PM Modi Swearing-in Ceremony Live : സഹമന്ത്രിമാരായി സുരേഷ് ഗോപിയും ജോർജ് കുര്യനും; മൂന്നാം മോദി സർക്കാർ അധികാരമേറ്റൂ

മൂന്നാം എൻഡിഎൻ സർക്കാരിൻ്റെ മന്ത്രിസഭയിൽ സഹമന്ത്രിയായി ജോർജ് കുര്യാൻ സത്യപ്രതിജ്ഞ ചെയ്യുന്നു

മൂന്നാം എൻഡിഎ സർക്കാരിൻ്റെ മന്ത്രിസഭയിലേക്കുള്ള അംഗങ്ങളുടെ സത്യപ്രതിജ്ഞ പൂർത്തിയായി. വകുപ്പുകൾ ഉടൻ അറിയാം

മൂന്നാം മോദി സർക്കാരിൻ്റെ മന്ത്രിസഭയിലെ രണ്ടാമത്തെ മലയാളി സാന്നിധ്യമായി ജോർജ് കുര്യൻ സത്യപ്രതിജ്ഞ ചെയ്തു. ബിജെപി സംസ്ഥാന ജനറൽ സെക്രട്ടറിയാണ് ജോർജ് കുര്യൻ. മോദി മന്ത്രിസഭയിലെ ക്രിസ്ത്യൻ പ്രതിനിധിയാണ് ജോർജ് കുര്യൻ

മൂന്നാം നരേന്ദ്ര മോദി സർക്കാരിൻ്റെ മന്ത്രിസഭയിലെ രണ്ടാമത്തെ മലയാളി ജോർജ് കുര്യൻ ഉടൻ സത്യപ്രതിജ്ഞ ചെയ്യും. കേരളത്തിന് ലഭിച്ചിരിക്കുന്നത് രണ്ടും സഹമന്ത്രി സ്ഥാനമാണ്

മൂന്നാം മോദി സർക്കാരിൻ്റെ മന്ത്രിസഭയിൽ സുരേഷ് ഗോപി സത്യപ്രതിജ്ഞ ചെയ്യുന്നു

മൂന്നാം മോദി സർക്കാരിൻ്റെ 54-ാമനായി സുരേഷ് ഗോപി സത്യപ്രതിജ്ഞ ചെയ്തു. സഹമന്ത്രിയായിട്ടാണ് സുരേഷ് ഗോപി മൂന്നാം എൻഡിഎ സർക്കാരിൻ്റെ മന്ത്രിസഭയിൽ അംഗമായി എത്തുന്നത്

മൂന്നാം മോദി സർക്കാരിൻ്റെ സ്വതന്ത്ര ചുമതലയുള്ള സഹമന്ത്രിമാരുടെ പട്ടികയിലും സുരേഷ് ഗോപി ഇല്ല. സ്വതന്ത്ര ചുമതലയുള്ള സഹമന്ത്രിമാരുടെ സത്യപ്രതിജ്ഞ പൂർത്തിയായി

മൂന്നാം നരേന്ദ്ര മോദി സർക്കാരിൻ്റെ ക്യാബിനെറ്റ് പദവി ലഭിച്ച മന്ത്രിമാരുടെ പട്ടികയിൽ സുരേഷ് ഗോപിയില്ല. ക്യാബിനെറ്റ് പദവി ലഭിച്ച മന്ത്രിമാരുടെ സത്യപ്രതിജ്ഞ പൂർത്തിയായി. സ്വതന്ത്ര ചുമതലയുള്ള സഹമന്ത്രിമാരുടെ സത്യപ്രതിജ്ഞ പുരോഗമിക്കുകയാണ് ഇപ്പോൾ

മൂന്നാം എൻഡിഎ സർക്കാരിൻ്റെ സ്ഥാനാരോഹണ ചടങ്ങിൽ പ്രധാനമന്ത്രി നരേന്ദ്ര മോദിക്ക് പിന്നാലെ രാജ്നാഥ് സിങ് സത്യപ്രതിജ്ഞ ചൊല്ലി. രണ്ടാം നരേന്ദ്ര മോദി സർക്കാരിൽ പ്രതിരോധ മന്ത്രിയായിരുന്നു

മൂന്നാം മോദി സർക്കാരിൻ്റെ മന്ത്രിസഭയിലേക്ക് എന്ന് സത്യപ്രതിജ്ഞ ചെയ്യുന്നവരുടെ പട്ടിക. 72 മന്ത്രിമാരുടെ മന്ത്രിസഭയാണ് മൂന്നാം എൻഡിഎ സർക്കാകരിനുള്ളത്. 30 മന്ത്രിമാരുടെ ക്യാബിനെറ്റാണുള്ളത്

കേരളം

സുരേഷ് ഗോപി, ജോർജ് കുര്യൻ (എല്ലാവരും ബിജെപി അംഗങ്ങൾ)

ഗുജറാത്ത്

അമിത് ഷാ, എസ് ജയ്ശങ്കർ, സി ആർ പാട്ടിൽ, നിമുബെൻ ബംഭാനിയ (എല്ലാവരും ബിജെപി അംഗങ്ങൾ)

ഒഡീഷ

അശ്വനി വൈഷ്ണവ്, ധർമേന്ദ്ര പ്രധാന, ജുൽ ഒറാം (എല്ലാവരും ബിജെപി അംഗങ്ങൾ)

കർണാടക

നിർമല സീതാരാമൻ (ബിജെപി), എച്ച്ഡി കുമാരസ്വാമി (ജെഡിഎസ്), പ്രഹ്ലാദ് ജോഷി (ബിജെപി), ശോഭാ കരൺഡൽജെ (ബിജെപി), വി സോമണ്ണ (ബിജെപി)

മഹരാഷ്ട്ര

പിയുഷ് ഗോയൽ (ബിജെപി), നിതിൻ ഗഡ്കരി (ബിജെപി), രക്ഷ ഖഡ്സെ (ബിജെപി), പ്രതാപ് റാവു ജാദവ് (ശിവസേന), റാം ദാസ് അത്താവാലെ (ആർപിഐ)

ഗോവ

ശ്രീപദ് നായിക് (ബിജെപി)

ജമ്മു കശ്മീർ

ജിതേന്ദ്ര സിങ് (ബിജെപി)

ഹിമാചൽ പ്രദേശ്

ജെപി നദ്ദാ (ബിജെപി)

മധ്യപ്രദേശ്

ശിവരാജ് സിങ് ചൌഹാൻ, ജ്യോതിരാദിത്യ സിന്ധ്യ, സാവിത്രി താക്കൂർ, വിരേന്ദ്ര കുമാർ (എല്ലാവരും ബിജെപി അംഗങ്ങൾ)

ഉത്തർ പ്രദേശ്

ഹർദീപ് സിങ് പുരി, രാജ്നാഥ് സിങ്, ജിതിൻ പ്രസാദ, പങ്കജ് ചൌധരി, ബിഎൽ വെർമ, കമലേഷ് പസ്വാൻ, എസ് സിങ് ബാഗേൽ (എല്ലാവരും ബിജെപി അംഗങ്ങൾ) ജയന്ത് ചൌധരി (ആർഎൽഡി), അനുപ്രിയ പട്ടേൽ (അപ്ന ധൾ)

ബിഹാർ

ഗിരിരാജ് സിങ്, നിത്യാനന്ദ് റായി, സതീഷ് ദൂബെ, ചിരാഗ് പസ്വാൻ (എൽജെപി), ജിതൻ റാം മഞ്ചി (ഹിന്ദുസ്ഥാൻ അവാം മോർച്ച), റാം നാഥ് താക്കൂർ, ലലൻ സിങ് (ഇരുവരും ജെഡിയു നേതാക്കൾ), രാജ് ഭൂഷൻ ചൌധരി (വിഐപി)

അരുണാചൽ പ്രദേശ്

കിരൺ റിജിജു (ബിജെപി)

രാജസ്ഥാൻ

ഗജേന്ദ്ര സിങ് ഷെഖാവത്ത്, അർജുൻ റാം മേഘ്വാൽ, ഭുപേന്ദെർ യാദവ്, ഭഗിരത് ചൌധരി (എല്ലാവരും ബിജെപി അംഗങ്ങൾ)

ഹരിയാന

മനോഹർലാൽ ഖട്ടർ, റാവും ഇന്ദർജിത് സിങ് (എല്ലാവരും ബിജെപി അംഗങ്ങൾ)

തെലങ്കാന

ജി കിഷൻ റെഡ്ഡി, ബണ്ഡി സഞ്ജയ് (എല്ലാവരും ബിജെപി അംഗങ്ങൾ)

തമിഴ് നാട്

എൽ മുരുകൻ (ബിജെപി)

ജാർഖണ്ഡ്

ചന്ദ്രശേഖർ ചൌധരി (എ ജെ എസ് യു), അന്നപ്പൂർണ ദേവി (ബിജെപി)

ആന്ധ്ര പ്രദേശ്

ചന്ദ്രശേഖർ പെമ്മസാനി (ടിഡിപി), രാജ് മോഹൻ നായിഡു കിനജാർപ്പു (ടിഡിപി), ശ്രീനിവാസ വർമ്മ (ബിജെപി)

പശ്ചിമ ബംഗാൾ

ശാന്തനു താക്കൂർ, ശുകാന്ത മജുംദാർ (എല്ലാവരും ബിജെപി അംഗങ്ങൾ)

പഞ്ചാബ്

രവ്നീത് സിങ് ബിട്ടു (ബിജെപി)

അസം

ശർമാനന്ദ സോനോവാൾ, പബിത്ര മാർഗെറിറ്റ (എല്ലാവരും ബിജെപി അംഗങ്ങൾ)

ഉത്തരഖണ്ഡ്

അജയ് തമത് (ബിജെപി)

ഡൽഹി

ഹർഷ മൽഹോത്ര (ബിജെപി)

മൂന്ന് എൻഡിഎ സർക്കാരിൻ്റെ പ്രധാനമന്ത്രി നരേന്ദ്ര മോദി സത്യപ്രതിജ്ഞ ചൊല്ലി. രാഷ്ട്രപതി ദ്രൗപതി മർമൂ സത്യവാചകം ചൊല്ലികൊടുത്തൂ

സത്യപ്രതിജ്ഞ ചടങ്ങിനായി രാഷ്ട്രപതി ദ്രൗപതി മർമൂ വേദിയിലെത്തി. തുടർന്ന് ദേശീയ ഗാനത്തിന് തുടക്കമായി

മൂന്നാം എൻഡിഎ സർക്കാരിൻ്റെ സത്യപ്രതിജ്ഞയ്ക്കായി ഉപരാഷ്ട്രപതി ജയ്ദീപ് ധാൻകർ രാഷ്ട്രപതി ഭവനിൽ വേദിയിലെത്തി

സത്യപ്രതിജ്ഞയ്ക്കായി നരേന്ദ്ര മോദി രാഷ്ട്രപതി ഭവനിലെ വേദിയിൽ എത്തി. അരികിലായി രാജ്നാഥ് സിങ്ങും, അമിത് ഷായും. സത്യപ്രതിജ്ഞ അൽപ്പസമയത്തിനകം

നാലരപ്പതിറ്റാണ്ട് നീണ്ട പാർട്ടി ജീവിതം; ഒടുവിൽ ജോർജ് കുര്യൻ കേന്ദ്രമന്ത്രി സ്ഥാനത്തേയ്ക്ക്. അറിയാം കേരളത്തിൽ നിന്നുള്ള രണ്ടാമത്തെ കേന്ദ്രമന്ത്രി ജോർജ് കുര്യനെ കുറിച്ച്

മൂന്നാം എൻഡിഎ സർക്കാരിൻ്റെ സത്യപ്രതിജ്ഞ ചടങ്ങിന് രാഷ്ട്രപതി ഭവനിൽ തുടക്കം. 7.15 മോദി മൂന്നാം തവണയും രാജ്യത്തിൻ്റെ പ്രധാനമന്ത്രിയും സത്യപ്രതിജ്ഞ ചെയ്ത് അധികാരമേൽക്കും

തനിക്കൊന്നും അറിയില്ല, കുറച്ച് സമയം അനുവദിക്കൂ ഡൽഹിയിൽ എത്തിയ സുരേഷ് ഗോപി മാധ്യമങ്ങളോടായി പറഞ്ഞു. കുടുംബസമ്മേതമാണ് സുരേഷ് ഗോപി ഡൽഹിയിലെത്തിച്ചേർന്നിരിക്കുന്നത്. അതേസമയം മോദി പറഞ്ഞു താൻ അനുസരിക്കുന്നുയെന്ന് മാധ്യമങ്ങളോട് പറഞ്ഞുകൊണ്ടാണ് സുരേഷ് ഗോപി തിരുവനന്തപുരത്തെത്ത് നിന്നും തിരിച്ചത്

സിനിമകളിലെ കോരി തരിപ്പിക്കുന്ന പ്രകടനങ്ങളിലും നിന്നും കർക്കശക്കാരനായ രാഷ്ട്രീയ നേതാവും ഒടുവിൽ കേന്ദ്രമന്ത്രിയും. അറിയാം ആർക്കും അറിയാത്ത സുരേഷ് ഗോപിയെ കുറിച്ച്

ബിജെപിക്ക് ഒറ്റയ്ക്ക് കേവല ഭൂരിപക്ഷം നേടാനാകാത്തതിനെ തുടർന്ന് എൻഡിഎയിലെ സഖ്യകക്ഷികളായ ചാന്ദ്രബാബു നായിഡുവിൻ്റെ തെലുങ്ക് ദേശം പാർട്ടിയും നിതീഷ് കുമാറിൻ്റെ ജെഡിയുവും ചേർന്നാണ് സർക്കാർ രൂപീകരിക്കുന്നത്. റിപ്പോർട്ടുകൾ പ്രകാരം ബിജെപി തന്നെയാണ് മന്ത്രിസഭയിലെ പ്രധാന വകുപ്പുകൾ കൈകാര്യം ചെയ്യുന്നത്. ആരൊക്കെയാണ് മൂന്നാം മോദി സർക്കാരിൻ്റെ മന്ത്രിസഭയിലുള്ളത്, അറിയാൻ ലിങ്കിൽ ക്ലിക്ക് ചെയ്യൂ

മൂന്നാം എൻഡിഎ സർക്കാരിൽ കേരളത്തിൽ നിന്നും രണ്ട് കേന്ദ്രമന്ത്രിമാർ. കേരളത്തിൽ നിന്നുമുള്ള ഏക നിയുക്ത എംപിയായ സുരേഷ് ഗോപിക്ക് ക്യാബിനെറ്റ് പദവി ലഭിക്കും. ബിജെപി സംസ്ഥാന ജനറൽ സെക്രട്ടറി ജോർജ് കുര്യൻ കേന്ദ്ര സഹമന്ത്രിയാകും. സ്വതന്ത്ര ചുമതലയുള്ള സഹമന്ത്രി സ്ഥാനമാകും ജോർജ് കുര്യന് നൽകുക.