12 November 2024

TV9 Malayalam

‍അടിമുടി മാറാൻ ഡൽഹി ക്യാപ്റ്റിൽസ്, പരിശീലക സംഘത്തിലേക്ക് ലോകകപ്പ് ജേതാവും

ഇന്ത്യൻ പ്രീമിയർ ലീഗിൻ്റെ 2025 സീസണിൽ ഡൽഹി ക്യാപിറ്റൽസിന്റെ  ബൗളിംഗ് പരിശീലകനായി മുൻ ഇന്ത്യൻ പേസർ മുനാഫ് പട്ടേലിനെ നിയമിച്ചു. 2011-ലെ ലോകകപ്പ് നേടിയ ടീമിന്റെ ഭാ​ഗമായിരുന്നു അദ്ദേഹം.

ഡൽഹി ക്യാപിറ്റൽസ്

Pic Credit: Delhi Capitals/ Munaf Patel

മുഖ്യ പരിശീലകൻ ഹേമാംഗ് ബദാനി, ഡൽഹി ക്യാപിറ്റൽസ് ഡയറക്ടർ വേണുഗോപാൽ റാവു എന്നിവർക്കൊപ്പമായിരിക്കും 41 കാരനായ മുനാഫ് പട്ടേൽ പ്രവർത്തിക്കുക. 

മുനാഫ് പട്ടേൽ

2018-ൽ  ക്രിക്കറ്റിൽ നിന്ന് വിരമിച്ച മുനാഫ്, ആദ്യമായാണ് പരിശീലക ചുമതല ഏറ്റെടുക്കുന്നത്. റിക്കി പോണ്ടിംഗിനൊപ്പം ഫ്രാഞ്ചൈസി വിട്ട ജെയിംസ് ഹോപ്‌സിന് പകരക്കാരനായാണ് മുനാഫിനെ പരിശീലിക സംഘത്തിൽ എത്തിച്ചിരിക്കുന്നത്. 

പരിശീലക ചുമതല

86 അന്താരാഷ്ട്ര മത്സരങ്ങളിൽ രാജ്യത്തെ പ്രതിനിധീകരിക്കുകയും 125 വിക്കറ്റുകൾ വീഴ്ത്തുകയും ചെയ്തിട്ടുള്ള മുനാഫ് മൂന്ന് ഫോർമാറ്റുകളിലും ഇന്ത്യൻ ടീമിന്റെ ഭാ​ഗമായിരുന്നു.

അന്താരാഷ്ട്ര മത്സരം

രാജസ്ഥാൻ റോയൽസ് (2008), മുംബൈ ഇന്ത്യൻസ് (2013) എന്നീ ടീമുകളോടൊപ്പം രണ്ട് തവണ ഐപിഎൽ കിരീടവും നേടിയിട്ടുണ്ട്.

ഐപിഎൽ

Next: ഐപിഎല്ലിൽ അൺസോൾഡ് ആകാൻ സാധ്യതയുള്ള ഇന്ത്യൻ താരങ്ങൾ