UP Hospital Fire Accident: യുപിയിൽ ആശുപത്രിയിൽ വൻതീപിടുത്തം; 10 നവജാത ശിശുക്കൾക്ക് ദാരുണാന്ത്യം, 16 കുഞ്ഞുങ്ങളുടെ നില ഗുരുതരം
UP Jhansi Hospital Fire Accident: നവജാത ശിശുക്കളുടെ തീവ്ര പരിചരണ വിഭാഗത്തിലാണ് തീപിടിത്തമുണ്ടായത്. അപകടമുണ്ടാകുമ്പോൾ തീവ്ര പരിചരണ വിഭാഗത്തിൽ അൻപതോളം കുഞ്ഞുങ്ങളാണ് ഉണ്ടായിരുന്നത്. ഷോർട്ട് സർക്യൂട്ടാണ് അപകടകാരണമെന്നാണ് പ്രാഥമിക നിഗമനം. ഇന്നലെ രാത്രി പത്തരയ്ക്കായിരുന്നു അപകടം നടന്നത്.
ലഖ്നൗ: ഉത്തർപ്രദേശിലെ ത്സാൻസിയിൽ മഹാറാണി ലക്ഷ്മി ബായ് മെഡിക്കൽ കോളേജ് ആശുപത്രിയിൽ വൻ തീപിടിത്തം. സംഭവത്തിൽ 10 നവജാത ശിശുക്കൾ മരിച്ചു. 16 കുഞ്ഞുങ്ങളുടെ നില ഗുരുതരമാണെന്നാണ് വിവരം. നവജാത ശിശുക്കളുടെ തീവ്ര പരിചരണ വിഭാഗത്തിലാണ് തീപിടിത്തമുണ്ടായത്. അപകടമുണ്ടാകുമ്പോൾ തീവ്ര പരിചരണ വിഭാഗത്തിൽ അൻപതോളം കുഞ്ഞുങ്ങളാണ് ഉണ്ടായിരുന്നത്. ഷോർട്ട് സർക്യൂട്ടാണ് അപകടകാരണമെന്നാണ് പ്രാഥമിക നിഗമനം.
ഇന്നലെ രാത്രി പത്തരയ്ക്കായിരുന്നു അപകടം നടന്നത്. സംഭവം അങ്ങേയറ്റം ദുഃഖകരവും ഹൃദയഭേദകവുമാണെന്ന് ഉത്തർപ്രദേശ് മുഖ്യമന്ത്രി യോഗി ആദിത്യനാഥ് എക്സിലൂടെ പറഞ്ഞു. രക്ഷാപ്രവർത്തനം വേഗത്തിലാക്കാൻ ജില്ലാ ഭരണകൂടത്തിനും ബന്ധപ്പെട്ട ഉദ്യോഗസ്ഥർക്കും നിർദ്ദേശം നൽകിയതായും അദ്ദേഹം അറിയിച്ചു.
VIDEO | Visuals from inside the NICU (neonatal intensive care unit) of Jhansi Medical College where a fire broke out on Friday night. #Jhansifire
(Source: Third Party)
(Full video available on PTI Videos – https://t.co/n147TvrpG7) pic.twitter.com/8sr2fg6m9M
— Press Trust of India (@PTI_News) November 15, 2024
സംഭവത്തിൽ ഉന്നതതല അന്വേഷണത്തിന് ആദിത്യനാഥ് ഉത്തരവിട്ടു. ആരോഗ്യ വകുപ്പും സംഭവത്തിൽ പ്രത്യേകം അന്വേഷണം നടത്തും. അഗ്നിശമനസേനാ ഉദ്യോഗസ്ഥർ സംഭവസ്ഥലത്ത് എത്തുന്നതിന് മുമ്പ് തന്നെ ജനാലകൾ തകർത്ത് ഡോക്ടർമാരും മെഡിക്കൽ ജീവനക്കാരും രോഗികളെ ഒഴിപ്പിച്ചിരുന്നു. മരണസംഖ്യ ഇനിയും ഉയരാൻ സാധ്യതയുണ്ടെന്ന് റിപ്പോർട്ട്.
Rohit Sharma : ജൂനിയർ ഹിറ്റ്മാന് ജന്മം നൽകി റിതിക; രോഹിത് ശർമ്മ ആദ്യ ടെസ്റ്റിൽ കളിച്ചേക്കുമെന്ന് സൂചന
Whatsapp Malware: ഈ വിവാഹ ക്ഷണക്കത്ത് വാട്‌സ്ആപ്പിൽ വന്നാൽ ക്ലിക്ക് ചെയ്യല്ലേ; മുന്നറിയിപ്പ്
Kerla Lottery Result : 80 ലക്ഷത്തിൻ്റെ ഭാഗ്യം നിങ്ങളെത്തേടിയെത്തുമോ?; കാരുണ്യ ലോട്ടറി നറുക്കെടുപ്പ് ഇന്ന്
