Bougainvilla Movie: ബോഗയ്ൻവില്ല…; സർപ്രൈസ് പൊളിച്ച് അമൽ നീരദ്, കുഞ്ചാക്കോ ബോബൻ-ഫഹദ് ഫാസിൽ ചിത്രത്തിൻ്റെ ഫസ്റ്റ്ലുക്ക് പുറത്ത്
Bougainvilla Movie Updates: ഷറഫുദ്ദീൻ, ജ്യോതിർമയി, വീണാ നന്ദകുമാർ, ശ്രിന്ദ എന്നിവരാണ് മറ്റുപ്രധാന വേഷങ്ങളിലെത്തുന്നത്.
അമൽ നീരദ് സംവിധാനം ചെയ്യുന്ന ഏറ്റവും പുതിയ ചിത്രത്തിന്റെ ഫസ്റ്റ്ലുക്ക് പോസ്റ്റർ പുറത്തിറങ്ങി. ഭീഷ്മപർവം എന്ന സൂപ്പർഹിറ്റ് ചിത്രത്തിന് ശേഷം അമൽ നീരദ് സംവിധാനം ചെയ്യുന്ന ചിത്രമാണ് ഇത്. ബോഗയ്ൻവില്ല എന്നാണ് ചിത്രത്തിന്റെ പേര്. കുഞ്ചാക്കോ ബോബനും ഫഹദ് ഫാസിലുമാണ് ചിത്രത്തിലെ നായകന്മാർ.
ഷറഫുദ്ദീൻ, ജ്യോതിർമയി, വീണാ നന്ദകുമാർ, ശ്രിന്ദ എന്നിവരാണ് മറ്റുപ്രധാന വേഷങ്ങളിലെത്തുന്നത്. പ്രശസ്ത യുവ നോവലിസ്റ്റ് ലാജോ ജോസും അമൽ നീരദും ചേർന്നാണ് ബോഗയ്ൻവില്ലയുടെ തിരക്കഥയൊരുക്കിയിരിക്കുന്നത്.
കോഫീ ഹൗസ്, ഹൈഡ്രേഞ്ചിയ, കന്യാമരിയ, ഓറഞ്ചുതോട്ടത്തിലെ അതിഥി, റെസ്റ്റ് ഇൻ പീസ്, റൂത്തിന്റെ ലോകം എന്നീ നോവലുകളിലൂടെ ജനപ്രീതിനേടിയ ലാജോ ജോസ് ആദ്യമായി തിരക്കഥയെഴുതുന്ന സിനിമയെന്ന പ്രത്യേകയും ബോഗയ്ൻവില്ലയ്ക്കുണ്ട്.
ALSO READ: മാസ് ലുക്കിൽ ചാക്കോച്ചനും ഫഹദും…; അമൽ നീരദ് ചിത്രത്തിന്റെ കാരക്റ്റർ പോസ്റ്റർ പുറത്ത്
ഇയ്യോബിന്റെ പുസ്തകം, വരത്തൻ എന്നീ ചിത്രങ്ങൾക്കുശേഷം ഫഹദും അമൽ നീരദും ഒന്നിക്കുന്ന ചിത്രമാണിത്. ഇതാദ്യമായാണ് കുഞ്ചാക്കോ ബോബനും അമൽ നീരദും ഒന്നിക്കുന്നത്. ‘ടേക്ക് ഓഫി’നുശേഷം ഫഹദ് ഫാസിലും കുഞ്ചാക്കോ ബോബനും ഒരുമിച്ച് അഭിനയിക്കുന്ന ചിത്രം കൂടിയാണിത്.
കഴിഞ്ഞ ദിവസം ചിത്രത്തിലെ അഭിനേതാക്കളെ പരിചയപ്പെടുത്തുന്ന കാരക്റ്റർ പോസ്റ്റർ പുറത്തിറക്കിയിരുന്നു. അമൽ നീരദിൻ്റെ ഇൻസ്റ്റാ പേജിലൂടെയാണ് ചിത്രത്തിൻ്റെ ഇതുവരെയുള്ള എല്ലാ വിവരങ്ങളും പുറത്തിറക്കിയിരിക്കുന്നത്.
ബോഗയ്ൻവില്ലയിൽ സുഷിൻ ശ്യാം സംഗീത സംവിധാനവും ആനന്ദ് സി ചന്ദ്രൻ ഛായാഗ്രഹണവും വിവേക് ഹർഷൻ എഡിറ്റിങ്ങും നിർവഹിക്കുന്നു. ചിത്രത്തിന്റേതായി കഴിഞ്ഞ ദിവസം പുറത്തിറങ്ങിയ കാരക്റ്റർ പോസ്റ്ററുകളെല്ലാം വലിയ ശ്രദ്ധനേടിയിരുന്നു. അമൽ നീരദ് പ്രൊഡക്ഷൻസും ഉദയാ പിക്ചേഴ്സും സംയുക്തമായാണ് ചിത്രം നിർമ്മിക്കുന്നത്.
