Arjun Rescue Operation Live: അർജുനായുള്ള തിരച്ചിൽ ഇന്ന് എട്ടാം ദിവസം; പ്രതീക്ഷ ഇനി പുഴയിൽ

അർജുനെ കണ്ടെത്താനുള്ള പുഴിയിലെ തിരച്ചിൽ താൽക്കാലികമായി നിർത്തിവെച്ചു. ഷിലൂരിൽ കനത്ത മഴ തുടർന്നാണ് തിരച്ചിൽ പ്രവർത്തനം താൽക്കാലികമായി നിർത്തിവെച്ചത്. തിരച്ചിൽ നടക്കുന്ന ഇടത്തേക്ക് അർജുൻ്റെ ബന്ധം ജിതിനെ മാത്രമാണ് സൈന്യം കടത്തിവിട്ടത്.

അപകട സമയത്ത് ഗംഗാവലിയിലൂടെ തടി ഒഴുകുന്നതിന്റെ ദൃശ്യങ്ങള്‍ പുറത്തുവന്നിട്ടുണ്ട്. തടികള്‍ അര്‍ജുന്റെ ലോറിയിലുണ്ടായിരുന്നതാണെന്നാണ് സംശയം.

കരയിൽ അർജുൻ്റെ ലോറിയുണ്ടെന്നുള്ള പ്രതീക്ഷ മങ്ങിയെന്ന് കുടുംബം. ഇനി പുഴയിൽ നിന്നും അർജുനെ കണ്ടെത്താനാകുമെന്നാണ് കുടുംബം പ്രതീക്ഷിക്കുന്നത്.

കരയിൽ ലോറി കണ്ടെത്താനുള്ള തിരച്ചിൽ സൈന്യം അവസാനിപ്പിച്ചിരിക്കുകയാണ്. കരയിൽ എവിടെയും ലോറിയില്ലെന്ന് നിഗമനത്തിലാണ് സേനാംഗങ്ങൾ

അർജുൻ്റെ ലോറി മണ്ണിനടയിൽ തന്നെയുണ്ടെന്നാണ് നിഗമനം. കരയിലെ തിരച്ചലിൽ നിന്നാണ് സിഗ്നൽ ലഭിച്ചത്

റോഡിലെ റഡാർ പരിശോധനയിൽ ലോറിയുടെ അർജുൻ്റെ ലോറിയുടെ സന്ദേശം ലഭിച്ചു

അർജുനെ കണ്ടെത്താനുള്ള ഇന്നത്തെ തിരച്ചിൽ നിർത്തി. നാളെ ജൂലൈ 20-ാം തീയതി അതിരാവിലെ മുതൽ തിരച്ചിൽ വീണ്ടും ആരംഭിക്കും

അർജുനെ കണ്ടെത്താനുള്ള ശ്രമം രാത്രി ഒമ്പത് മണി വരെ തുടരും. വലിയ ലൈറ്റുകൾ ഉപയോഗിച്ചാണ് ഇപ്പോൾ രക്ഷാപ്രവർത്തനം തുടരുന്നത്

അർജുൻ്റെ ലോറിയിൽ നിന്നും ലഭിച്ച ജിപിഎസ് സിഗ്നൽ ലഭിച്ച ഇടത്ത് മെറ്റൽ ഡിക്ടറ്റർ ഉപോയഗിച്ച് തിരച്ചിൽ ആരംഭിച്ചു. പനവേൽ കൊച്ചി ഹൈവേയിൽ ചായക്കടയ്ക്ക് സമീപമായിരുന്നു അർജുൻ്റെ ലോറി നിർത്തിയിട്ടിരുന്നത്. ചായക്കടയിലെ അഞ്ചംഗ കുടുംബത്തിൻ്റെ മരണം സ്ഥിരീകരിച്ചു.

അർജുനെ കണ്ടെത്തിനായിട്ടുള്ള തിരച്ചിൽ രാത്രിയിലും തുടുരും. മണ്ണിടിഞ്ഞ് വീഴുന്നത് രക്ഷാപ്രവർത്തനം ദുഷ്കരമാക്കുന്നു. കൂടാതെ അതിതീവ്ര മഴയെ തുടർന്ന് പ്രദേശത്ത് റെഡ് അലേർട്ട് പ്രഖ്യാപിച്ചു

പ്രദേശത്ത് നിർമ്മാണ കമ്പനികളുടെ അനാസ്ഥ മൂലമാണ്, മണ്ണിടിച്ചിലുണ്ടായതെന്ന് നാട്ടുകാർ ആരോപിക്കുന്നു, സുരക്ഷാ സംവിധാനമില്ലാതെയായിരുന്നു പ്രദേശത്തെ റോഡുപണിയെന്ന് പ്രദേശവാസികൾ പറയുന്നു

രാവിലെ ഒൻപത് മണിയോടെ ആരംഭിച്ച രക്ഷാ പ്രവർത്തനത്തിന് തടസ്സമാവുന്നത് പ്രതികൂല കാലാവസ്ഥയാണ്

അർജുനെ കണ്ടെത്താൻ കർണ്ണാടക സർക്കാർ ഒന്നും ചെയ്തില്ലെന്നും ശക്തമായ പ്രക്ഷോഭം നടത്തുമെന്ന് ബിജെപി സംസ്ഥാന അധ്യക്ഷൻ കെ.സുരേന്ദ്രൻ ആരോപിച്ചു

ഇന്നലെവരെയും അർജ്ജുൻ്റെ ഫോൺ പ്രവർത്തിച്ചിരുന്നതായി ഭാര്യ പറയുന്നു, ഏസിയുള്ള വാഹനമായതിനാൽ ക്യാബിനിലേക്ക് മണ്ണ് കയറാൻ സാധ്യതയില്ലെന്ന് ഉടമ പറയുന്നു.

കർണാടകയിലെ ഷിരൂരിൽ ദേശീയപാതയിലാണ് അർജുൻ കുടുങ്ങിക്കിടക്കുന്നത്, തടി ലോഡുമായി കർണ്ണാടകത്തിൽ നിന്നും കോഴിക്കോടേക്ക് വരുന്ന വഴിയാണ് വാഹനം മണ്ണിടിച്ചിലിൽപ്പെടുന്നത്

മണ്ണിടിച്ചിലിൽ ലോറി അകപ്പെട്ടിട്ട് നാല് ദിവസം