Actor Meghanathan: നടൻ മേഘനാഥൻ അന്തരിച്ചു

Actor Meghanathan: ശ്വാസകോശ സംബന്ധമായ അസുഖത്തെ തുടർന്ന് കോഴിക്കോട് സ്വകാര്യ ആശുപത്രിയിൽ ചികിത്സയിലായിരുന്നു. സംസ്കാരം ഷോർണ്ണൂരിലുള്ള വീട്ടിൽ വച്ച് നടക്കും.

നടൻ മേഘനാഥൻ (image credits: facebook)

Sarika KP | Updated On: 21 Nov 2024 06:23 AM

കോഴിക്കോട്: പ്രമുഖ നടൻ മേഘനാഥൻ അന്തരിച്ചു. അറുപത് വയസായിരുന്നു. ശ്വാസകോശ സംബന്ധമായ അസുഖത്തെ തുടർന്ന് കോഴിക്കോട് സ്വകാര്യ ആശുപത്രിയിൽ ചികിത്സയിലായിരുന്നു. സംസ്കാരം ഷോർണ്ണൂരിലുള്ള വീട്ടിൽ വച്ച് നടക്കും. നടൻ ബാലൻ കെ നായരുടെ മകനാണ്.

നിരവധി സിനിമകളിൽ അഭിനയിച്ച മേഘനാഥൻ 1983 ൽ ഇറങ്ങിയ അസ്ത്രമെന്ന ചിത്രത്തിലൂടെയായിരുന്നു അഭിനയരംഗത്തേക്ക് കടക്കുന്നത്. ചെങ്കോൽ, ഈ പുഴയും കടന്ന്, ഉത്തമൻ തുടങ്ങി 50ഓളം ചിത്രങ്ങളിൽ അഭിനയിച്ചിട്ടുണ്ട്. വില്ലൻ വേഷങ്ങളിലൂടെ ശ്രദ്ധേയനായ താരത്തിന്റെ ചെങ്കോലിലെ കീരിക്കാടൻ സണ്ണി, ഈ പുഴയും കടന്ന് സിനിമയിലെ രഘു തുടങ്ങിയ കഥാപാത്രം ഇന്നും മലയാളികളുടെ മനസ്സിൽ ഉണ്ട്.

Also Read-AR Rahman-Saira Banu Divorce : മഹർ മാത്രമല്ല ജീവനാംശവും റഹ്മാൻ സൈറയ്ക്ക് നൽകണം; നിർണായകമായത് സുപ്രീം കോടതിയുടെ ഈ വിധി

മലയാള സിനിമകൾക്ക് പുറമെ തമിഴ് സിനിമാ ലോകത്തും അദ്ദേഹം തന്റേതായ പ്രകടനം കാഴ്ചവച്ചിട്ടുണ്ട്. ഇതിനു പുറമെ മേഘനാഥൻ സീരിയലുകളിലും പ്രത്യക്ഷപ്പെട്ടിരുന്നു. ഭാര്യ സുസ്മിത, മകൾ പാർവതി.

Follow our channel