Kerala By Election 2024: വയനാടും ചേലക്കരയും ഉപതെരഞ്ഞെടുപ്പിൽ വിധിയെഴുതി; ഇനി കാത്തിരിപ്പ്

വയനാട്ടിൽ 64.53 ശതമാനം പോളിം​ഗും ചേലക്കരയിൽ 72. 54 ശതമാനം പോളിം​ഗുമാണ് രേഖപ്പെടുത്തിയിരിക്കുന്നത്.

ചേലക്കരയിലെ പോളിം​ഗ് 70 ശതമാനം പിന്നിട്ടു. 71.71 പോളിം​ഗാണ് ഇതുവരെ രേഖപ്പെടുത്തിയിരിക്കുന്നത്. വയനാട്ടിൽ 63.59 ശതമാനം ആളുകൾ വോട്ട് ചെയ്തെന്നാണ് വിവരം.

വയനാട് വാകേരി 78-ാം നമ്പർ ബൂത്തിലെ വോട്ടിം​ഗ് മെഷീൻ തകരാറിലായി. അരമണിക്കൂറായി വോട്ടിം​ഗ് നടക്കുന്നില്ല, തകരാർ പരിഹരിക്കാൻ ശ്രമം നടക്കുന്നു.

ചേലക്കരയിൽ 70.1 ശതമാനം പോളിം​ഗ് രേഖപ്പെടുത്തി. വയനാട്ടിൽ 62. 39 ശതമാനമാണ് പോളിം​ഗ്. 6 മണിക്ക് വോട്ടെടുപ്പ് പൂർത്തിയായെങ്കിലും ടോക്കൺ രീതിയിൽ ക്യൂവിൽ നിൽക്കുന്നവർക്ക് വോട്ട് ചെയ്യാനുള്ള അവസരം നൽകി.

വയനാട്ടിൽ പോളിം​ഗ് ശതമാനം 62.47,മിക്കയിടത്തും പോളിം​ഗ് മന്ദ​ഗതിയിലാണ് നടക്കുന്നത്. ചേലക്കരയിൽ 69.47 ശതമാനവും പോളിം​ഗ് രേഖപ്പെടുത്തി.

ചേലക്കര നിയമസഭാ മണ്ഡലത്തിലേക്കുള്ള ഉപതെരഞ്ഞെടുപ്പിൽ 62.76 ശതമാനം പോളിം​ഗ് പൂര്‍ത്തിയായി. വയനാട്ടിൽ പോളിം​ഗ് 57.29 ശതമാനം രേഖപ്പെടുത്തി.

വയനാട്ടിൽ 3.55 വരെ 51.79 ശതമാനം പോളിം​ഗാണ് രേഖപ്പെടുത്തിയത്. ചേലക്കരയിലെ പോളിം​ഗ് 57 ശതമാനമായി ഉയർന്നു.

ഉപതെരഞ്ഞെടുപ്പ് നടക്കുന്ന വയനാട്ടിലും ചേലക്കരയിലും പോളിം​ഗ് ശതമാനം ഉയരുന്നില്ല. മൂന്ന് മണി പിന്നിടുമ്പോൾ ചേലക്കരയിൽ 50.86 ശതമാനവും വയനാട്ടിൽ 45. 38 ശതമാനം പോളിം​ഗുമാണ് രേഖപ്പെടുത്തിയിരിക്കുന്നത്.

മുള്ളൂർക്കരയിൽ പൊതുസ്ഥലത്ത് സ്ഥാപിച്ചിരുന്ന സ്ഥാനാർഥികളുടെ ഫ്ളക്സുകൾ അഴിച്ചു മാറ്റി തിരഞ്ഞെടുപ്പ് കമ്മീഷൻ.

വോട്ടെടുപ്പ് ഏഴ് മണിക്കൂറിനോട് അടുക്കുമ്പോൾ വയനാട് 48.42 ശതമാനം പോളിംഗാണ് ഇതുവരെ രേഖപ്പെടുത്തിയത്. അതുപോലെ ചേലക്കരയിൽ 40.64 ശതമാനം പോളിങ്ങും രേഖപ്പെടുത്തിയിട്ടുണ്ട്.

ചേലക്കരയിലെ സാഹചര്യങ്ങൾ ഇടതുപക്ഷത്തിന് അനുകൂലമാണെന്ന് എംപി. കെ രാധാകൃഷ്‌ണൻ. എന്നാൽ, ചേലക്കര യുഡിഎഫ് പിടിച്ചെടുക്കുമെന്ന് കെപിസിസി അദ്ധ്യക്ഷൻ കെ സുധാകരൻ.

പോളിംഗ് ആരംഭിച്ച് അഞ്ച് മണിക്കൂർ പിന്നിടുമ്പോൾ വയനാട് ലോക്സഭാ മണ്ഡലത്തിലെ വോട്ടിങ് ശതമാനം 31.43 ഉം, ചേലക്കര നിയമസഭാ മണ്ഡലത്തിൽ 36.08 ശതമാനവുമാണ്.

വോട്ടെടുപ്പ് തുടങ്ങി നാല് മണിക്കൂർ പിന്നിടുമ്പോൾ, ചേലക്കര മണ്ഡലത്തിൽ 21.98 ശതമാനം പോളിംഗ് പൂർത്തിയായി. വയനാട്ടിലെ പോളിംഗ് ശതമാനം 20.90 ആണ്.

ചേലക്കരയിലെ സിപിഎം സ്ഥാനാർഥി യു ആർ പ്രദീപും, ബിജെപി സ്ഥാനാർഥി കെ ബാലകൃഷ്ണനും വോട്ട് രേഖപ്പെടുത്തി.

മുക്കം നഗരസഭയിലെ മണാശ്ശേരിയിൽ 125 ആം നമ്പർ ബൂത്തിലെ വോട്ടിങ് നിർത്തിവെച്ചു. വോട്ടിങ് മെഷീനിലെ തകരാറാണ് കാരണം.

വോട്ടെടുപ്പ് ആരംഭിച്ച് രണ്ടു മണിക്കൂർ പിന്നിടുമ്പോൾ വയനാട്ടിൽ 14.64 ശതമാനം പോളിംഗും, ചേലക്കരയിൽ 13.79 ശതമാനം പോളിംഗുമാണ് രേഖപ്പെടുത്തിയിരിക്കുന്നത്.

വയനാട്ടിൽ ആദ്യ മണിക്കൂറിൽ രേഖപ്പെടുത്തിയത് 6.97 % പോളിംഗ് എന്ന് റിപ്പോർട്ട്. ഏറ്റവും ഉയർന്ന പോളിംഗ് നടന്നിരിക്കുന്നത് ഏറനാട് നിയമസഭാ മണ്ഡലത്തിലാണ്.

രാവിലെ തന്നെ അയ്യപ്പ ക്ഷേത്രത്തിൽ ദർശനം നടത്തി വയനാട്ടിലെ ബിജെപി സ്ഥാനാർഥി നവ്യ ഹരിദാസ്. ഇത്തവണ വയനാട്ടിൽ മാറ്റമുണ്ടാകുമെന്ന പ്രതീക്ഷയിലാണെന്നും നവ്യ പറഞ്ഞു.

വയനാട് ലോക്സഭാ മണ്ഡലത്തിൽ അഗസ്ത്യമുഴിയിലെ 117 ആം നമ്പർ ബൂത്തിൽ യന്ത്രത്തിലെ തകരാർ മൂലം വോട്ടിങ് തടസ്സപെട്ടു. രണ്ടു പേർ വോട്ടുരേഖപ്പെടുത്തി കഴിഞ്ഞപ്പോഴാണ് ഇവിഎം തകരാറിലായത്. പ്രശ്നം ഉടൻ പരിഹാരിക്കാൻ ശ്രമിക്കുന്നുണ്ടെന്ന് പോളിംഗ് ബൂത്ത് ഉദ്യോഗസ്ഥർ അറിയിച്ചു. കൂടാതെ, തിരുവമ്പാടി മണ്ഡലത്തിൽ രണ്ടിടത്തും ഇവിഎം തകരാർ കണ്ടെത്തി.

ചേലക്കരയിൽ വോട്ടിങ് യന്ത്രം തകരാറിലായി. ചേലക്കര പാമ്പാടി സ്കൂളിൽ സജ്ജീകരിച്ചിരിക്കുന്ന 116–ാം നമ്പർ ബൂത്തിലാണ് വോട്ടിങ് യന്ത്രം തകരാറിലായത്.

ചേലക്കരയിൽ മൊത്തം 2,13,103 വോട്ടർമാരാണ് ഉള്ളത്. 180 പോളിംഗ് ബൂത്തുകളിൽ മൂന്ന് ഓക്സിലറി ബൂത്തുകളുമുണ്ട്.

വയനാട്ടിൽ ഏഴ് മണ്ഡലങ്ങളിലായി 14,71,742 വോട്ടർമാരാണ് ഉള്ളത്. ഉരുൾപൊട്ടൽ ദുരന്തം ഉണ്ടായ 10, 11, 12 വാർഡുകളിലെ വോട്ടർമാർക്കായി പ്രത്യേക പോളിംഗ് ബൂത്തുകൾ ഏർപ്പെടുത്തിയിട്ടുണ്ട്. പുനരധിവാസ മേഖലയിൽ താമസിക്കുന്നവർക്കായി പ്രത്യേക സൗജന്യ വാഹന സർവീസുകളും ഒരുക്കിയിട്ടുണ്ട്.

വയനാട്, ചേലക്കര ഉപതിരഞ്ഞെടുപ്പിൻ്റെ വോട്ടെടുപ്പ് ആരംഭിച്ചു. രാവിലെ 6 മുതൽ വൈകിട്ട് ഏഴ് വരെയാണ് വോട്ടെടുപ്പ് നടക്കുക.