Kerala Lottery Result : ഇന്നത്തെ 75 ലക്ഷം നിങ്ങളുടെ പോക്കറ്റിലുണ്ടാവാം; സ്ത്രീശക്തി ഫലം വൈകിട്ട്
Kerala Lottery Result Today November 12th : കേരള സംസ്ഥാന ഭാഗ്യക്കുറി വകുപ്പിൻ്റെ സ്ത്രീശക്തി SS 441 ലോട്ടറി ഫലം ഇന്ന് പുറത്തുവരും. എല്ലാ ചൊവ്വാഴ്ചകളിലും നറുക്കെടുക്കുന്ന സ്ത്രീശക്തി ലോട്ടറിയുടെ ഒന്നാം സമ്മാനം 75 ലക്ഷം രൂപയാണ്.
കേരള ലോട്ടറി (Image Courtesy - Creative Touch Imaging Ltd./NurPhoto via Getty Images)
കേരള സംസ്ഥാന ഭാഗ്യക്കുറി വകുപ്പ് പുറത്തിറക്കുന്ന സ്ത്രീശക്തി ലോട്ടറി ഫലം ഇന്ന്. സ്ത്രീശക്തി SS 441 ലോട്ടറി ഫലമാണ് ഇന്ന് പുറത്തുവരിക. വൈകുന്നേരം മൂന്നിന് തിരുവനന്തപുരം ഗോർഖി ഭവനിൽ വച്ച് നറുക്കെടുപ്പ് നടക്കും. എല്ലാ ചൊവ്വാഴ്ചകളിലും നറുക്കെടുക്കുന്ന സ്ത്രീശക്തി ലോട്ടറിയുടെ വില 40 രൂപയാണ്. 75 ലക്ഷം രൂപയാണ് ഒന്നാം സമ്മാനമായി ലഭിക്കുക. നറുക്കെടുപ്പിൻ്റെ വിവരങ്ങൾ കേരള ഭാഗ്യക്കുറി വകുപ്പിൻ്റെ ഔദ്യോഗിക വെബ്സൈറ്റായ www.keralalottery.infoയിലൂടെ തത്സമയം അറിയാം.
ഒന്നാം സമ്മാനമായി 75 ലക്ഷം രൂപ ലഭിക്കുമ്പോൾ രണ്ടാം സമ്മാനം ലഭിക്കുന്ന ടിക്കറ്റിന് ലഭിക്കുക 10 ലക്ഷം രൂപയാണ്. ഒന്നാം സമ്മാനം ലഭിച്ച ടിക്കറ്റിൻ്റെ അതേ നമ്പരിലുള്ള മറ്റ് സീരീസ് ലോട്ടറികൾക്ക് 8000 രൂപ വീതം സമാശ്വാസ സമ്മാനം ലഭിക്കും. 5000, 2000, 1000, 500, 200, 100 എന്നിങ്ങനെയാണ് മൂന്ന് മുതൽ എട്ട് വരെ സമ്മാനങ്ങൾ.
Also Read : Skoda Kylaq: എന്നാലും ഇതെങ്ങനെ? ഇന്ത്യയിലെ ആദ്യ സ്‌കോഡ കൈലാഖ് സ്വന്തമാക്കി സിയാദ് ഉസ്താദ്‌
സമ്മാനത്തുക കൈപ്പറ്റേണ്ടതെങ്ങനെ?
ലഭിച്ച സമ്മാനത്തുക 5000 രൂപയിൽ താഴെയാണെങ്കിൽ സംസ്ഥാനത്തെ ഏത് ലോട്ടറിക്കടയിൽ ടിക്കറ്റ് സമർപ്പിച്ചാലും തുക ലഭിക്കും. ലഭിച്ച സമ്മാനത്തുക 5000 രൂപയ്ക്ക് മുകളിലുള്ളതാണെങ്കിൽ സംസ്ഥാന ലോട്ടറി വകുപ്പിൻ്റെ ഓഫീസിലോ ബാങ്കിലോ നേരിട്ടെത്തി ടിക്കറ്റ് സമർപ്പിക്കേണ്ടതുണ്ട്. ടിക്കറ്റിനൊപ്പം ലോട്ടറി എടുത്തയാളുടെ തിരിച്ചറിൽ രേഖയും സമർപ്പിച്ചാലേ പണം ലഭിക്കൂ.
ഇനി, ഒരു ലക്ഷം രൂപയിൽ കൂടുതലുള്ള സമ്മാനത്തുകയാണ് ലഭിച്ചതെങ്കിൽ കേരള ലോട്ടറി ഡയറക്ടറേറ്റിൽ നിന്ന് മാത്രമേഈ ടിക്കറ്റുകൾ മാറ്റിയെടുക്കാൻ കഴിയൂ. സർക്കാർ ഗസറ്റിൽ പ്രസിദ്ധീകരിച്ചിരിക്കുന്ന ഫലം നോക്കി ഉറപ്പുവരുത്തി 30 ദിവസത്തിനകം സമ്മാനാർഹമായ ടിക്കറ്റുകൾ ലോട്ടറി ഡയറക്ടറേറ്റിൽ ഹാജരാക്കണം. 30 ദിവസത്തിനകം ടിക്കറ്റ് ഹാജരാക്കാൻ കഴിഞ്ഞില്ലെങ്കിൽ കാലതാമസത്തിനുള്ള കാരണം വ്യക്തമാക്കണം. ഇതിനെ സാധൂകരിക്കുന്ന രേഖകളും സമർപ്പിക്കണം.
സ്ത്രീശക്തി ഭാഗ്യക്കുറി കൂടാതെ ഫിഫ്റ്റി-ഫിഫ്റ്റി, കാരുണ്യ, അക്ഷയ, വിൻ വിൻ, കാരുണ്യ പ്ലസ്, നിർമൽ എന്നിങ്ങനെ ആഴ്ചയിലെ എല്ലാ ദിവസങ്ങളിലും സംസ്ഥാന ഭാഗ്യക്കുറി വകുപ്പിൻ്റെ ലോട്ടറി നറുക്കെടുപ്പ് നടക്കാറുണ്ട്. ഇവയ്ക്കൊപ്പം ഓണം, ക്രിസ്മസ്-ന്യൂ ഇയർ, വിഷു, സമ്മർ, മൺസൂൺ എന്നിങ്ങനെ ബംപർ ലോട്ടറികളും ഭാഗ്യക്കുറി വകുപ്പ് പുറത്തിറക്കുന്നുണ്ട്.