Chelakkara By-Election Result 2024 Live: ‘യു ആർ’ വിൻ…; ചേലക്കരയിൽ ഇടത് സ്ഥാനാർത്ഥി യു ആർ പ്രദീപിന് വിജയം

ചേലക്കരയിൽ യു ആർ പ്രദീപിന് വമ്പിച്ച വിജയം. 12,067 എന്നതാണ് ലീഡ് നില. 2016ലെ ഭൂരിപക്ഷവും കടന്നാണ് വിജയം ഉറപ്പിച്ചിരിക്കുന്നത്.

ചേലക്കരയിൽ യു ആർ പ്രദീപിൻ്റ ലീഡി നിലയിൽ നേരിയ കുറവ്. 11,362 ലേക്ക് താഴ്ന്നു.

ചേലക്കരയിൽ യു ആർ പ്രദീപ് ഭൂരിപക്ഷത്തോടെ വിജയത്തിലേക്ക്. ലീഡ് നില 11,936 ലേക്ക്.

കുപ്രചരണങ്ങളുടെ സ്ഥാനം ചവറ്റുകൊട്ടയിൽ എന്ന് മന്ത്രി പിഎ മുഹമ്മദ് റിയാസ്. എൽഡിഎഫ് സ്ഥാനാർഥി യുആർ പ്രദീപ് വിജയമുറച്ചതോടെയാണ് മന്ത്രിയുടെ പ്രതികരണം.

വോട്ടെണ്ണൽ 10ാം റൗണ്ടിലേക്ക് കടക്കുമ്പോൾ ചേലക്കരയിൽ 2016 ലെ അസംബ്ലി തെരഞ്ഞെടുപ്പിൽ നേടിയ ലീഡ് മറികടന്ന് യുആ‌‍‍ർ പ്രദീപ് മുന്നേറുന്നു. എൽഡിഎഫ് ലീഡ് 11574 ആയി ഉയർന്നു. എല്ലാ റൗണ്ടിലും വ്യക്തമായ ലീഡ് നേടിയാണ് പ്രദീപ് മുന്നേറിയത്.

യു ആര്‍ പ്രദീപ് (എൽഡിഎഫ്) – 42009
കെ. ബാലകൃഷ്ണന്‍ (ബിജെപി) – 18946
രമ്യ ഹരിദാസ് (കോണ്‍ഗ്രസ്-കൈ) – 31718
കെ.ബി ലിന്‍ഡേഷ് (സ്വതന്ത്രന്‍-മോതിരം) – 138
എന്‍.കെ സുധീര്‍ (സ്വതന്ത്രന്‍-ഓട്ടോറിക്ഷ) – 2661
ഹരിദാസന്‍ (സ്വതന്ത്രന്‍-കുടം) – 101
നോട്ട – 602

ചേലക്കരയിൽ ഇടത് സ്ഥാനാർത്ഥി യു ആർ പ്രദീപിൻ്റെ ലീഡ് നില 10,291 ആയി ഉയർന്നു.

പതിനായിരത്തിന് മുകളിൽ വോട്ടു നേടി ചേലക്കരയിൽ എൽഡിഎഫ് വൻ ഭൂരിപക്ഷത്തോടെ വിജയിക്കുമെന്നാണ് കെ രാധാകൃഷ്ണൻ പറഞ്ഞത്. ഇപ്പോൾ 9228 വോട്ടുകളുടെ ലീഡാണ് പ്രദീപിനുള്ളത്.

ചേലക്കരയിലെ 15 ബൂത്ത് ബാക്കി നിൽക്കെ യുഡിഎഫ് ഉറച്ച പ്രതീക്ഷകാത്ത പഞ്ചായത്തിലും തിരിച്ചടി. ആറാം റൗണ്ടിൽ ചേലക്കര പഞ്ചായത്ത് മാത്രം എണ്ണിയപ്പോഴും 450 വോട്ട് ലീഡോടെ ഇടത് സ്ഥാനാർത്ഥി യു ആർ പ്രദീപിന് മുന്നിൽ.

യു.ആർ പ്രദീപിൻ്റെ ഭൂരിപക്ഷം 9000 കടന്നു

ഇവിഎം കൗണ്ടിങ് ആറാം റൗണ്ട് പൂർത്തിയായപ്പോൾ എൽഡിഎഫ് സ്ഥാനാർത്ഥി യു ആർ പ്രദീപ് 9017 വോട്ടിന് ലീഡ് ചെയ്യുന്നു.

ചേലക്കരയിൽ ഭരണവിരുദ്ധ വികാരമില്ലെന്ന് കെ രാധാകൃഷ്ണൻ.

യു ആര്‍  പ്രദീപ് (എൽഡിഎഫ്) – 27689

കെ  ബാലകൃഷ്ണന്‍ (ബിജെപി) – 11616

രമ്യ ഹരിദാസ് (കോൺ​ഗ്രസ്) – 19122

കെ ബി ലിന്‍ഡേഷ് (സ്വതന്ത്രന്‍-മോതിരം) – 76

എന്‍ കെ സുധീര്‍ (സ്വതന്ത്രന്‍-ഓട്ടോറിക്ഷ) – 1840

ഹരിദാസന്‍ (സ്വതന്ത്രന്‍-കുടം) – 71

നോട്ട – 377

ചേലക്കരയിൽ ഇനി വോട്ടുകൾ എണ്ണാനുള്ളത് മൂന്ന് പഞ്ചായത്തുകൾ മാത്രം. അഞ്ചാം റൗണ്ടും വോട്ടെണ്ണലും കഴിഞ്ഞു. യു.ആർ പ്രദീപ് 8567 വോട്ടിന് മുന്നിലാണ്.

ചേലക്കരയിൽ ഇടതുപക്ഷ സ്ഥാനാർത്ഥികളെ ചേർത്തുപിടിച്ച ചരിത്രമാണുള്ളത്. അവർ ഞങ്ങളെ കൈവിടില്ല.

ചേലക്കരയിൽ ദേശമംഗലം പഞ്ചായത്തിലെ സ്വന്തം ബൂത്തിൽ ലീഡ് പിടിച്ചടക്കി ഇടത് സ്ഥാനാർത്ഥി യുആർ പ്രദീപ്. 392 വോട്ട് ലീഡ് നേടിയാണ് മുന്നേറിയത്. ദേശമംഗലം പഞ്ചായത്തിലെ 25ാം ബൂത്ത് കൊണ്ടയൂരിലാണ് നേട്ടം.

ചേലക്കരയിൽ‌ അഞ്ചാം റൗണ്ട് വോട്ടെണ്ണൽ ആരംഭിച്ചു. പാഞ്ഞാൾ പഞ്ചായത്തിലെ 12 ബൂത്തുകളും ശേഷം ചേലക്കര പഞ്ചായത്തിലെ രണ്ട് ബൂത്തുകളുമാണ് എണ്ണുക. പാഞ്ഞാൾ സിപിഎം ലീഡ് ഉള്ള പഞ്ചായത്താണ്.

ചേലക്കരയിൽ യുആർ പ്രദീപിൻ്റെ ലീഡ് 6000 കടന്നു

യുആർ പ്രദീപിൻ്റെ ലീഡ് 4000 കടന്നു

ചേലക്കരയിൽ ലീഡ് 2000 കടന്നിരിക്കുന്നു

ദേശമം​ഗലം പഞ്ചായത്തിലെ വോട്ടുകൾ പുരോ​ഗമിക്കുന്നതിനിടെ യു ആർ പ്രദീപിൻ്റെ ലീഡ് നില 2000 കടന്നു.

ചേലക്കരയിൽ രണ്ടാംസ്ഥാനത്ത് കോൺ​ഗ്രസ് സ്ഥാനാർത്ഥി രമ്യ ഹരിദാസ്.

കഴിഞ്ഞ നിയമസഭ തെരഞ്ഞെടുപ്പിൽ രാധാകൃഷ്ണന് 2636 വോട്ട് ലീഡാണ് പ്രദീപിൻ്റെ സ്വന്തം പഞ്ചായത്തായ ദേശമം​ഗലത്ത് കിട്ടിയത്. എന്നാൽ ലോക്സഭാ തെരഞ്ഞെടുപ്പിൽ 148 വോട്ടായി ലീഡ് കുറഞ്ഞിരുന്നു.

യു ആർ പ്രദീപിൻ്റെ സ്വന്തം പഞ്ചായത്തിലെ വോട്ടുകൾ എണ്ണിത്തുടങ്ങി. വരവൂ‍ർ പഞ്ചായത്തിൽ 1890 വോട്ട് ലീഡ് പിടിച്ചതോടെ ചേലക്കര മണ്ഡലത്തിൽ മതന്യൂനപക്ഷങ്ങൾ തങ്ങളെ കൈവിട്ടില്ലെന്ന ശുഭാപ്തി വിശ്വാസത്തിലാണ് എൽഡിഎഫ്.

ചേലക്കരയിൽ സീറ്റ് നിലനിർത്തുക എന്നത് എൽഡിഎഫിന് വളരെ സുപ്രാധാനമാണ്. ആദ്യ സൂചന പുറത്തുവരുമ്പോൾ എൽഡിഎഫിന് തന്നെയാണ് ഭൂരിപക്ഷം. വരവൂരിലെ വോട്ടുകൾ എണ്ണിയപ്പോൾ 1890 ആണ് പ്രദീപിൻ്റെ ലീഡ്.

അടുത്ത റൗണ്ട് എണ്ണിത്തുടങ്ങി. ആദ്യ റൗണ്ടിൽ എൽഡിഎഫ് സ്ഥാനാർത്ഥി യു ആർ പ്രദീപ് 1771 വോട്ടിന് ലീഡ് ചെയ്യുന്നു.

യുആർ പ്രദീപിൻ്റെ ലീഡ് 1000-ലേക്ക്

ചേലക്കരയിൽ ഇവിഎം വോട്ടുകൾ എണ്ണി തുടങ്ങി

ചേലക്കരയിൽ യു.ആർ പ്രദീപിൻ്റെ ലീഡ് 100 കടന്നു

ആദ്യ ഫല സൂചനകളിൽ യുആർ പ്രദീപിന് നേരിയ ലീഡ്

വോട്ടെണ്ണൽ ആരംഭിച്ചു, 8.15 മുതൽ ആദ്യ ഫലങ്ങൾ

വോട്ടെണ്ണലിന് മിനിട്ടുകൾ മാത്രം, ആദ്യം എണ്ണുന്നത് പോസ്റ്റൽ ബാലറ്റുകൾ

ചേലക്കരയിൽ സ്ട്രോങ്ങ് റൂം തുറക്കുന്നു, ഉള്ളത് രണ്ട് സ്ട്രോങ്ങ് റൂമുകൾ

ചേലക്കരയിൽ നിർണ്ണായക മത്സരമോ

ചേലക്കരയിലെ ജനവിധി ഉടൻ അറിയാം. വോട്ടെണ്ണൽ രാവിലെ എട്ട് മുതൽ

ചേലക്കരയിൽ 18000 വോട്ടിന്റെ ഭൂരിപക്ഷം യു ആർ പ്രദീപ് നേടുമെന്നാണ് സിപിഐഎം വാദം. അയ്യായിരമെങ്കിലും ഭൂരിപക്ഷം ഉറപ്പെന്ന് നേതാക്കൾ പറയുന്നുണ്ട്. എന്നാൽ തിരഞ്ഞെടുപ്പ് ഫലത്തിൽ തെല്ലും ആശങ്കയില്ലെന്നാണ് എൽഡിഎഫ് സ്ഥാനാർഥി യുആർ പ്രദീപ് പറയുന്നത്.

ചേലക്കരയിൽ ആത്മവിശ്വാസത്തോടെ എൽഡിഎഫ് സ്ഥാനാർഥി യു.ആർ പ്രദീപ്

ഉപതിരഞ്ഞെടുപ്പിന്റെ ഫലമറിയാൻ ഇനി മണിക്കൂറുകൾ മാത്രമാണ് ശേഷിക്കുന്നത്. ചേലക്കരയിൽ എൽഡിഎഫും യുഡിഎഫും തമ്മിൽ വാശിയേറിയ പോരാട്ടമാണ് നടക്കുന്നത്.

ചേലക്കരയിൽ ആകെ പോൾ ചെയ്തത് 72.77 ശതമാനം വോട്ടാണ്. 2021ലെ നിയമസഭാ തെരഞ്ഞെടുപ്പിലേതിനേക്കാൾ നാല് ശതമാനം കുറവാണ് ഇത്തവണ രേഖപ്പെടുത്തിയതെന്നതും ശ്രദ്ധേയം.

ചേരക്കരയിൽ വോട്ടെണ്ണൽ എട്ട് മണിയോടെ ആരംഭിക്കും. ആദ്യഫലം 8.30ഓടെ തന്നെ ലഭ്യമാകും. ആദ്യം പോസ്റ്റൽ വോട്ടുകളാവും എണ്ണുക. പിന്നീട് ഇവിഎം വോട്ടുകൾ എണ്ണിതുടങ്ങും. ചേലക്കര ആര് പിടിക്കുമെന്ന് ആകാംക്ഷയിലാണ് മുന്നണികൾ.

ഉപതെരഞ്ഞെടുപ്പ് വോട്ടെണ്ണൽ രാവിലെ എട്ട് മണിയ്ക്ക് ആരംഭിക്കുമ്പോൾ പൊതുജനങ്ങള്‍ക്കും മാധ്യമങ്ങള്‍ക്കും തത്സമയം ഫലം അറിയാന്‍ തെരഞ്ഞെടുപ്പ് കമ്മീഷൻ ഏകീകൃത സംവിധാനം സജ്ജമാക്കിയിട്ടുണ്ട്. കമ്മീഷന്‍റെ വെബ്സൈറ്റിലും വോട്ടര്‍ഹെല്‍പ് ലൈന്‍ആപ്പിലും തത്സമയം ഫലം അറിയാൻ സാധിക്കും.

വരവൂർ പഞ്ചായത്തിലെ വോട്ടെണ്ണൽ ആകും ആദ്യം നടക്കുക. ദേശമംഗലം, ചെറുതുരുത്തി പഞ്ചായത്തുകൾ പിന്നീടെണ്ണും. എൽഡിഎഫിന് വ്യക്തമായ മേൽക്കൈയുള്ള പഞ്ചായത്തുകളാണ് ഇവിടം. കുറഞ്ഞത് 2500 വോട്ടിൻ്റെ ഭൂരിപക്ഷത്തിൽ രമ്യ ഹരിദാസ് വിജയിക്കുമെന്നാണ് യുഡിഎഫിൻ്റെ അവകാശവാദം.

വോട്ടെണ്ണലുമായി ബന്ധപ്പെട്ട് മണ്ഡലത്തിൽ ഇന്ന് കളക്ടർ ഡ്രൈ ഡേ പ്രഖ്യാപിച്ചിരിക്കുകയാണ്. കൂടാതെ ചെറുതുരുത്തി ഗവ. ഹയർ സെക്കൻഡറി സ്‌കൂളിന് ഇന്ന് അവധിയും നൽകി.

വോട്ടെണ്ണൽ പ്രക്രിയ വിജയകരമായി പൂർത്തിയാക്കുന്നതിന് പൊതുസമൂഹത്തിന്റെ എല്ലാവിധ സഹകരണവും ഉണ്ടാകണമെന്നും അനിഷ്ടസംഭവങ്ങൾ ഒഴിവാക്കണമെന്നും റിട്ടേണിങ് ഓഫീസർ അറിയിച്ചിരുന്നു.