Malayalam News India > Additional Bedsheet For Blanket Cover and Wash In Every 15 Days says Indian Railways Amid Concerns over hygiene

Railway Bedsheet: ധൈര്യമായി പുതച്ചോളൂ!! റെയിൽവേ ഇനി ബെഡ്ഷീറ്റ് മാസത്തിൽ രണ്ട് തവണ കഴുകും

Neethu Vijayan

Published:

02 Dec 2024 12:22 PM

Railway Bedsheet Controversy: 2010-ന് മുമ്പ് വരെ 2-3 മാസത്തിലൊരിക്കൽ മാത്രമാണ് പുതപ്പുകൾ കഴുകിയിരുന്നത്. പിന്നീട് അത് മാസത്തിൽ ഒരിക്കൽ എന്നരീതിയിലേക്ക് മാറ്റി. ഇന്ത്യൻ റെയിൽവേ രാജ്യത്തുടനീളമുള്ള യാത്രക്കാർക്ക് പ്രതിദിനം ആറ് ലക്ഷത്തിലധികം പുതപ്പുകൾ നൽകുന്നു.

ട്രെയിനുകളിൽ യാത്രക്കാർക്ക് നൽക്കുന്ന പുതപ്പുകളുടെ ഗുണനിലവാരവും ശുചിത്വവും സംബന്ധിച്ച് നിരവധി ആശങ്കകളും ചർച്ചകളും അടുത്തിടെ ഉയർന്നുവന്നിരുന്നു. ദീർഘദൂര യാത്രകൾക്കായി സ്ലീപ്പർ ക്ലാസും എസി കോച്ചും ബുക്ക് ചെയ്ത് യാത്ര ചെയ്യുന്നവരായിരിക്കും നമ്മൾ. എസി കോച്ചിൽ യാത്ര ചെയ്യുമ്പോൾ തലയിണയും പുതപ്പുമടക്കം റെയിൽവേ യാത്രക്കാർക്ക് നൽകാറുമുണ്ട്. (Image Credits: Social Media)

2 / 5

എന്നാൽ അടുത്തിടെ റെയിൽവേ ജീവനക്കാർ തന്നെ നടത്തിയ വെളിപ്പെടുത്തലിനൊടുവിലാണ് ചർച്ചകൾക്ക് വഴിവച്ചത്. പുതപ്പുകൾ മാസത്തിലൊരിക്കൽ മാത്രമേ കഴുകാറുള്ളു എന്നായിരുന്നു ജീവനക്കാരുടെ വെളിപ്പെടുത്തൽ. ഇത് വലിയതോതിൽ വിവാദങ്ങൾക്ക് വഴിവച്ചു. എന്നാൽ ഒടുവിൽ പുതിയ തീരുമാനവുമായി എത്തിയിരിക്കുകയാണ് റെയിൽവേ. (Image Credits: Social Media)

3 / 5

യാത്രക്കാർക്ക് നൽകുന്ന പുതപ്പുകൾ ഇനി മുതൽ ഓരോ 15 ദിവസം കൂടുമ്പോഴും കഴുകുമെന്നാണ് റെയിൽവേ മന്ത്രാലം അറിയിച്ചിരിക്കുന്നത്. രണ്ടാഴ്ച കൂടുമ്പോൾ ചൂടുള്ള നാഫ്തലീൻ ആവിയിൽ അവ അണുവിമുക്തമാക്കും. ജമ്മു, ദിബ്രുഗഡ് രാജധാനി ട്രെയിനുകളിലെ എല്ലാ പുതപ്പുകളും അൾട്രാവയലറ്റ് ലൈറ്റ് ഉപയോഗിച്ച് അണുക്കളെ കൊല്ലുന്ന യുവി റോബോട്ടിക് സാനിറ്റൈസേഷൻ എല്ലാ യാത്രയ്ക്ക് ശേഷവും നടത്തുമെന്ന് റെയിൽവേ അറിയിച്ചു. (Image Credits: Social Media)

4 / 5

നാഫ്തലീൻ ആവിയിൽ പുതപ്പുകൾ അണുവിമുക്തമാക്കുന്നത് സമയം എടുക്കുന്ന പക്രിയയാണ്. എങ്കിലും ഏറ്റവും ഫലപ്രദമായ രീതിയാണിത്. ഓരോ ഉപയോഗത്തിനു ശേഷവും കോട്ടൺ തുണിത്തരങ്ങൾ യന്ത്രവൽകൃത അലക്കുശാലകളിൽ കൊടുത്ത് കഴുകുമെന്നും റെയിൽവേ വ്യക്തമാക്കി. 2010-ന് മുമ്പ് വരെ 2-3 മാസത്തിലൊരിക്കൽ മാത്രമാണ് പുതപ്പുകൾ കഴുകിയിരുന്നത്. (Image Credits: Social Media)

5 / 5

പിന്നീട് അത് മാസത്തിൽ ഒരിക്കൽ എന്നരീതിയിലേക്ക് മാറ്റി. ഇപ്പോൾ ഇത് 15 ദിവസമായി മാറ്റിയിട്ടുണ്ട്. ഇന്ത്യൻ റെയിൽവേ രാജ്യത്തുടനീളമുള്ള യാത്രക്കാർക്ക് പ്രതിദിനം ആറ് ലക്ഷത്തിലധികം പുതപ്പുകൾ നൽകുന്നു. വടക്കൻ റെയിൽവേ സോണിൽ പ്രതിദിനം ഒരു ലക്ഷത്തിലധികം പുതപ്പുകളും ബെഡ് റോളുകളും വിതരണം ചെയ്യുന്നുണ്ടെന്നാണ് കണക്കുകൾ. (Image Credits: Social Media)