TVK Party: ‘ദളപതി രാഷ്ട്രീയത്തിന്’ ഇന്ന് ഒന്നാം പിറന്നാൾ; പതാക ഉയര്‍ത്തി വിജയ്
Vijay TVK Party Celebrates 1st Anniversary: 1967ലെ ഡിഎംകെയുടെ ആദ്യ വിജയവും, എംജിആർ 1977ൽ അധികാരത്തിൽ വന്നതിനെ കുറിച്ചും വിജയ് എക്‌സിൽ പങ്കുവെച്ച കുറിപ്പിൽ പരാമർശിച്ചു. 2026ൽ അതിന് സമാനമായ മുന്നേറ്റം കാഴ്ചവെക്കുമെന്നും അദ്ദേഹം പറഞ്ഞു.
വിജയ് തമിഴക വെട്രി കഴകവുമായി (ടിവികെ) രാഷ്ട്രീയത്തിൽ പ്രവേശിച്ചിട്ട് ഇന്നേക്ക് ഒരു വർഷം. ഒന്നാം വാർഷികം പ്രമാണിച്ച് പനയൂരിലെ പാർട്ടി ആസ്ഥാനത്ത് എത്തി വിജയ് പതാക ഉയർത്തി. തമിഴ്നാട് രാഷ്ട്രീയത്തിലെ പ്രധാന വഴിത്തിരിവായ ദ്രാവിഡ പാർട്ടികളുടെ ചരിത്ര വിജയം ടിവികെ ആവർത്തിക്കും എന്ന് വിജയ് പറഞ്ഞു. കൂടാതെ, ടിവികെ പാർട്ടിയുടെ വഴികാട്ടികളായ അഞ്ച് പേരുടെ പ്രതിമ അനാച്ഛാദനം ചെയ്തു. പെരിയാർ, കാമരാജ്, അംബേദ്‌കർ, വേലു നാച്ചിയാർ, അഞ്ജലൈ അമ്മാൾ എന്നിവരുടെ പ്രതിമകളാണ് വിജയ് അനാച്ഛാദനം ചെയ്തത്.
പാർട്ടിയെ ശക്തിപ്പെടുത്തുന്നതിനുള്ള പ്രവർത്തനങ്ങൾ നടക്കുന്നതായും 2026ലെ തിരഞ്ഞെടുപ്പാണ് ലക്ഷ്യമെന്നും പാർട്ടി കേഡർമാർ ജനക്ഷേമ പ്രവർത്തനങ്ങളിൽ പങ്കാളികളാവണമെന്നും പാർട്ടി പ്രവർത്തകരെയും നേതാക്കളെയും അഭിസംബോധന ചെയ്തു കൊണ്ട് വിജയ് പറഞ്ഞു. ജനശക്തിയുമായി കൈകോർത്തു കൊണ്ട് വരാനിരിക്കുന്ന തിരഞ്ഞെടുപ്പുകളിൽ നമ്മുടെ ശക്തി തെളിയിക്കണമെന്നും, തമിഴ്‌നാട്ടിൽ ജനാധിപത്യപരമായ അധികാരം കൊണ്ടുവരാൻ ഇന്ന് മുതൽ പ്രയത്‌നിക്കണം എന്നും വിജയ് കൂട്ടിച്ചേർത്തു.
വാർഷിക ദിനത്തിൽ വിജയ് എക്‌സിലൂടെ ഒരു കുറിപ്പും പങ്കുവെച്ചു. ടിവികെ ഒരു വ്യക്തിക്കും എതിരല്ലെന്നും, ജനാധിപത്യമാണ് വ്യക്തികളേക്കാൾ വലുതെന്നും അദ്ദേഹം പറഞ്ഞു. 1967ലെ ഡിഎംകെയുടെ ആദ്യ വിജയവും, എംജിആർ 1977ൽ അധികാരത്തിൽ വന്നതിനെ കുറിച്ചും കുറിപ്പിൽ പരാമർശിച്ചു. 2026ൽ അതിന് സമാനമായ മുന്നേറ്റം കാഴ്ചവെക്കുമെന്നും അദ്ദേഹം പറഞ്ഞു.
ALSO READ: ആദിവാസി വകുപ്പിന്റെ തലപ്പത്ത് ഉന്നതകുലജാതര്‍ വരണം: സുരേഷ് ഗോപി
വിജയ് എക്‌സിൽ പങ്കുവെച്ച പോസ്റ്റ്:
நமது தமிழக வெற்றிக் கழகத்தின் இரண்டாம் ஆண்டுத் தொடக்க விழாவையொட்டி, சென்னை பனையூரில் உள்ள தலைமை நிலையச் செயலகத்தில் இன்று கழகக் கொடியை ஏற்றி வைத்தேன்.
மேலும், கழகத்தின் கொள்கை முழக்கங்கள் மற்றும் வாகை மலர் ஆகியவற்றுடன் நம் தலைமை நிலையச் செயலகத்தில் நிறுவப்பட்டுள்ள ஐம்பெரும்… pic.twitter.com/HkZTT5n2DU
— TVK Vijay (@tvkvijayhq) February 2, 2025
#TVKFirstAnniversary pic.twitter.com/inthcHOOuN
— TVK Vijay (@tvkvijayhq) February 2, 2025
അതേസമയം, കഴിഞ്ഞ വർഷം വിക്രവാണ്ടിയിൽ വെച്ച് നടന്ന പാർട്ടിയുടെ ആദ്യ സംസ്ഥാന സമ്മേളനത്തിന് ശേഷം വിജയ് എത്തിയ ജനകീയ വേദി പരന്തൂരിലേതാണ്. അത് ഇക്കഴിഞ്ഞ ജനുവരിയിൽ ആണ് നടന്നത്. ഇതുവരെ മാധ്യമങ്ങളോടും വിജയ് സംസാരിച്ചിട്ടില്ല എന്നതും ശ്രദ്ദേയമാണ്. വർക് ഫ്രം ഹോം നേതാവ് എന്ന പേരിൽ ധാരാളം വിമർശനങ്ങൾ വിജയ് നേരിടുന്നുണ്ട്. 2026 നിയമസഭാ തിരഞ്ഞെടുപ്പിൽ തമിഴക വെട്രി കഴകം 8 മുതൽ 12 ശതമാനം വരെ വോട്ടുകൾ നേടുമെന്നാണ് പുറത്തുവരുന്ന റിപോർട്ടുകൾ.
