രാവിലെ ഉറക്കം ഉണർന്ന ഉടനെ വെറും വയറ്റിൽ ചായയും കാപ്പിയും കുടിക്കുന്നവരാണ് നമ്മളിൽ പലരും. എന്നാൽ, ആ ശീലം ആരോഗ്യത്തിന് അത്ര നല്ലതല്ല. വെറും വയറ്റിൽ ഒരു ഗ്ലാസ് വെള്ളം കുടിച്ചു വേണം ദിനം ആരംഭിക്കാൻ. ഇങ്ങനെ ചെയ്താൽ ഗുണങ്ങൾ ഏറെയാണ്.
Image Courtesy: Getty Images/PTI
വെറും വയറ്റിൽ വെള്ളം കുടിക്കുന്നത് മെറ്റബോളിസം വർധിപ്പിക്കാൻ സഹായിക്കും. ഭക്ഷണം വേഗത്തിൽ ദഹിക്കാൻ ഇത് ഗുണം ചെയ്യും.
ദിവസവും രാവിലെ ഉറക്കം ഉണർന്ന ഉടനെ വെള്ളം കുടിക്കുന്നത് രോഗപ്രതിരോധശേഷി വർധിപ്പിക്കാൻ സഹായിക്കും.
വെറും വയറ്റിൽ വെള്ളം കുടിക്കുന്നത് കുടലുകളുടെ ആരോഗ്യം മെച്ചപ്പെടുത്താൻ നല്ലതാണ്.
നിർജ്ജലീകരണമാണ് മൈഗ്രെയ്‌ന്റെ പ്രധാന കാരണം. അതിനാൽ, ഇടയ്ക്കിടെ വെള്ളം കുടിക്കുന്നത് മൈഗ്രെയ്ൻ തടയാൻ സഹായിക്കും.
ധാരാളം വെള്ളം കുടിക്കുന്നത് മെറ്റബോളിസം വർധിപ്പിക്കുകയും, ദഹനം എളുപ്പത്തിലാക്കുകയും ചെയ്യുന്നു. അതിനാൽ, ശരീരഭാരം നിയന്ത്രിക്കാൻ വെള്ളം കുടിക്കുന്നത് ഗുണം ചെയ്യും.
വെറും വയറ്റിൽ വെള്ളം കുടിക്കുന്നത് ശരീരത്തിലെ ചുവന്ന രക്താണുക്കളെ വേഗത്തിൽ വളരാൻ സഹായിക്കുകയും, അതിലൂടെ ഊർജം വർധിപ്പിക്കുകയും ചെയ്യുന്നു.