Pravinkoodu Shappu Movie: പ്രാവിൻകൂട് ഷാപ്പിലെ കൊലപാതകത്തിന് പിന്നിലാര്? ചുരുളഴിയാൻ ഇനി മണിക്കൂറുകൾ
Pravinkoodu Shappu Movie Release: ഷാപ്പിലിരുന്ന് ചീട്ടുകളിക്കുന്ന സൗബിനും തല പുകഞ്ഞ് ആലോചിച്ചിക്കുന്ന പോലീസുകാരനായ ബേസിലും, പ്രാവിൻകൂട് ഷാപ്പിൽ അന്ന് സംഭവിച്ചത് എന്താണ്
Pravinkoodu Shappu Movie
പ്രാവിൻ കൂട് ഷാപ്പിൽ നടന്ന ആ കൊലപാതകത്തിൻ്റെ ചുരുളഴിയാൻ ഇനി മണിക്കൂറുകൾ മാത്രമാണ് ബാക്കി. ചിത്രം ജനുവരി 16-ന് തീയ്യേറ്ററുകളിൽ എത്തും. ഇതിനോടകം തന്നെ ചിത്രത്തിൻ്റെ ട്രെയിലറും പാട്ടുകളും തരംഗമായി മാറിക്കഴിഞ്ഞിട്ടുണ്ട്. കഴിഞ്ഞ വർഷത്തെ സൂപ്പർ ഹിറ്റ് സിനിമയായ ‘പ്രേമലു’വിന്‍റെ ഗാനങ്ങളൊരുക്കിയ വിഷ്ണു വിജയ് ആണ് ചിത്രത്തിൻ്റെ പാട്ടുകൾ ഒരുക്കിയിരിക്കുന്നത്. ചിത്രത്തിന്‍റെ ഓഡിയോ ലോഞ്ച് കഴിഞ്ഞ ദിവസം കോട്ടയത്ത് വെച്ച് നടന്നിരുന്നു. സൗബിൻ ഷാഹിർ, ബേസിൽ ജോസഫ്, ചെമ്പൻ വിനോദ് ജോസ് എന്നിവർ പ്രധാന കഥാപാത്രങ്ങളായി എത്തുന്ന ചിത്രം ഈ വർഷത്തെ മറ്റൊരു ബ്ലോക്ക്ബസ്റ്ററാകുമെന്നാണ് പ്രതീക്ഷ.
ഒരു കള്ള് ഷാപ്പിലുണ്ടാകുന്ന കൊലപാതകവും അതിനെ തുടർന്ന് നടക്കുന്ന അന്വേഷണവുമൊക്കെ ചേർന്നാണ് ചിത്രത്തിൻ്റെ പ്രമേയം. ഷാപ്പിലിരുന്ന് ചീട്ടുകളിക്കുന്ന സൗബിനും തല പുകഞ്ഞ് ആലോചിച്ചിക്കുന്ന പോലീസുകാരനായ ബേസിലിൻ്റെയുമെല്ലാം ഫസ്റ്റ് ലുക്ക് പോസ്റ്ററുകള്‍ അടുത്തിടെ വൈറലായിരുന്നു.അൻവർ റഷീദ് എന്‍റർടെയ്ൻമെന്‍റ്സിന്‍റെ ബാനറിൽ അൻവർ റഷീദ് നിർമ്മിച്ച് നവാഗതനായ ശ്രീരാജ് ശ്രീനിവാസനാണ് ചിത്രം സംവിധാനം ചെയ്യുന്നത്. എറണാകുളത്തും തൃശൂരുമായാണ് പ്രാവിൻകൂട് ഷാപ്പിൻ്റെ ചിത്രീകരണം നടന്നത്. ഡാർക്ക് ഹ്യൂമർ ജോണറിൽ എത്തുന്ന ചിത്രത്തിൽ ചാന്ദ്നി ശ്രീധരൻ, ശിവജിത് പത്മനാഭൻ, ശബരീഷ് വർമ്മ, നിയാസ് ബക്കർ, രേവതി, വിജോ അമരാവതി, രാംകുമാർ, സന്ദീപ്, പ്രതാപൻ കെ.എസ് തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.
ചിത്രത്തിൻ്റെ ഛായാഗ്രാഹണം നിർവ്വഹിക്കുന്നത് ഷൈജു ഖാലിദാണ്. തല്ലുമാല, ഫാലിമി, പ്രേമലു എന്നീ സൂപ്പർ ഹിറ്റ് ചിത്രങ്ങള്‍ക്കുശേഷം വിഷ്ണു വിജയ് സംഗീത സംവിധാനം നിർവ്വഹിക്കുന്നു എന്ന പ്രത്യേകതയും ചിത്രത്തിനുണ്ട്. എ&എ എന്‍റർടെയ്ൻമെന്‍റ്സാണ് ചിത്രം പ്രദര്‍ശനത്തിനെത്തിക്കുന്നത്.
എക്സിക്യൂട്ടീവ് പ്രൊഡ്യൂസര്‍: എ.ആര്‍ അന്‍സാര്‍, കോസ്റ്റ്യൂംസ്: സമീറ സനീഷ്, മേക്കപ്പ്: റോണക്സ്‌ സേവ്യർ, ആക്ഷൻ: കലൈ മാസ്റ്റർ, പ്രൊഡക്ഷന്‍ കണ്‍ട്രോളര്‍: ബിജു തോമസ്‌, എആർഇ മാനേജർ: ബോണി ജോർജ്ജ്, പ്രൊഡക്ഷന്‍ ഡിസൈനർ: ഗോകുല്‍ ദാസ്, ഗാനരചന: മുഹ്‍സിൻ പരാരി, എഡിറ്റര്‍: ഷഫീഖ് മുഹമ്മദ് അലി, ചീഫ് അസോസിയേറ്റ് ഡയറക്ടര്‍: അബ്രു സൈമണ്‍, സൗണ്ട് ഡിസൈനർ: വിഷ്ണു ഗോവിന്ദ്, കളറിസ്റ്റ്: ശ്രീക് വാര്യർ, വിഎഫ്എക്സ്: എഗ്ഗ് വൈറ്റ്, സ്റ്റില്‍സ്: രോഹിത് കെ സുരേഷ്, ഡിസൈന്‍സ്: യെല്ലോടൂത്ത്.