Kerala High Court Recruitment 2024: കേരള ഹൈക്കോടതിയിൽ തൊഴിലവസരം; വിവിധ ജില്ലകളിലായി 159 ഒഴിവുകൾ, എങ്ങനെ അപേക്ഷിക്കാം?

കേരള സർക്കാരിന്റെ കീഴിൽ വിവിധ ജില്ലകളിയായി തൊഴിൽ നേടാൻ അവസരം. കേരള ഹൈക്കോടതി ടെക്നിക്കൽ പേഴ്സൺ തസ്തികയിലേക്ക് അപേക്ഷ ക്ഷണിച്ചു. 159 ഒഴിവുകളാണ് ഉള്ളത്. യോഗ്യതയുള്ള ഉദ്യോഗാർത്ഥികൾക്ക് ഓൺലൈനായി അപേക്ഷിക്കാം. അപേക്ഷ സമർപ്പിക്കേണ്ട അവസാന തീയതി നവംബർ 10.

ഒഴിവുകൾ:

തിരുവനന്തപുരം – 11
കൊല്ലം – 19
പത്തനംതിട്ട – 9
ആലപ്പുഴ – 12
കോട്ടയം – 13
ഇടുക്കി – 10
എറണാകുളം – 20
തൃശൂർ – 11
പാലക്കാട് – 12
മലപ്പുറം – 12
കോഴിക്കോട് – 11
വയനാട് – 5
കണ്ണൂർ – 10
കാസർഗോഡ് -4

പ്രായം:

ഉദ്യോഗാർത്ഥികൾ 02/01 /1983 -നോ അതിനു ശേഷമോ ജനിച്ചവർ ആയിരിക്കണം.
സംവരണ വിഭാഗക്കാർക്ക് ഉയർന്ന പ്രായപരിധിയിൽ നിയമാനുസൃതമായ ഇളവുകൾ ലഭിക്കും.

ശമ്പളം:

15000 രൂപ.

യോഗ്യത:

• സംസ്ഥാന സർക്കാർ അംഗീകൃത സ്ഥാപനങ്ങളിൽ നിന്നും ഏതെങ്കിലും വിഷയത്തിൽ 3 വർഷത്തെ ബിരുദം അല്ലെങ്കിൽ ഡിപ്ലോമ.
• പരിചയം: ഐടി ഹെല്പ് ഡെസ്ക്/ ഐടി കോൾ സെന്റർ/ കോടതി ഇ-സേവാ കേന്ദ്രം/ കേരള സർക്കാർ അംഗീകൃത അക്ഷയ കേന്ദ്രം/കേന്ദ്ര സർക്കാർ അംഗീകൃത സി.എസ്.സി കേന്ദ്രം എന്നിവയിൽ ഏതിലെങ്കിലും കുറഞ്ഞത് ഒരു വർഷത്തെ പ്രവർത്തി പരിചയം.
• അഭികാമ്യം: കേരള ലീഗൽ സർവീസസ് അതോറിറ്റിയുടെ സ്‌കീമിൽ പാരാ ലീഗൽ വോളണ്ടിയർ ആയി പ്രവർത്തി പരിചയം/ കേരളത്തിലെ ഏതെങ്കിലും കോടതിയിൽ ഇ-ഫയലിംഗ് സഹായം നൽകുന്നതിൽ പരിചയം എന്നിവ ഉണ്ടെങ്കിൽ അഭികാമ്യം.

തിരഞ്ഞെടുപ്പ്:

അഭിമുഖത്തിന്റെ അടിസ്ഥാനത്തിൽ ആയിരിക്കും ഉദ്യോഗാർത്ഥികളെ തിരഞ്ഞെടുക്കുക. അതാത് ജില്ലയിലെ പ്രിൻസിപ്പൽ ജില്ലാ കോടതിയിലോ അല്ലെങ്കിൽ മറ്റൊരു നിയുക്ത സ്ഥലത്തിലോ വെച്ചായിരിക്കും അഭിമുഖം.
അപേക്ഷകരുടെ എണ്ണം ഒഴിവുകളുടെ എണ്ണത്തേക്കാൾ കൂടുതലാണെങ്കിൽ, ന്യായമായ മാനദണ്ഡങ്ങൾ ഉപയോഗിച്ച് ഷോർട്ട് ലിസ്റ്റ് ചെയ്യുന്നതാണ്.

എങ്ങനെ അപേക്ഷിക്കാം?

• കേരള ഹൈക്കോടതിയുടെ ഔദ്യോഗിക വെബ്‌സൈറ്റായ https://highcourt.kerala.gov.in/ സന്ദർശിക്കുക.
• ഹോംപേജിൽ കാണുന്ന റിക്രൂട്ട്മെന്റ് ലിങ്ക് തിരഞ്ഞെടുക്കുക.
• അപേക്ഷിക്കാൻ ആഗ്രഹിക്കുന്ന തസ്തികയിലേക്കുള്ള യോഗ്യതകൾ പരിശോധിക്കുക.
• നേരത്തെ അക്കൗണ്ട് ഉള്ളവരാണെങ്കിൽ സൈൻ ഇൻ ചെയ്യുക. അല്ലാത്തപക്ഷം സൈൻ അപ്പ് ചെയ്യണം.
• ആവശ്യമായ വിവരങ്ങൾ പൂരിപ്പിച്ച് നൽകുക.
• ഫീസ് അടച്ച ശേഷം അപേക്ഷ സമർപ്പിക്കാം.
• ഭാവി ആവശ്യങ്ങൾക്കായി അപേക്ഷയുടെ ഒരു കോപ്പി പ്രിന്റ്ഔട്ട് എടുത്ത് സൂക്ഷിക്കുക.