ് മൈലാടി സ്‌കില്‍ ഡെവലപ്പ്മെന്റ് ബില്‍ഡിൽങിൽ വച്ചാണ്. തിരുവമ്പാടി നിയോജക മണ്ഡലത്തിലെ വോട്ടെണ്ണൽ കൂടത്തായി സെന്റ് മേരീസ് എല്‍പി സ്കൂളിൽ വച്ചും നടക്കും.

സ്ഥാനാർത്ഥി പ്രഖ്യാപനം വന്നപ്പോൾ തന്നെ വയനാട് ലോക്സഭാമണ്ഡലത്തിലെ ഫലം ഏറെക്കുറെ തീരുമാനിക്കപ്പെട്ടിരുന്നു. ഇന്ത്യാ മുന്നണിയുടെ സ്ഥാനാർത്ഥി പ്രിയങ്ക ഗാന്ധി തന്നെ മണ്ഡലത്തിൽ വിജയിക്കുമെന്നാണ് കണക്കുകൂട്ടൽ. ഒരേയൊരു ചോദ്യം റെക്കോർഡ് ഭൂരിപക്ഷമുണ്ടാവുമോ എന്നത് മാത്രമാണ്.