Kerala SSLC Result 2024 : എസ്എസ്എൽസി ഫലം പ്രഖ്യാപിച്ചു; വിജയശതമാനം .01% കുറഞ്ഞു

പുനർമൂല്യനിർണയത്തിന് അപേക്ഷ നാളെ മെയ് ഒമ്പതാം തീയതി മുതൽ അപേക്ഷിക്കാം. 15-ാം തീയതി അപേക്ഷ സമർപ്പിക്കേണ്ട അവസാന തീയതി

പാലാ വിദ്യാഭ്യാസ ജില്ലയ്ക്ക് സമ്പൂർണവിജയം. ഏറ്റവും കുറവ് വിജയശതമാനം ആറ്റിങ്ങൽ വിദ്യാഭ്യാസ ജില്ലയാണ്. ഏറ്റവും എ+ നേടിയ വിദ്യാർഥികൾ മലപ്പുറം ജില്ലയിൽ നിന്നും.

വിജയശതമനാം ഏറ്റവും കൂടുതൽ ഉള്ള ജില്ല കോട്ടയം. ഏറ്റവും കുറവ് തിരുവനന്തപുരത്ത്

71,831 വിദ്യാർഥികളാണ് എല്ലാ വിഷയങ്ങൾക്കും എ+ നേടിയത്. കഴിഞ്ഞ വർഷം 68641 വിദ്യാർഥികൾക്കാണ് മുഴുവൻ വിഷയങ്ങൾക്കും എ+ നേടാനായത്

ഇത്തവണത്തെ എസ്എസ്എൽസി വിജയശതമാനം 99.69%. കഴിഞ്ഞ തവണത്തെക്കാൾ .01% വിജയം കുറഞ്ഞു. കഴിഞ്ഞ വർഷത്തെ വിജയശതമാനം 99.70% ആയിരുന്നു

നാല് മണിയോടെ വിദ്യാർഥികൾക്ക് ഫലം അതാത് വെബ്സൈറ്റുകളിലൂടെ ലഭിക്കുന്നതാണെന്ന് മന്ത്രി അറിയിച്ചു

എസ്എസ്എൽസി പരീക്ഷയിൽ വിജയിച്ച എല്ലാ വിദ്യാർഥികൾക്ക് അഭിനന്ദനങ്ങൾ മന്ത്രി വി ശിവൻകുട്ടി അറിയിച്ചു

എസ്എസ്എൽസി ഫലപ്രഖ്യാപനത്തിന് തുടക്കമായി. വിദ്യാഭ്യാസ വകുപ്പ് മന്ത്രി വി ശിവൻകുട്ടി സെക്രട്ടറിയേറ്റിലെ പി ആർ ചേംബറിലെത്തി

ഫലപ്രഖ്യാപനത്തിനായി വിദ്യാഭ്യാസ വകുപ്പ് മന്ത്രി വി ശിവൻകുട്ടി അൽപ്പസമയത്തിനകം പി ആർ ചേമ്പറിൽ എത്തും.

എസ്എസ്എൽസി ഫലം അൽപ്പസമയത്തിനകം മന്ത്രി വി  ശിവൻകുട്ടി പ്രഖ്യാപിക്കും. വിജയശതമാനം കൂടുന്നത് നിലവാര തകർച്ചയല്ലെന്ന് വിദ്യാഭ്യാസ മന്ത്രി

എ+ ഗ്രേഡ്-90 മുതൽ 100 ശതമാനം വരെയുള്ള മാർക്ക്

എ ഗ്രേഡ് – 80 മുതൽ 89 ശതമാനം വരെയുള്ള മാർക്ക്

ബി+ ഗ്രേഡ് – 70 മുതൽ 79 ശതമാനം വരെയുള്ള മാർക്ക്

ബി ഗ്രേഡ് – 60 മുതൽ 69 ശതമാനം വരെയുള്ള മാർക്ക്

സി+ ഗ്രേഡ് – 50 മുതൽ 59 ശതമാനം വരെയുള്ളമാർക്ക്

സി ഗ്രേഡ് – 40 മുതൽ 49 ശതമാനം വരെയുള്ള മാർക്ക്

ഡി+ ഗ്രേഡ് : 30 മുതൽ 39 ശതമാനം വരെയുള്ള മാർക്ക്

D ഗ്രേഡ് : 20 മുതൽ 29 ശതമാനം വരെയുള്ള മാർക്ക് (തോറ്റു)

E ഗ്രേഡ് : 20 ശതമാനത്തിന് താഴെ മാർക്ക് (തോറ്റു)

ഗ്രേഡിങ് രീതിയിലാണ് എസ്എസ്എൽസി ഫലം പ്രഖ്യാപിക്കുക. എ+ പ്ലസാണ് ഏറ്റവും ഉയർന്ന ഗ്രേഡ്.  ഏറ്റവും കുറഞ്ഞത് ഡി+ ഗ്രേഡാണ് ഉപരിപഠനത്തിനുള്ള യോഗ്യത നേടാൻ ഒരു വിദ്യാർഥി കരസ്ഥമാക്കേണ്ട്

ശേഷം ലഭിക്കുന്ന സ്കോർ ഷീറ്റ് പ്രിൻ്റ്ഔട്ട് എടുത്ത് സൂക്ഷിക്കുക. ഭാവി ആവശ്യങ്ങൾക്ക് പ്രത്യേക ഉപരിപഠനത്തിന് വേണ്ടിയുള്ള പ്രവേശനത്തിനായി ഈ സ്കോർ ഷീറ്റുകളാണ് സമർപ്പിക്കേണ്ടത്.

വെറും രണ്ട് ക്ലിക്കിലൂടെ എസ്എസ്എൽസി ഫലം അറിയാൻ സാധിക്കുന്നതാണ്.

1. മുകളിൽ നൽകിയിരിക്കുന്ന വെബ്സൈറ്റിൽ പ്രവേശിക്കുക.
2. ആ പേജിൽ നിർദേശിക്കുന്ന കോളങ്ങളിൽ രജിസ്റ്റർ നമ്പരും ജനന തീയതി രേഖപ്പെടുത്തി സബ്മിറ്റ് ബട്ടണിൽ ക്ലിക്ക് ചെയ്യുക

ഒന്നോ രണ്ടോ വിഷയത്തിൽ നഷ്ടപ്പെട്ടവർക്ക് സേ പരീക്ഷ എഴുതാൻ അവസരം ലഭിക്കുന്നതാണ്. സേ പരീക്ഷ തീയതി പിന്നീട് അറിക്കുന്നതാണ്

ഗ്രേഡിങ് രീതിയിലാണ് ഫലം പുറത്ത് വിടുന്നത്. എ+ ആണ് ഏറ്റവും ഉയർന്ന ഗ്രേഡ്. ഉപരിപഠനത്തിന് വേണ്ട കരസ്ഥമാക്കേണ്ട ഏറ്റവും കുറഞ്ഞ ഗ്രേഡ് ഡി+ ആണ്

എസ്എസ്എൽസി പരീക്ഷയുടെ ഫലം പിആർഡിയുടെ ‘പിആർഡി ലൈവ്’ എന്ന മൊബൈൽ അപ്ലിക്കേഷനിലൂടെയും നിങ്ങൾക്ക് അറിയാൻ സാധിക്കുന്നതാണ്

99.70 ശതമാനമായിരുന്ന കഴിഞ്ഞ വര്‍ഷത്തെ എസ്എസ്എൽസി പരീക്ഷയുടെ വിജയശതമാനം. 2022ല്‍ ഇതി 99.26 ശതമാനമായിരുന്നു

എസ്എസ്എൽസി ഫലം അറിയാനുള്ള വെബ്സൈ്റ്റുകൾ ഇവയാണ്.

1. www.prd.kerala.gov.in
2. https://results.kerala.gov.in
3. https://examresults.kerala.gov.in
4. https://pareekshabhavan.kerala.gov.in
5. https://results.kite.kerala.gov.in
6. https://sslcexam.kerala.gov.in
7. http://thslcexam.kerala.gov.in – ടി.എച്ച്.എസ്.എൽ.സി
8. http://ahslcexam.kerala.gov.in – എ.എച്ച്.എസ്.എൽ.സി

എസ്എസ്എൽസി ഫലത്തിനോടൊപ്പം ടിഎച്ച്എസ്എൽസി, എഎച്ച്എസ്എൽസി ഫലങ്ങളും ഇന്ന് പുറത്ത് വിടും

കഴിഞ്ഞ വർഷത്തെക്കാൾ 11 ദിവസം മുമ്പായിട്ടാണ് വിദ്യാഭ്യാസ വകുപ്പ് എസ്എസ്എൽസി ഫലം പ്രഖ്യാപിക്കുന്നത്. 70 ക്യാമ്പുകളിലായി 14 ദിവസങ്ങൾക്ക് കൊണ്ടാണ് മൂല്യനിർണയം പൂർത്തിയാക്കിയതെന്ന് വിദ്യാഭ്യാസ വകുപ്പ് മന്ത്രി വി ശിവൻകുട്ടി അറിയിച്ചിരുന്നു

4,27, 105 വിദ്യാർഥികളാണ് ഇത്തവണ എസ്എസ്എൽസി ഫലം കാത്തിരിക്കുന്നത്. ഇതിൽ 2,17, 525 പേർ ആൺകുട്ടികളും 2,09,580 പെൺകുട്ടികളുമാണ്.

മൂന്ന് മണിക്ക് ഔദ്യോഗികമായി ഫലപ്രഖ്യാപനം നടത്തിയത് ശേഷം വൈകിട്ട് നാല് മണിയോടെയാണ് വിദ്യാർഥികൾക്ക് തങ്ങളുടെ ഫലം ലഭിച്ച് തുടങ്ങുക

സംസ്ഥാനത്തെ ഈ വർഷത്തെ എസ്എസ്എൽസി ഫലം ഇന്ന് പ്രഖ്യാപിക്കും. വൈകിട്ട് മൂന്ന് മണിക്ക് മന്ത്രി വി ശിവൻകുട്ടി വാർത്തസമ്മേളനത്തിലൂടെയാണ് ഫലപ്രഖ്യാപനം നടത്തക