AAI Recruitment 2025: വിമാനത്താവളത്തിൽ 75,000 രൂപ ശമ്പളത്തോടെ ജോലി നേടാം; ഇന്ന് തന്നെ അപേക്ഷിച്ചോളൂ

Airport Authority of India Consultant Recruitment 2025: പരീക്ഷയില്ലാതെ അഭിമുഖത്തിലെ പ്രകടനത്തിന്റെ അടിസ്ഥാനത്തിലാണ് കൺസൾട്ടന്റ് തസ്തികയിലേക്കുള്ള നിയമനം നടക്കുക. തിരഞ്ഞെടുക്കപെടുന്നവർക്ക് പ്രതിമാസം 75,000 രൂപ വരെ ശമ്പളം ലഭിക്കും.

AAI Recruitment 2025: വിമാനത്താവളത്തിൽ 75,000 രൂപ ശമ്പളത്തോടെ ജോലി നേടാം; ഇന്ന് തന്നെ അപേക്ഷിച്ചോളൂ

എയർപോർട്ട് അതോറിറ്റി ഓഫ് ഇന്ത്യ

Updated On: 

27 Mar 2025 12:29 PM

നല്ല ശമ്പളത്തോടെ വിമാനത്താവളത്തിൽ ജോലി ചെയ്യാൻ ആഗ്രഹിക്കുന്നവർക്ക് ഇതാ ഒരു സുവർണാവസരം. എയർപോർട്ട് അതോറിറ്റി ഓഫ് ഇന്ത്യ (എഎഐ) കൺസൾട്ടന്റ് തസ്തികയിലെ ഒഴിവുകളിലേക്കുള്ള നിയമനത്തിനായുള്ള വിജ്ഞാപനം പുറത്തിറക്കി. ആകെ 20 ഒഴിവുകൾ നികത്താൻ ആണ് ഇതിലൂടെ ലക്ഷ്യമിടുന്നത്. താൽപ്പര്യമുള്ളവരും യോഗ്യരുമായ ഉദ്യോഗാർത്ഥികൾക്ക് ഏപ്രിൽ 2ന് മുമ്പായി അപേക്ഷ സമർപ്പിക്കാം.

പരീക്ഷയില്ലാതെ അഭിമുഖത്തിലെ പ്രകടനത്തിന്റെ അടിസ്ഥാനത്തിലാണ് കൺസൾട്ടന്റ് തസ്തികയിലേക്കുള്ള നിയമനം നടക്കുക. തിരഞ്ഞെടുക്കപെടുന്നവർക്ക് പ്രതിമാസം 75,000 രൂപ വരെ ശമ്പളം ലഭിക്കും. ഉദ്യോഗാർത്ഥികൾ chqrectt@aai.aero എന്ന ഇമെയിൽ ഐഡിയിലേക്ക് അപേക്ഷയും സ്വയം സാക്ഷ്യപ്പെടുത്തിയ പകർപ്പുകളും അയച്ചുകൊണ്ട് അപേക്ഷ സമർപ്പിക്കാം. കൂടുതൽ വിശദാംശങ്ങൾക്ക് എയർപോർട്ട് അതോറിറ്റി ഓഫ് ഇന്ത്യയുടെ ഔദ്യോഗിക വെബ്‌സൈറ്റ് സന്ദർശിക്കാം.

എയർപോർട്ട് അതോറിറ്റി ഓഫ് ഇന്ത്യയുടെ (എഎഐ) കീഴിൽ ഡെപ്യൂട്ടി ജനറൽ മാനേജർ/ ജോയിന്റ് ജനറൽ മാനേജർ (ഇ-6/ഇ-7 ലെവൽ) ആയി വിരമിച്ച ഉദ്യോഗസ്ഥർ, ലാൻഡ് മാനേജ്‌മെന്റ്/ കാർഗോ/ സിവിൽ എഞ്ചിനീയറിംഗ്/ കൊമേഴ്‌സ്യൽ/ നിയമം/ ഫിനാൻസ് ഡയറക്ടറേറ്റുകളിൽ കുറഞ്ഞത് 10 വർഷത്തെ പരിചയം ഉള്ളവർ എന്നിവർക്കാണ് അപേക്ഷ സമർപ്പിക്കാൻ കഴിയുക. എഎഐയിൽ കരാർ അടിസ്ഥാനത്തിൽ അഞ്ച് വർഷത്തെ കൺസൾട്ടന്റ് കാലാവധി പൂർത്തിയാക്കിയ ഉദ്യോഗാർത്ഥികൾക്ക് ഇതിലേക്ക് അപേക്ഷിക്കാൻ അർഹതയുണ്ടായിരിക്കില്ല.

ALSO READ: റെയില്‍വേയില്‍ അസിസ്റ്റന്റ് ലോക്കോ പൈലറ്റാകാം, നിരവധി ഒഴിവുകള്‍; നോട്ടിഫിക്കേഷന്‍ ഉടന്‍

അപേക്ഷകർക്കുള്ള ഏറ്റവും ഉയർന്ന പ്രായപരിധി 65 വയസ്സാണ്. അപേക്ഷ അയച്ചവരിൽ നിന്ന് ഷോർട്ട്ലിസ്റ്റ് ചെയ്യപ്പെടുന്നവർ മാത്രമേ അഭിമുഖത്തിന് ഹാജരാകേണ്ടതുള്ളൂ. അഭിമുഖത്തിനൊപ്പം പ്രമാണ പരിശോധന കൂടിയുണ്ടാകും. ഇതിന്റെ അടിസ്ഥാനത്തിൽ ആയിരിക്കും നിയമനം. അഭിമുഖം സംബന്ധിച്ച മറ്റ് വിവരങ്ങൾ എഎഐയുടെ ഔദ്യോഗിക വെബ്‌സൈറ്റിൽ പിന്നീട് പ്രസിദ്ധീകരിക്കുന്നതാണ്.

Related Stories
TV9 Kannada Education Summit 2025 : മികച്ച കരിയർ ഒരുക്കാൻ വിദ്യാർഥികൾക്ക് ഇതാ ഒരു വഴികാട്ടി; ടിവി9 കന്നഡ എജ്യുക്കേഷൻ സമ്മിറ്റ് ബെഗംളൂരുവിൽ നടക്കും
JEE Main Admit Card 2025 : ജെഇഇ മെയിൻ പരീക്ഷ; ഏപ്രിൽ 7, 8, 9 തീയതികളിലെ അഡ്മിറ്റ് കാർഡ് പുറത്തുവിട്ടു, എങ്ങനെ ഡൗൺലോഡ് ചെയ്യാം?
UPSC Factory Village: നാലായിരത്തോളം ആളുകൾ, അറിയപ്പെടുന്നത് ‘യു.പി.എസ്.സി ഫാക്ടറി’യെന്നും; ഇങ്ങനെയും ഒരു ഗ്രാമമുണ്ട് ഇന്ത്യയിൽ!
Kerala 8th Standard SAY exam: എട്ടാം ക്ലാസിലെ സേ പരീക്ഷ ആരൊക്കെ എഴുതണമെന്ന് നാളെ അറിയാം; പുനഃപരീക്ഷയിലും മാര്‍ക്ക് കുറഞ്ഞാല്‍ എന്ത് സംഭവിക്കും?
SSLC Result 2025 : എസ്എസ്എൽസി, പ്ലസ് ടു മൂല്യനിർണയത്തിന് തുടക്കം; ഫലം എന്ന് വരും?
Nursing Jobs in Germany: ജർമ്മനിയിൽ നഴ്സുമാർക്ക് അവസരം; 250 ഒഴിവുകൾ, 2,73,000 വരെ ശമ്പളം; ഇപ്പോള്‍ അപേക്ഷിക്കാം
വേനൽകാലത്ത് കഴിക്കാം തണ്ണിമത്തൻ കുരു
ദഹനക്കേട് അകറ്റാന്‍ ഇവ കഴിക്കൂ
വെറുംവയറ്റിൽ ഏത്തപ്പഴം കഴിക്കല്ലേ! നല്ലതല്ല
അമിതമായാൽ ഗ്രീൻ ടീയും ആപത്ത്! കുടിക്കേണ്ടത് ഇത്രമാത്രം