Pushpa 2: The Rule: പുഷ്പയുടെയും ശ്രീവല്ലിയുടെയും പ്രണയനിമിഷങ്ങള് വീണ്ടും; പുഷ്പ 2-വിലെ പുതിയ ഗാനം ‘കണ്ടാലോ’
കണ്ടാലോ എന്ന ഗാനത്തിന് നിരവധി പേരാണ് മികച്ച അഭിപ്രായം അറിയിച്ചത്, ചിത്രത്തിനായി ആരാധാകരെല്ലാവരും കാത്തിരിക്കുകയാണ്
![Pushpa 2: The Rule: പുഷ്പയുടെയും ശ്രീവല്ലിയുടെയും പ്രണയനിമിഷങ്ങള് വീണ്ടും; പുഷ്പ 2-വിലെ പുതിയ ഗാനം ‘കണ്ടാലോ’ Pushpa 2: The Rule: പുഷ്പയുടെയും ശ്രീവല്ലിയുടെയും പ്രണയനിമിഷങ്ങള് വീണ്ടും; പുഷ്പ 2-വിലെ പുതിയ ഗാനം ‘കണ്ടാലോ’](https://images.malayalamtv9.com/uploads/2024/05/Pushpa-2-The-Rule-Song-OUT.jpg?w=1280)
പ്രേക്ഷകർ കാത്തിരിക്കുന്ന അല്ലു അർജുൻ ചിത്രം പുഷ്പ 2-വിലെ പുതിയ ഗാനം പുറത്തിറങ്ങി. പുഷ്പയും ശ്രീവല്ലിയും തമ്മിലുള്ള പ്രണയനിമിഷങ്ങളുമായെത്തിയിരിക്കുന്ന കണ്ടാലോ എന്ന ഗാനത്തിന് നിരവധി പേരാണ് മികച്ച അഭിപ്രായം അറിയിച്ചത്. അല്ലു അര്ജുനെ നായകനാക്കി സുകുമാര് സംവിധാനം ചെയ്യുന്ന ചിത്രം ഈ വര്ഷം ഓഗസ്റ്റ് 15-നു സ്വാതന്ത്ര്യദിനത്തോടനുബന്ധിച്ചാണ് തീയറ്ററുകളിലെത്തുക.
നൃത്തസംവിധായകന് ഗണേഷ് ആചാര്യ, സംവിധായകന് സുകുമാർ, തുടങ്ങിയവരെയും പാട്ടിൻറെ മേക്കിങ്ങിൽ കാണാം. സിജു തുറവൂരിന്റെ രചനയില് ദേവിശ്രീ പ്രസാദ് സംഗീതം നല്കി ശ്രേയാ ഘോഷാലാണ് ‘കണ്ടാലോ’ ആലപിച്ചിരിക്കുന്നത്. നേരത്തെ പുറത്തിറങ്ങിയ പുഷ്പ 2-വിലെ ‘പുഷ്പ പുഷ്പ’ എന്ന ഗാനവും ഏറെ ശ്രദ്ധ പിടിച്ചുപറ്റിയിരുന്നു.
മൂന്നു വര്ഷത്തെ ഇടവേളയ്ക്കു ശേഷം പുറത്തിറങ്ങുന്ന അല്ലു അര്ജുൻ ചിത്രം എന്ന നിലയിലും, ഇന്ത്യയൊട്ടുക്ക് തരംഗം സൃഷ്ടിച്ച പുഷ്പയുടെ രണ്ടാം ഭാഗം എന്ന നിലയിലും പ്രേക്ഷകര്ക്ക് പുഷ്പ 2-വിലുള്ള പ്രതീക്ഷ വലുതാണ്. ആദ്യ ഭാഗം സംവിധാനം ചെയ്ത സുകുമാര് തന്നെ സംവിധാനം ചെയ്യുന്ന പുഷ്പ 2 നിര്മ്മിക്കുന്നത് മൈത്രി മൂവി മേക്കേഴ്സും സുകുമാർ റൈറ്റിങ്സും ചേർന്നാണ്.
2021-ലാണ് പുഷ്പയുടെ ആദ്യ ഭാഗം പുറത്തിറങ്ങിയത്. പുഷ്പയിലെ മാസ് ഡയലോഗുകളും ഗാനങ്ങളും ഇന്ത്യ ഉടനീളമുള്ള സിനിമാപ്രേമികള് ആഘോഷമാക്കിയിരുന്നു. മലയാളി നടന് ഫഹദ് ഫാസിലും പുഷ്പയിലൂടെ പാന്-ഇന്ത്യന് തലത്തില് ശ്രദ്ധിക്കപ്പെട്ടിരുന്നു.അല്ലു അര്ജുന് ആ വര്ഷത്തെ മികച്ച നടനുള്ള ദേശീയ അവാര്ഡും നേടിക്കൊടുത്ത ചിത്രം കൂടിയാണ് പുഷ്പ. രണ്ടാം ഭാഗത്തില് എന്തുസംഭവിക്കും എന്ന ആകാംക്ഷയുടെ മുള്മുനയില് പ്രേക്ഷകരെ കൊണ്ടെത്തിച്ചുകൊണ്ടവസാനിക്കുന്ന പുഷ്പയുടെ രണ്ടാം ഭാഗത്തിനായി പ്രേക്ഷകര് ഏറെ പ്രതീക്ഷയോടെ കാത്തിരിക്കുകയാണ്.
അല്ലു അര്ജുന്, രശ്മിക മന്ദന, ഫഹദ് ഫാസില് തുടങ്ങിയവര് പ്രധാനവേഷത്തിലെത്തുന്ന ചിത്രത്തിന്റെ സംഗീതസംവിധാനം നിര്വഹിക്കുന്നത് ദേവി ശ്രീ പ്രസാദാണ്. ഛായാഗ്രാഹകൻ: മിറെസ്ലോ കുബ ബ്രോസെക്, സംഘട്ടനം: പീറ്റര് ഹെയ്ന്, കേച്ച കംഫാക്ഡീ, ഡ്രാഗണ് പ്രകാശ്, നബകാന്ത, പ്രൊഡക്ഷൻ ഡിസൈൻ: എസ് രാമകൃഷ്ണ, എൻ മോണിക്ക, ഗാനരചന: സിജു തുറവൂർ, എഡിറ്റർ: നവിൻ നൂലി
വിഎഫ്എക്സ് സൂപ്പർവൈസർ: കമല കണ്ണൻ, വസ്ത്രാലങ്കാരം: ദീപാലി നൂർ, ശീതൾ ശർമ്മ, നൃത്തസംവിധാനം: പ്രേം രക്ഷിത്, ഗണേഷ് ആചാര്യ, വിജയ് പോലാക്കി, സൃഷ്ടി വർമ, ക്യാരക്ടർ ഡിസൈനർ: പ്രീതി ശീൽ സിംഗ്, സിഎഫ്ഒ: സി.എച്ച്. നാഗഭൂഷണം, എക്സിക്യൂട്ടീവ് പ്രൊഡ്യൂസർ: ബാബാ സായ് കുമാർ മാമിഡിപ്പള്ളി, ചീഫ് എക്സിക്യൂട്ടീവ് പ്രൊഡ്യൂസർ: കെ വി വി ബാല സുബ്രഹ്മണ്യൻ വിഷ്ണു, മിക്സ് എഞ്ചിനീയർ – ബിപിൻ, ഡിഐ & സൗണ്ട് മിക്സിംഗ്: അന്നപൂർണ സ്റ്റുഡിയോസ്, സൗണ്ട് ഡിസൈൻ: റസൂൽ പൂക്കുട്ടി, വിജയ് കുമാർ, പിആര്ഒ: ആതിര ദില്ജിത്ത്, മാർക്കറ്റിംഗ് – ഫസ്റ്റ് ഷോ ഓൺലൈൻ സർവീസസ് പ്രൈവറ്റ് ലിമിറ്റഡ്, പബ്ലിസിറ്റി: മാക്സ് മീഡിയ, ബ്രാൻഡിംഗ്: കെ ആർ സിദ്ധാർത്ഥ്
Latest News
![Kerala Rain Update: ബംഗാൾ ഉൾക്കടലിലെ ന്യൂനമർദ്ദം ശക്തിപ്രാപിക്കും; ഇന്ന് ഈ ജില്ലകളിൽ കനത്ത മഴയ്ക്ക് സാധ്യത Kerala Rain Update: ബംഗാൾ ഉൾക്കടലിലെ ന്യൂനമർദ്ദം ശക്തിപ്രാപിക്കും; ഇന്ന് ഈ ജില്ലകളിൽ കനത്ത മഴയ്ക്ക് സാധ്യത...](https://images.malayalamtv9.com/uploads/2024/09/Rain-update.png?w=400)
Kerala Rain Update: ബംഗാൾ ഉൾക്കടലിലെ ന്യൂനമർദ്ദം ശക്തിപ്രാപിക്കും; ഇന്ന് ഈ ജില്ലകളിൽ കനത്ത മഴയ്ക്ക് സാധ്യത
![Onam 2024: ഓണ സദ്യ കുറുക്ക് കാളൻ, ഒന്നു കഴിച്ചാൽ വീണ്ടും കഴിച്ചോണ്ടിരിക്കും Onam 2024: ഓണ സദ്യ കുറുക്ക് കാളൻ, ഒന്നു കഴിച്ചാൽ വീണ്ടും കഴിച്ചോണ്ടിരിക്കും...](https://images.malayalamtv9.com/uploads/2024/09/Kurukku-kalan.png?w=400)
Onam 2024: ഓണ സദ്യ കുറുക്ക് കാളൻ, ഒന്നു കഴിച്ചാൽ വീണ്ടും കഴിച്ചോണ്ടിരിക്കും
![Onam 2024: ചോതി നാളിൽ പൂക്കളം മുക്കുറ്റിയാൽ നിറയണം; അറിയാം മൂന്നാം നാളിലെ പൂക്കളത്തെ Onam 2024: ചോതി നാളിൽ പൂക്കളം മുക്കുറ്റിയാൽ നിറയണം; അറിയാം മൂന്നാം നാളിലെ പൂക്കളത്തെ...](https://images.malayalamtv9.com/uploads/2024/09/onam.jpg?w=400)
Onam 2024: ചോതി നാളിൽ പൂക്കളം മുക്കുറ്റിയാൽ നിറയണം; അറിയാം മൂന്നാം നാളിലെ പൂക്കളത്തെ
![Onam 2024: വടക്ക് മുതൽ തെക്ക് വരെ; വൈവിധ്യങ്ങളുടെ നിറസമൃദ്ധിയിൽ ഓണസദ്യ Onam 2024: വടക്ക് മുതൽ തെക്ക് വരെ; വൈവിധ്യങ്ങളുടെ നിറസമൃദ്ധിയിൽ ഓണസദ്യ...](https://images.malayalamtv9.com/uploads/2024/09/sadhya.png?w=400)