VSSC Recruitment 2025: ഡിഗ്രി കഴിഞ്ഞവരാണോ? 81,100 രൂപ വരെ ശമ്പളത്തോടെ ജോലി നേടാം; തിരുവനന്തപുരം ഐഎസ്ആര്‍ഒയിൽ അവസരം

കേന്ദ്രസർക്കാരിന് കീഴിൽ ജോലി നേടാൻ ആഗ്രഹിക്കുന്നവർക്ക് ഇതാ ഒരു സുവർണാവസരം. തിരുവനന്തപുരം ഐഎസ്ആർഒയിലെ വിവിധ തസ്തികളിലെ ഒഴിവുകളിലേക്കുള്ള നിയമനത്തിനുള്ള വിജ്ഞാപനം പുറത്തുവിട്ടു. വിക്രം സാരാഭായ് സ്പേസ് സെന്റർ (വി.എസ്.എസ്.സി) അസിസ്റ്റന്റ് (രാജ്ഭാഷ), ലൈറ്റ് വെഹിക്കിൾ ഡ്രൈവർ-എ, ഹെവി വെഹിക്കിൾ ഡ്രൈവർ-എ, ഫയർമാൻ-എ, കുക്ക് എന്നീ തസ്തികകളിലേയ്ക്കാണ് അപേക്ഷ ക്ഷണിച്ചത്. 16 ഒഴിവുകളാണുള്ളത്. താത്പര്യമുള്ള ഉദ്യോഗാർത്ഥികൾക്ക് ഓൺലൈനായി അപേക്ഷിക്കാം. അപേക്ഷ സമർപ്പിക്കാനുള്ള അവസാന തീയതി ഏപ്രിൽ 15 ആണ്.

500 രൂപയാണ് അപേക്ഷ ഫീസ്. സ്ത്രീകൾ/എസ്‌സി/എസ്ടി/മുൻ വികലാംഗ/പിഡബ്ല്യുഡി അപേക്ഷകർക്ക് ഫീസ് ഇല്ല. കൂടുതൽ വിശദാംശങ്ങൾക്ക് https://www.vssc.gov.in/ എന്ന വെബ്സൈറ്റ് സന്ദർശിക്കുക.

തസ്തികകൾ, ഒഴിവുകൾ, പ്രായപരിധി, യോഗ്യത, ശമ്പളം:

1. അസിസ്റ്റന്റ്

ഒഴിവുകൾ: 2
ഉയർന്ന പ്രായപരിധി: 28 വയസ്
യോഗ്യത: അംഗീകൃത സർവകലാശാലയിൽ നിന്ന് കുറഞ്ഞത് 60 ശതമാനം മാർക്കോടെ അല്ലെങ്കിൽ 10 പോയിന്റ് സ്കെയിലിൽ 6.32 സിജിപിഎ-യോടെ ബിരുദം. ഉദ്യോഗാർത്ഥികൾ സർവകലാശാല നിർദ്ദേശിക്കുന്ന കോഴ്‌സിന്റെ കാലയളവിനുള്ളിൽ ബിരുദം പൂർത്തിയാക്കിയിരിക്കണം.
കമ്പ്യൂട്ടർ പരിജ്ഞാനം വേണം. ഇംഗ്ലീഷ് ടൈപ്പ് റൈറ്റിങ് അറിയാവുന്നവർക്ക് മുൻഗണന.
ഒരു മിനിറ്റിൽ 25 ഹിന്ദി വാക്കുകൾ ടൈപ്പ് ചെയ്യാൻ കഴിയണം.
ശമ്പളം: 25,500 രൂപ മുതൽ 81,100 രൂപ വരെ.

2. ലൈറ്റ് വെഹിക്കിൾ ഡ്രൈവർ-എ

ഒഴിവുകൾ: 5
ഉയർന്ന പ്രായപരിധി: 35 വയസ്
യോഗ്യത: അംഗീകൃത ബോർഡിൽ നിന്ന് എസ്എസ്എൽസി/എസ്.എസ്.സി/മെട്രിക്കുലേഷൻ പാസായിരിക്കണം.
ലൈറ്റ് വെഹിക്കിൾ ഡ്രൈവിം​ഗ് ലൈസൻസും മൂന്ന് വർഷത്തെ പ്രവർത്തി പരിചയവും വേണം.
ശമ്പളം: 19,900 രൂപ മുതൽ 63,200 രൂപ വരെ.

3. ഹെവി വെഹിക്കിൾ ഡ്രൈവർ-എ

ഒഴിവുകൾ: 5
ഉയർന്ന പ്രായപരിധി: 35 വയസ്
യോഗ്യത: അംഗീകൃത ബോർഡിൽ നിന്ന് എസ്എസ്എൽസി/എസ്.എസ്.സി/മെട്രിക്കുലേഷൻ പാസായിരിക്കണം.
സാധുവായ പബ്ലിക് സർവീസ് ബാഡ്ജ് ഉണ്ടായിരിക്കണം. ഹെവി വെഹിക്കിൾ ഡ്രൈവറായി കുറഞ്ഞത് 3 വർഷത്തെ പരിചയം ഉണ്ടായിരിക്കാം. ലൈറ്റ് മോട്ടോർ വെഹിക്കിൾ ഡ്രൈവിംഗ് പരിചയവും വേണം.
ശമ്പളം: 19,900 രൂപ മുതൽ 63,200 രൂപ വരെ.

4. ഫയർമാൻ-എ

ഒഴിവുകൾ: 3
ഉയർന്ന പ്രായപരിധി: 25 വയസ്
യോഗ്യത: അംഗീകൃത ബോർഡിൽ നിന്ന് എസ്എസ്എൽസി/എസ്.എസ്.സി/മെട്രിക്കുലേഷൻ പാസായിരിക്കണം.
നിശ്ചിത ശാരീരികക്ഷമതാ, ശാരീരിക കാര്യക്ഷമതാ പരീക്ഷാ മാനദണ്ഡങ്ങൾ പാലിക്കണം എന്നിവ പാലിക്കണം.
ശമ്പളം: 19,900 രൂപ മുതൽ 63,200 രൂപ വരെ.

5. കുക്ക്

ഒഴിവുകൾ: 1
ഉയർന്ന പ്രായപരിധി: 35 വയസ്
യോഗ്യത: അംഗീകൃത ബോർഡിൽ നിന്ന് എസ്എസ്എൽസി/എസ്.എസ്.സി/മെട്രിക്കുലേഷൻ പാസായിരിക്കണം.
നല്ല ഹോട്ടലിലോ കാന്റീനിലോ അഞ്ച് വർഷത്തെ പരിചയം ഉണ്ടായിരിക്കണം.
ശമ്പളം: 19,900 രൂപ മുതൽ 63,200 രൂപ വരെ.

എങ്ങനെ അപേക്ഷിക്കാം?

• വി.എസ്.എസ്.സിയുടെ ഔദ്യോഗിക വെബ്‌സൈറ്റായ https://www.vssc.gov.in/ സന്ദർശിക്കുക.
• ഹോം പേജിൽ കാണുന്ന ‘കരിയേഴ്സ്’ എന്നതിൽ ‘വി.എസ്.എസ്.സി റിക്രൂട്ട്മെന്റ് നോട്ടീസ്’ എന്നത് തിരഞ്ഞെടുക്കുക.
• മാനദണ്ഡങ്ങളും നിർദേശങ്ങളും മനസിലാക്കിയ ശേഷം ‘അപ്ലൈ’ എന്നതിൽ കിളക്ക് ചെയ്യുക.
• രജിസ്ട്രേഷൻ പൂർത്തിയാക്കിയ ശേഷം അപേക്ഷിക്കാൻ ആഗ്രഹിക്കുന്ന തസ്തിക തിരഞ്ഞെടുത്ത് അപേക്ഷ ഫോം പൂരിപ്പിക്കുക.
• ആവശ്യമായ രേഖകൾ കൂടി സ്കാൻ ചെയ്ത് അപ്ലോഡ് ചെയ്യുക.
• ഇനി ഫീസ് അടച്ച ശേഷം അപേക്ഷ സമർപ്പിക്കാം.
• ഭാവി ആവശ്യങ്ങൾക്കായി അപേക്ഷയുടെ ഒരു കോപ്പി പ്രിന്റൗട്ട് എടുത്ത് സൂക്ഷിക്കുക.