Iran Attack Israel Live Updates : ലെബനൻ യുദ്ധം കനക്കുന്നു; 8 ഇസ്രായേൽ സെെനികർ കൊല്ലപ്പെട്ടു

കരയുദ്ധത്തിൽ തങ്ങളുടെ എട്ട് സൈനികർ കൊല്ലപ്പെട്ടതിന് പിന്നാലെ തിരിച്ചടിച്ച് ഇസ്രായേൽ. മധ്യ ബെയ്‌റൂട്ടിലെ ഹിസ്ബുള്ളയുടെ കെട്ടിടം ലക്ഷ്യം വെച്ച് നടത്തിയ വ്യോമാക്രമണത്തിൽ ആറുപേർ കൊല്ലപ്പെട്ടു.

ഇറാന്റെ ആണവകേന്ദ്രങ്ങൾ ആക്രമിക്കാൻ ഇസ്രയേലിനെ പിന്തുണയ്ക്കില്ലെന്ന് യുഎസ് പ്രസിഡന്റ് ജോ ബൈഡൻ അറിയിച്ചു.

ലെബനനിൽ ഹിസ്ബുള്ളയുമായുണ്ടായ ഏറ്റുമുട്ടലിൽ ഇസ്രയേലിന്റെ 8 സൈനികർ കൊല്ലപ്പെട്ടു. വിവരം ഇസ്രായേൽ സ്ഥിതീകരിച്ചു. സൈനികർ കൊല്ലപ്പെട്ട വിവരം ഇസ്രായേൽ തന്നെ സ്ഥിരീകരിച്ചിട്ടുണ്ട്.

ഇസ്രയേലിലെ ടെൽ അവീവിലുണ്ടായ വെടിവെപ്പിൻ്റെ ഉത്തരവാദിത്തം ഏറ്റെടുത്ത് ഹമാസ് സായുധസേന.

ലെബനൻ യുദ്ധത്തിൽ ആദ്യ മരണം സ്ഥിരീകരിച്ചു. ഇസ്രയേൽ സൈന്യമാണ് മരണം സ്ഥിരീകരിച്ചത്. ഹിസ്ബുള്ളയ്ക്കെതിരായ ഓപ്പറേഷൻ തുടങ്ങിയതിന് ശേഷമുള്ള ആദ്യ മരണമാണ് ഇതെന്ന് സൈന്യം അറിയിച്ചു.

ഇറാൻ-ഇസ്രായേൽ സംഘർഷങ്ങളുടെ പശ്ചാത്തലത്തിൽ ഡൽഹി തുഗ്ലക് റോഡിലെ ഇസ്രായേൽ എംബസിക്ക് ചുറ്റും ഡൽഹി പൊലീസ് സുരക്ഷ ശക്തമാക്കി.

ഇറാൻ ഇസ്രയേലിനെ ആക്രമിച്ചതോടെ വിമാന സർവീസുകളും മുടങ്ങി. ജർമനിയിൽ നിന്ന് ഇന്ത്യയിലേക്ക് എത്തേണ്ടിയിരുന്ന രണ്ട് വിമാനങ്ങളാണ് പാതിവഴിയിൽ തിരികെ ജർമനിയിലേക്ക് മടങ്ങിയത്. വിമാനങ്ങൾ പശ്ചിമേഷ്യൻ മേഖലയുടെ മുകളിൽ എത്തിയപ്പോഴാണ് ഇറാൻ ഇസ്രയേലിനെതിരെ മിസൈൽ ആക്രമണം നടത്തിയത്. തുടർന്ന് അടിയന്തരമായി വിമാനങ്ങൾ തിരിച്ചുവിടുകയായിരുന്നു.

ഇസ്രയേലിലുള്ള ഇന്ത്യക്കാർക്ക് എംബസി ജാഗ്രതാനിർദേശം നൽകി. അനാവശ്യ യാത്രകൾ ഒഴിവാക്കണമെന്നും സുരക്ഷിത സ്ഥലങ്ങളിൽ തുടരണമെന്നും ഇന്ത്യൻ എംബസി നിർദേശിച്ചു.

ഇസ്രായേലിൽ ഇറാൻ മിസൈൽ ആക്രമണം നടത്തിയതിന് പിന്നാലെ സ്ഥിതി നിരീക്ഷിച്ച് ലോക രാജ്യങ്ങൾ. യുഎൻ രക്ഷാസമിതി ഇന്ന് അടിയന്തര യോഗം ചേരും. ഉടൻ വെടിനിർത്തൽ നടപ്പാക്കണമെന്ന് യുഎൻ സെക്രട്ടറി ജനറലുടെ ആവശ്യ പ്രകാരമാണ് അടിയന്തര യോഗം.

മിസൈൽ ആക്രമണത്തിൽ ഇറാൻ തിരിച്ചടി നൽകുമെന്ന് ഇസ്രായേൽ സൈന്യത്തിൻ്റെ വക്താവ് റിയർ അഡ്മിറൽ ഡാനിയേൽ ഹഗാരി അറിയിച്ചു

ഇറാൻ്റെ മിസൈൽ ആക്രമണത്തിനിടെ ഇസ്രായേലിൽ വെടിവെപ്പുമുണ്ടായി. 8 പേർ മരിച്ചു. ടെൽ അവീവിന് സമീപം ജാഫയിൽ ഒരു റെയിൽവേ സ്‌റ്റേഷന് സമീപത്തായാണ് വെടിവെപ്പുണ്ടായിരിക്കുന്നത്. ഭീകരാക്രമണം സംശയിക്കുന്നതായി പ്രാദേശിക മാധ്യമങ്ങൾ റിപ്പോർട്ട് ചെയ്യുന്നു

സുരക്ഷിതമായ ഇടത്തേക്ക് മാറാൻ ഇന്ത്യക്കാർക്ക് ഇന്ത്യൻ എംബസിയുടെ നിർദേശം. അനാവശ്യ യാത്രകൾ ഒഴിവാക്കണമെന്നും വേണ്ടിവന്നാൽ ഷെൽറ്ററുകളിലേക്ക് മാറാൻ തയറായിരിക്കണമെന്നുമാണ് നിർദ്ദേശം.

തിരച്ചടിക്കാൻ ശ്രമിച്ചാൽ കൂടുതൽ പ്രത്യാഘാതം ഉണ്ടാകുമെന്ന് ഇസ്രായേലിന് ഇറാൻ മുന്നറിയിപ്പ് നൽകി. ഇസ്രായേലിൻ്റെ പ്രധാന സൈനിക കേന്ദ്രങ്ങളാണ് ഇറാൻ ലക്ഷ്യം വെച്ചത്. കൂടുതൽ അറിയാൻ ഈ ലിങ്കിൽ ക്ലിക്ക് ചെയ്യൂ

ഹമാസ് തലവൻ ഇസ്മയിൽ ഹനിയെയും ഹിസ്ബുള്ള തലവൻ ഹസൻ നസ്രുള്ളയെയും വധിച്ചതിന് പ്രതികാര നടപടിയായിട്ടാണ് ഇറാൻ്റെ ആക്രമണം. കൂടാതെ കഴിഞ്ഞ ദിവസം ഇസ്രായേൽ ലബനനിൽ കരയുദ്ധത്തിന് തുടക്കമിടുകയും ചെയ്തിരുന്നു. 400 ഓളം മിസൈലുകൾ ഇറാൻ തൊടുത്തതായി അന്തരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നു

200 ഓളം മിസൈലുകളാണ് ഇറാൻ ഇസ്രായേലിക്ക് തൊടുത്ത് വിട്ടത്. ഇറാൻ്റെ ഭാഗത്ത് നിന്നും ആക്രമണം ഉണ്ടായെന്ന് വ്യക്തമായതോടെ ജനങ്ങളോട് ബോംബ ഷെൽട്ടറിലേക്ക് മാറാൻ നിർദേശം നൽകി. തുടർന്ന് ഒരു മണിക്കൂറിന് ശേഷം ഇറാൻ്റെ മിസൈൽ ആക്രമണം അവാസനിച്ചുയെന്നും ജനങ്ങൾക്ക് ബങ്കറുകൾ വിടാമെന്നും ഇസ്രായേലി ഡിഫെൻസ് ഫോഴ്സ് അറിയിച്ചു.